SAC Ralhrang Nih Tatmadaw Fimcawnnak University le Tatmadaw Sii University Caah!!

SAC Ralhrang Nih Cathanh An Chuah
=================================
Kawlram mipi vialte nih nawlnak thawngin tiin ralkap university Bolawng luhkhawhnak kum cu tuan deuh lio kum nakin thla 6 an kai ter deuh tiin SAC ralhrang nih cathanh an chuah. Ralkap University Bolawng kai auhnak ah hlan deuh kumnak in kum chap in auh an si ii Ralkap University,

Tatmadaw Fimcawnnak University le Tatmadaw Sii University caah Bolawng luhkhawh auhnak ah Kum 2023, January thla ni 1 tiang kum 16 nakin kum hngachia deuh lo ding kum 16 cung, kum 18 nakin upa lo ding aiawh ah kum 16 nakin hngakchia lo ding, kum 18 le thla 6 tiang kai ter a si tiah cathanh an chuah tiah theih a si.

A tu bantuk in Bolawng kai khawhnak kum an kai ter mi hi Kawlram mipi hna nih ukpat nawlnak thawngin tiin kum an chapmi a si ii Bolawng kai nak cu tuan deuh kum tathmat mi nakin kum kai ter deuh, chap deuh a si ii Bolawng kai a duh mi luhkhawhnak caah ramthen ralkap zung hna ah min peek khawh a si tiah SAC ralhrang nih cathanh ah an langhter chih.

China ram ah nungakno te pakhat nih nikhat ah sau nawn chung a phone in game ai celh peng ruang ah a mit a caw tiah theih a si. Kum 21 mi nungakno te pakhat nih China ram ah a lar ngai mi game Honor of Kings timi game cu a mit ai rawk hlan lo ma kho lo in ai celh peng ee tiah theih a si. Cu hnu ah a mit ruang ah Si-iin ah kal in ai piah len ko nain a tlai deuh cang ko rua. Wu Xiaojing nihhin a vorh lei mit zong RAO in a rak i zoh ter bal cang. Asinain a tu hi a mit a caw thai kho men cang mi dirhmun ah a dir.

A nu le pa zong nih ralrinnak an pek lengmang ko “na mit hna ai hrawk sual lai ee” tiin. Hi bantuk in nai celh peng ah cun na mit caw taktak lai hi aw ti zong ah ralrinnak an pek. “Rian ka ttuan lo ni ah cun, zing suimilam 6 ah ka tho, thaithawh ka ei, cu khawh bak cun zaanlei suimilam 4 tiang game cu kai kah” tiah a mit a cawmi nu te nih cun a chim.

“zei maw ka ei, caan tawi ka van i hngilh, ka tho tthan, cun game cu kai kah i zinglei suimilam 1 le 2 tiang cu ti cun ka caan ka hmang” tiah The Global Times sin ah a chim. Minung nuai 200 nih Honor of Kings timi game cu an smart phone ah an i chiah tiah theih a si. kum 12 tang hngakchia ca ah nikhat ah suimilam 1 chung lawng celh khawh ding in tuah a si. China mi lawng an si lo, Laimi lak zong ah hi bantuk minung an tam pi, hi hnu ah mit tthalo hna an um sual nakhnga lo midang zawn ruahnak he rak Share ve. Ref:Metro

Myanmar rampumpi huap in SAC ralkap kuttang um ding mi Mizapi Vengtu ralkap phu dirh ding timi cu tu thla chung ah dirh dih cang ding in Ministry of Home Affairs nih nawl an chuah. “Tu thla chung hrim ah rampumpi huap Mizapi Vengtu ralkap phu dirh dih ding ti a si. A um mi minug vial in dirh hrimhrim ding a si ko” tiah SAC ralkap pakhat nih a chim.

SAC ralkap bawi Min Aung Hlaing nih cun a liamcia Biangreithlep (May) 3 ni ah khan Ralkap cohlang tu hna chung in mizapi kilvengtu tiin min bunh in ralkap bu dirh ding in a rak ti cang hna. Yangon ramtthen hna ahcun sang le veng chung ah mizapi vengtu ralkap bu dirh ding a si. Tu thla Pur 24 – 25 karlak ah dirh ding mi a rak si. Sang uk bawi hruainak in dirh ding mi a si.

SAC ralkap bawi Ming Aung Hlaing nih cun rampi huap in Pyi Tuh Sitt an rak dirh len cang nain an hlawhtling lo, cucaah a thar in Mizapi Vengtu ralkap bu tiin min bunh in dirh tthan ai timh tthan hi a si. Ref; Khit Thit Media

US Nih Asia Ah NATO Bantuk Phu Dirh Aa Tim Tiah North Korea Nih US Sual Phawt!: US nih Asia ramchung ah NATO bantuk phu dirh aa tim cuahmah, North Korea cozah thlak aa timhnak a si, ti in North Korea nih US cu sual a phawt. North Korea ral kham a herh ahcun US hriamnam hna cu tam deoh le ṭhawng deoh in S. Korea ah chiah ding in US President le South Korea President karlak ah hnatlaknak an tuah tiah North Korea nih a lunghrinh hna.

US nih Japan le South Korea ram hna he raltuk cawnnak cu zapi hmuh in a tuahpi hna caah NATO bantuk in Asia ramchung zong ah phu dirh aa timh, tiah North Korea foreign minister nih US le S. Korea cungah lunghrinnak an ngeih kong a chim. US, Japan le South Korea hna cu nai ah khan raltuk cawnnak an ngei i, a liamcia Kum 4 chung ah a vawikhat bik vanlawng phortu tilawngpi cu US nih raltuk cawnnak ah a hman.

Aung San Suu Kyi Cu Naypyidaw Thonginn Ah Chiah Lo Ding In ASEAN Special Envoy Nih Nawlnak A Tuah!: Tlaih a tongmi Aung San Suu Kyi cu Naypyidaw thonginn ah chiah lo ding in ASEAN Special Envoy on Burma Prak Sokhon nih June 27 ah nawlnak a tuah. ASEAN Special envoy cu June 29 ah Myanmar ah a vawihnihnak rak tlawng ding a si i, a rat hlan ah atu bantuk in Aung San Suu Kyi kong cu a chim. Sualphawtnak case 20 leng in tazacuai a tongmi Aung San Suu Kyi cu Naypyidaw thonginn ah an ṭhial a si.

Myanmar rampi a ṭhat ṭhan khawh nakding ah cun Aung San Suu Kyi cu a biapi tukmi a si ti cu vawlei cung ramdang hna le Myanmar mipi tam deoh zong nih an cohlan dih, tiah SAC sin cakuat a tialmi ah cun a langhter, tiah theih a si. Ruahnak lungput khat lei lawng in kal ahcun remdaihnak kong ah zeitik hmanh in a hlawh tling kho lai lo, tiah Prak Sakhon nih cun a chim.

Post Views: 8

SAC Ralhrang Nih Tatmadaw Fimcawnnak University le Tatmadaw Sii University Caah!!

Be the first to comment

Leave a Reply Cancel reply