SAC ralhrang nih tangkaa in mipi an lem sawi hna!!

SAC Ralhrang Nih Rian Ngeilo Pawl Thlakhat Ah 50000 Kan I Peek Hna Lai An Ti Hna I Mipi Ral An Dirh Ter Hna
===================
Irrawady ramthen, Pathein khuapi ah rian ngei lo pawl cu SAC ralhrang nih thlakhat ah nihlawh 50000 kan i peek hna lai tiah an ti hna i, mipi an funtom hna hnu ah mipi ral dirh in hriamnam peek hna dingah SAC ralhrang nih timhlamhnak an ngei tiah kan theih.

” Tu thla chungah an funfom hna. SAC ralhrang nih lam an ser mi a si tiah an chim. Mah le khua ram ah runvennak tuah a si lai tiah an chim. Hriamnam peek nan si lai tiah funfom an si. A tu ah rian ngei lo le eiawk dinawk negi lo pawl nih cazin an peek thluah mah cang an lem sawi hna.” tiah Pathein khuami pakhat nih a chim.

“SAC ralhrang nih mipi ral dirh mi ah rian ngei lo pawl an i tel. Punghman in tangka luhnak a ngei lo mi SAC ralhrang hlun pawl zong an i tel.Ah mah pawl nih tintan an peek hna. Hriamnam peek nan si lai i a herh ah cun ral zong nan tu lai, ralhmai ah nan suang lai tiah an ti hna i, chungkhar a thinphang mi zong an um.” tiah khuaukbawi he aa neihniam mi pakhat nih a chim. Rian ngei lo le eiawk-dinawk ngei lo an lem sawi hna i mipi ral dirhin ralhami ah suan ding zongin an chimh hna tiah kan theih.

8888 Dohthlennak A Dot Dot , 8.8.1988 ah Sandah piahnak in Tuksapur Ralhrang Thahnawn nak cu thla khat chung ah asi. September 1987: Ralhrang Ni Vung Cozah nih phaisa tlap (100MMK) tampi an thah. Anmah le an minung hna cu phaisa thah hlan ah Bank ah phaisa an I khonh cia. Sianghleiruun Siangnak chia nih Sandah an piah I, 8888 Uprising tiah Vawleipi minthang Ralhrang dohnak le Mipi Dohthlennak ah aa chuak siam ve. Thilman a fak tuk tiah Sianghleiruun nih an rak au lio ah hin Facang pi khat man hi 14MMK asi.

March 12, 1988: Lakphak dawr ah Sianghleiruun le Ralkap hna an I vuak. Ko Phung Mg a thi. Cozah nih dai tein buaibainak phisin piak um loin, ralhrang in an chuak hnawh hna caah, Kawlram pumpi Sandah piah nak ah hmakhat te ah a siam colh. March 16, 1988: Inya Tidil kian, White Bridge (Hlei Rang) pawng ah Palik nih an kah hna. 100 leng an thi. Tampi an tlaih, thong an thlak hna. Cozah nih Sianginn vialte an khar colh. Cu hlei cu Red Bridge thisen luannak hlei tiah min an sak (Nick Name).

June 1988: Ko Min Ko Naing le Moethee Zun te hruainak in Mibupi sandah piahnak an peh. Cozah nih meithal in an kah hna tampi an thi.
July 23, 1988: 1962 ah Uknak Chuttu Ralhrang NI Vung cu Ram Luzik le Socialist Party Luzik in aa din. Ni Vung nu an hnu tu in Chakhri tlaih in a uk hna. Ni Vung nih Multiparty Democracy kan dirh piak hna lai tiah a rak ti ko hna nain, Sianghleiruun nih an zumh lo I, an duh ti lo. Meithal kan kah tikah thli lak ah kah asi lo, Target khenh awk le thah awk ah kan kah tiah Ni Vung nih Radio bia a chim: If the army shoots, it hits; it does not aim into the air.

July 29, 1988: Sein Lwin nih Ni Vung rian a chanh. Ni 14 lawng a ṭuan nain mi tampi thattu bak asi. Ni Vung Changtu Ne Win’s successor tiah min na pek nain, a sual bik mi asi Aug. 6, 1988: Sianghleiruun Hruaitu Htay Kywe nih Ni 2 chung fakpi in Sandah piah ding in, BBC hmang in Mipi cu a thanh hna. Aug. 8, 1988: Mi thong tampi le mi bupi cu an hung chuak thluahmah. Kawlram pumpi in mipi vialte nih Ralhrang Rallokap cu na rak doh hna. Cuticun Zarh tampi aa peh.

Aug. 12, 1988: Ni 14 lawng a ṭuan hnu ah Sein Lwin cu an phuak. Aug. 19, 1988: Kawlram mifim paza asi mi, Lawyer Ph.D (Haravrd University) Dr. Maung Maung cu Ni Vung nih President a kai ter. Aug. 24, 1988: Rangoon Siizungpi hmai Daw Aung San Suu Kyi bia an chimh ter. Mipi sin ah voikhat a biachimh nak asi. Aug. 26, 1988: Shwedagon Pura ah, Mipi 500000 leng hmai ah, Daw Aung San Suukyi nih biachimhnak a ngei.

September 1988: Kawlram pumpi cu hmit khawh ti lo in Sandah piahnak aa peh. Rangoon Myodaw Sipin le GAD zung cu mipi an lak, kah hnih I thah nawn nak fak pi in a chuak. Sept. 18, 1988: Ralhrang Hruaitu thar, Saw Maung nih, Rampi uknak a lak I Cozah thar adir. SLOC the State Law and Order Restoration Committee tiah rampi radio in a thanh. Martial Law in ukhram kan thawh ni asi. Kum 25 bak an kan uk kha. MAH hi an mah hrin mi asi.

Sept. 21, 1988: Khin Nyunt Ṭhukhlanzi phu nih sandah piah mi tlaih le thah, thongthlak an thawk. Hruaitu tampi ram ri ah an zam. EAOs ah a lut mi an tam pi. Sept. 27, 1988: SLORC Ralhrang cozah nih Party dirhnak nawl an pek hna. Das Aung San Kyi nih hruainak in NLD party cu Saw Maung nih a thanh hnu ni 5nk ah an dir. DASSK cu Secretary tu a ṭuan piak hna. Rangoon le a velchum, Kawlram hmunkip ah Campaign tuah in DASSK te an kal.

July 20, 1989: Suu Kyi Inn ah thong an thlak. NLD upa tampi zong thongthlak an si. November 1989: SLORC Cozah Swa Maung nih 1990 election kan tuah lai tiah an thanh. Timhlamnak kan ngeih cang, I timh cio ve uh tiah Party kip cu Radio in an thanh hna.
May 27, 1990: Thimhnak an tuah. Suu Kyi’s NLD party nih popular vote 60% an hmuh in, MP todan 80% leng an hmuh. SLOC nih cohlan loin, Kum 20 leng tiang uknak an pek rih.