SAC Ralhrang Riahcaw Phortu Tilawng Pathum An Tlaih, A Pam Hai Cang Ko Lai Hih
Chindwin tiva ah council ralhraang riahcaw a phur mi tilawng 3 an tlaih. Sagaing ramthen, Chindwin tiva ah council ralhraang riahcaw a phur mi tilawng 3 cu kan tliah hna i riahcaw an phurh mi kan laak dih tiah DBTF nih thawng an thanh. May 6, Chindwin tiva hrawn hmunhma thianhnak kan tuah lio ah, Monywa in Khandi ah a ra mi thilphur tilawng 3 cu Kani um council ralhraang pawl ca ah riahcaw le thilri an rak phur tiah ralhraang chung in thawng an kan thanh ca ah DBTF le tangti phu nih kan tlaih i kan laak tiah thawng an thanh.
Relchap, Nihin Biangreithlep ni 6, 2022 ah CYLA Hall Lawngtlai III ah YLA Conference voi 29 -nak ngeih a si i, conference a zawh mi palai hna nih a ra lai mi kum 2022-2024 ah CYLA nih hma a lak ding mi ceihkhannak le CYLA hruaitu thimnak an ngei. Tutan YLA General Conference bia tlangtar ah ‘Ram le Miphun Humhak’ tiah thim a si.
YLA General Conference hi President Pu Hc Vanlalruatpuia hruainak in thok a si i, Rev. Lalropeka Cinzah, Secretary, Central Mino Bu, LIKBK nih caanserh a hman. Ṭuanvo ngeitu hna nih report phunphun an pek i, cu hnu ah General Secretary Pu JH Lalrindika nih hruaitu hlun hna conglawmhnak a ngeih. Conference Palai hna biaceihnak nih a zulh colh.
YLA General Conference a voi 29 -nak ah an ceih mi cheukhat hna cu:-
1. YLA Golden Jubilee 2024 cu sunglawi taktak in lawmhnak puai tuah si seh.
2. Lai holh cawnpiaknak lei ah kan ṭhanchoh khawh nakhnga CYLA nih hma la seh law, a herhninh in LADC cozah ṭuanpi si seh.
3. Lairam chung pawngkam zohkhenhnak lei ah CYLA nih hmalak si seh.
4. Lawngtlai District chung ah Institution of Rural Development Training Centre a um ve khawh nakhnga CYLA nih hmalak si seh.
5. India North East State hna i District Council dang hna bantuk in dirhmun sang deuh ah LADC hi chiah a si khawh nakhnga CYLA nih hmalak si seh, ti le a dangdang hna an si. A ra lai mi kum 2022-2024 chung i CYLA budget ah phaisa ₹ 22,95,000 hmanding cu conference palai hna nih lungtling tein an cohlan fawn.
Tutan conference ah hin kum 2022-2024 chung hruaitu ding Office Bearers(OB) thimnak an ngei colh i, President ah Hc Vanlalruatpuia thim a si. Vice President ah F. Lalrothanga, General Secretary ah Joseph Lalhmingthanga, Associate General Secretary ah T. Lalremsanga, Treasurer ah R. Lalrampana le Fin. Secretary ah T. Rohlupuia hna thim an si. Tutan YLA general conference ah hin tlangkip in palai 563 an kal kho.
Sagaing ramthen, Khin-U peng Yuathit khua ah umhmun a khuar mi council ralhraang pawl cu khua pawng Innpatkyuat ah checkhlatnak tuahding in an rat lio May 6, zing suimilaam 9:00 hrawng ah tualchung PDF nih bomb an puah hna i 19 an thi tiah Khin-U peng thawngfiang thanhtu phu sin in kan theih.
Council ralhraang hi 30 hrawng an si. Khin-U Support Organization – KSO nih bomb 6 in voi thum an puah hna hi a si i ralhraang 19 an thi, 5 hliamhma faak an tuar tiah kan theih.
Myanmar Ralzaam Pawl Nih An Zulh Mi Hlei Cu Thai Ralkap Nih An Hrawh Piak Cang Hna
Myanmar ralzaam hna nih an zulh mi hlei cu Thailand ralkap hna nih an hrawk piak cang hna. Myanmar le Thailand ramri a si mi Taungyin Tiva -Walay tiva cu Thailand ralkap hna nih an hrawk piak hna tiah theih a si. Cu chin chap ah a poi bik mi cu Fortify Rights mibomchantu hna zong Myanmar ralzaam pawl cu ralring an peek hna tiah theih a si.
Fortify Rights mi bochantu phu hna nih an mah sin in Thai cozah nawl ngei tu hna lei ah Me-Soh ah phung ning loin tlaih khih a tong mi, Myanmar ralzaam sin in Extortion hmattan pawl an ngeih nak kong zong ralring an peek hna tiah theih a si.
Leave a Reply