Min Aung Hlaing nih zung rianṭuan pawl cu kum 62 nan tlin ah pension pek nan si lai tiah nawlpeknak ca a chuah dih in kum 60 a tlingmi zung rianṭuan 2841 cu pension pek loin zung rianṭuan rih ding in nawlpeknak ca a chuah tiah theih asi. Min Aung Hlaing nih nawlpeknak No. 16/2022 in zung rianṭuan pawl cu pension laak dingah kum 62 tiang a chap. Kum hnih a chap caah kum 60 tling cangmi zung rianṭuan pawl hi 3000 hrawng pension la ding an si ko nain, zung rian pehzulh in an ṭuan lai tiah theih asi.
Pension laak hlan ah a hlankan in timhtuahnak a lami 2607 le ṭhial kaamnak a lami 234 hna cu pension pek loin zung rianṭuan ter rih dingah Min Aung Hlaing nih nawlpeknak ca a chuah tiah theih asi. Min Aung Hlaing zong kum 65 a luan cang ko nain kum 60 ah pension laak ding timi cu amah nawl in a chap. Mizapi nih thimmi cozah nawlngeihnak cu hramhram in a laak caah kum 65 a tling cang ko nain pension a laak lo asi tiah zung rianṭuan he naihniam mi hna nih an chim.
Relchap, Mah hna pahnih hi fak tak tak in Kawlram kong ah auh hna hlah seh law atu lio kan Cozah Foreign Department chung i Myanmar Task Force nih khin NUG zong khi an chom bia thai lo kho mi hna a si. Opposition party lei an si caah Cozah nih zei hmanh tuah an i timh lo mi kha media hmang in an phom chih hna. Kawlram mi students 4,000 leng zong protection visa pek nak le P.R tiang on piaknak ding tiang an au chih. Uar an um kho taktak. Kawlram miphun nih fawi tein chonh biak le ton khawh peng an si fawn.
Liberal party lei cun Dean Smith lawng dawh kan ngei cu.Canberra ah Senate Inquiry kan kal lio zongah atang pic ka tar mi chung in mino deuh pa nih khin Myanmar Task Force tuanvo ngeitu hna kha fak taktak in a den hna. Nan rian tha tein tuan uh. Nan tuan lo cun kan in zoh sawh sawh hna lai lo tiah a phomh ko hna. Ka lau ve ning hi a mak. Teinak an hmuh ahcun Ministers zong an chuak lai tiah an zumh ngai mi hna an si.Credit-Sang Hre
Russia nih Ukraine kahdohnak hi caan saupi a si kho i, cu caah a rauh hlan ah caan saupi chung ti le rawl harnak kan tong lai tiah UN nih vawleipi sinah ralring a peek tiah theih a si . Russia nih Ukraine kahdoh ruangah mi harsa, sifak hna ram ah eidin ti le rawl cu hinak in fakpiin harnak an tong deuh lai tiah Secretary-General of the United Nations in tuanvo ngeitu António Guterres nih a chim.
Ukraine nih ram dang sinah thil a kuat mi pawl kahdohnak a chuah hlan bantuk kan phak tthan khawh lo ah cun Vawleicung rampi cheukhat hna ah eidin ti le rawl eiawk ngeih lo in an ngat lai i harnak fak piin an tong lai tiah ralring a peek nak bia a chim tiah theih a si.
Buaibainak ruangah hlan deuh ah eidin caah hman mi chiti (oil) lawng si loin, fungvei le Gyaone (wheat) bantuk anhringso kuatnak pawl Ukraine tikulh in kuatnak pawl cu a piat (Rawk) dih cang tiah theih a si. NU nih thanhnak a tuah mi ah vawleicungpi eidin ti le rawk zakuak hi kum dang nak in 30% dengmang thilman a kai deuh tiah a chim.
Khua caan thlennak, kokek zawtnak le a tu a cang cuah mah mi buaibainak ruangah mi tampi hna cu eidin ti le rawl a zat in an ngeih lo ruangah Malnutrition timi a buu buu le a ruun runn in an ngat cang hna tiah Secretary-General of the United Nations in tuanvo ngeitu António Guterres nih ralring peek nak bia a chim. Cu ruang ah Vawlei cung mipi hna ralring tein kan um cia a herh cang nakkong zong a chim.
North Korea ram ah Covid-19 a ngei tiah ruah mi mi minung 261,270 an karh nak kong cu May thla ni 19 tuni ah thawngthanhnak an tuah i, Covid-19 zawtnak a ngei mio hi an za piin minung 2 Million deng an um cang tiah theih a si. Cozah nih covid zawtnak a karhnak kong cu theihternak a tuah hnu ah Covid-19 khamnak sii aa chunh rih lo mi mipi miluu zawtnak a ngei mi zatuak cu zawrter deuh ding in kaa zuam lai tiah thanhnak a tuah tiah theih a si.
North Korea ram ah Virus zawtnak hlethlai test nak thazaang le a dang ngandam zokhenhnak a tlawm tuk ruangah a si tiah theih a si. Cu caah hruaitu Kim Jong-un cungah ramkhel ningah a thi mi theiternak an tuah mi hi a mit hmai an zoh tuk caah a si men lai ti zongin ruah a si. N.Korea ram ah Covid in a nunnak a liam mi minung 63 an si cang nak kong,
Hi a thi mi hi zatuak in tuak ah cun zawtnak a ngei mi he zatuak he cun aa khat lo ngaingai tiah theih a si i Kim Jong-un a mithmai an zoh tuk i, an tih tuk ruangah a thi mi hi an zawr ter deuh mi a si lai tiah zumh a si. A tuah cia mi April thla dih lei in N.Korea ram ah mizaw 1.98 million an umnak kong cu KCNA thwngzamh nih thanhnak a tuah. A tlawmbik in mizawt tiah ruah mi 740,160 cu Quarantine ah a dang tein an chiahnak hna kong zong KCNA nih thanhnak a tuah.
Leave a Reply