SAC Ralhrang Phu Nih Malaysia Ram Cozah le Hluttaw Phu Ralring A Peek Hna!!

SAC Ralhrang Nih Malaysia Ram Cozah le Hluttaw Phu Ralring A Peek Hna

Vawleicung ram hna nih remlonak in a khat mi SAC ralhrang phu hna nih  NUG phu in tuanvo ngeitu hna he hmaitonhin ceihhmainak ngeiti, Neihniam in umti lo ding, thazaang peek, bomnak peek tibantukin tuah lo dingin Malaysia ram cozah le Hluttaw chungtel pawl cu SAC ralhrang nih ralring a peek hna.

Myanmar rampi hramhram in uknak a laa mi SAC ralhrang cu May thla ni khat ah chuah mi Malay Mail thawngzamh nih a langhter mi ah ” Malaysia ramdang vuanci nih Government of National Unity to ASEAN he aluat tibantukin chawnhbiak dingah chim rel a si cang lai tiah” a alanghter mi ruangah mah tiin cathanh relring pek nak an chuah mi hi a si men lai tiah ruah domh a si.

SAC ralhrang Min Aung Hliang  te phu hna nih Myanmar rampi cozah hramhram in uknak an laak hnu ah Myanmar ram pumpi chungah sandah piah, lamzawh in duhlonak langhter a si. Cu pinah SAc ralhrang nih phun ning lo in thil an tuah mi pawl ruangah,

Kawlram mipi nak hna nih kan ithimmi cozah sinah uknak pek tthan le Democracy hrauinak lam phak khawh dingah chimrel a si ko nain, SAC ralhrang nih an duh lo caah Vawleicung rampi hna nih Duhlonak. a lam kip in chawleh phihkhamnak , ASEAN tonbiaruah sawmnak lei zongin a kal duh lo mi SAC ralhrang phu an si.

Relchap, Sagaing ramṭhen, KhinOo peng Inpat(အင်းပတ်)khua cu SAC ralkap nih an khangh caah mipi umnak inn 300 leng an kaang, tiah tualchung mi pakhat nih a chim. Nihin May 2, chunhnu suimilam 12:30 hrawng ah SAC ralkap 100 hrawng nih Inpat(အင်းပတ်) khua cu hriamngan le hriamhme hmang in an kah i mei in an khangh fawn, tiah khua mi nih an chim. SAC ralkap nih khuachung mipi umnak inn an khangh lio ah tualchung hriamtlai phu hna nih an kah ve hna nain an hriamthil thazaang aa thlau tuk caah tualchung hriamtlai phu hna cu hnu an tolh ṭhan.

Khuachung inn 300 leng a kaang mi chung ah kum 40 tluk nu pakhat cu mei nih a kangh chih i, a nunnak a liam, tiah KhinOo Support Organization-KSO nih an chim. Inpat (အင်းပတ်) khua mei a khangtu SAC ralkap hna cu zaanlei suimilam 3:00 hrawng ah Ngawngpingyisuh(ညောင်ပင်ကြီးစု) khua lei ah an kal i, bomb hmanh mi nih a hliamh hna caah an motor a rawk i a thi mi an um lai tiah zumh a si, ti in KhinOo Support Organization-KSO nih an chim. Inpat (အင်းပတ်) khua cu inn 500 leng umnak khua a si i, nihin nikhat chung ah KhinOo peng Tayatgan (သရက်ကန်), Intailay(အင်တိုင်းလေး), Inpat (အင်းပတ်), Muta(မူးသာ) khuali in mipi 4,000 leng cu an zaam hna, tiah KhinOo peng media nih an thanh.