SAC Ralhrang Nih Paungbyin PDF Sakhan An Laak Pinah!!

No photo description available.

Nizaan suimialm 3:00 hrawngah Sagaing ramthen,Paungbyin khuapi peng , Shwethigone pawngah SAC ralkap ralhrang le mipi kan ralkap PDF hna cu kap hnih in kahdohnak a chuak i, Mipi kan ralkap lei in nu pa 3 le pa 4 an zaa piin minung pa 7 nih ram le miphun caah an nunnak an peek tiah theih a si.

No photo description available.

Cu pinah SAC ralhrang nih PDF sakhan cu an laak piak chap hna hlei ah BA-63 – zuun khat , MA-13 zuun khat, sniper rifle zuun khat, Tuumi zuun 9, MA-13 ​​kuan bawm pakhat, AK kuan bawm pathum, BA63 kuan bawm pakhat, 7.62 kuan bawm pakhat, AK kuan  306, 9 Mama kuan 35, 60 MM (KIA) chuah bomb lung 13, le hraimnam a dangdang ceilak bak an laak piak chap hna tiah theih a si.

No photo description available.

Chin ramkulh, Paletwa peng Abawngtha( အဘောင်သား) khua kam ah May 26 ah AA le SAC ralkap kahdohnak a chuak, tiah AA nih a chim. May 26 zing sml 10:00 hrawng ah Abawngtha khua kam ummi AA cu, SAC ralkap pawl nih an kah hna, tiah AA chimnak nawlngeitu Khine Tu Kha nih Western News ah a chim. “May 26 zinglei sml 10:00 hrawng ah AA ralkap an umnak ah SAC ralkap nih an kalhnawh hna i an kah hna. Hriamngan in chun nitlak an kah hna. Kahdohnak he pehtlai in thawngfiang kan thei kho rih lo,” tiah Khine Tu Kha nih a chim.

No photo description available.

“Paletwa peng ah hlan piin thilri phurhnak caah Kyauktaw khua cu hman bikmi a si. Paletwa mi hna caah tlunkalnak le fimcawnnak a hnorsuan ngai,” tiah Paletwa tualchung mi pakhat nih Western News ah a chim. “Nizan May 26 sml 9:00 in zanlei 2:00 tiang hrawng cu hriamngan thawng lawngte a thang ko. A hlanpi in Matupi-Paletwa lam cu phih a si cang, Kyuaktaw khua lawng hi thil phorhnak le umkalnak ah kan hman. Abawngtha khua kam kahdohnak a um caah lam an phih lai hi kan ṭih ngai ko. Sianginn kai zong a nai cang nain, Paletwa chaklei lawng hi kai khawh dawh an si. Khuate ahcun kai ngam zong a si lai lo,” tiah a chimchap.

No photo description available.

A luancia May 15 lio ah Paletwa peng Thadawng khua kam umhmun khuarmi SAC ralkap eidin chantu Helicopter cu AA nih an rak kah cang. Cu pinah Ann, Myuak U le Buthidawng peng ah SAC ralkap nih hriamngan in an rak kah, tiah Paletwa mi pakhat nih a chim.

No photo description available.

Kawl ralkap nih Rakhine ram chung ka zakip ah thazaang an chap tuk, United League Of Arakan(ULA) nih biaceihnak, ngunkhuai kholhnak le ukhruainak a tuahmi cu hnahnawh an pek. Cu chung i rian a ṭuanmi hna zong tlaih ding in an tlerh hna, biaceihnak zung zong an kulh, SAC ralkap nih Rakhine-Muslim karlak ah rem lonak thiltuah an i tim. Cucaah SAC ralkap nih remdaih tonbiaruah sawmnak kai ding a si kholo,” tiah AA chim phuannak nawlngeitu Khine Tu Khah nih a rak chim.

No photo description available.

A luancia caan ah AA ralbawi zik Htun Myat Naing nih Tainghmu(တိုင်းမှူး) General Htin Lat Oo zong ralrin a rak pek cang. A luanci May 19 thawngpang fiangternak tuah lioah Rakhine ramchung ah kahdohnak a chuah ahcun SAC ralkap sual kan puh te hlah u, tiah SAC ralkap chimphuannak nawlngeitu Zaw Min Htun nih tlerhnak bia a rak chim.

No photo description available.

Be the first to comment

Leave a Reply

Your email address will not be published.


*