SAC Ralhrang Nih NUG Ssayamah Minung Pa 2 An Tliah Hna
===================
Nizaan zaan suimilam 7:30 hrawngah Htee Chaing peng kulh, Hle Hmi khuate sianginn ah NUG nih a tuah mi Sianginn cathimtu sayamah a si mi Daw San San Mar le Daw Aye Aye Hliang hna pa 2 cu SAC ralhrang nih an tliah hna tiah SAC ralhrang thazaang peetu a si mi Fifty Tow News nih a tial.
Relchap, (Photo Dang), Khuapi Lak Raldoh Puai Ka Ruah Zawn Ah Ka Sivang Azual, Khuapi pakhat hnu pakhat lak awk ah: Khuapi lak Raldoh puai thawk asi deng mang cang. Khuapi pakhat hnu pakhat in lak thluahmah, Sagaing, Magway cheukhat, CHINLAD, Kaya, Karen Ram le Kachin Ram Cheukhat vialte cu arau hlan lak ding tiah NUG Planning asi. Khuapi lak Raldoh puai cu lungkil thli in ka ruah zawn ah sivang le lung Retheih in ka um. Ka lungdong can a tam bak ko. Khuapi lak awk ah Hriamnam le meithal a herh. Fungfek, tanbo le ruapum in tuk awk a ṭha lo.
Kuttum in zuang ci asi lo. Paih zuam cawh phun asi lo. Lai Meithal, Puaceh le Thalpat in dohci asi lo. Kuan bawmh 30 te lawng in AK 47 in Khuapi lak asi khawh lo. Kuttum le thazang in zuang khawh le Khuapi lak khawh si sehlaw, CHINDLAND kan lak I kan uknak a sau tuk cang. Thantlang Khualipi zong kan lak diam cang.
Atir te hrim ah a ciamh bak ve hnga lo. Tuak cio hen uh. Kanmah nih Voikhat hnih te meithal kan puak men ah, Ralhrang Uirual nih Miakpi le hriamtling in an kan kah colh ko. Kuanfang cu ruah bang in a sur. RPG, 60 MM kuan cu ṭek dongcat loin a tla mi ko khi a lo ko. Bomb mangtara thawng cu khuari thawng bang dongcat loin an ring. Minung himnak ding khi aum ruam lo. Pathian khumzual nak thawng in kan nungdam I asi.
Lu cawi awk ṭhatlo tiang in an kan kah, Kuan fan 50 te he lawng kan kah ve hna. Naichai lo CHIN pasal kan ti I hacang rial buin. Zeiruang ah dah CDF cu kan thih lai lo tuak cio ko hen uh. Mipi nih kanmah lei ah an um caah nihin tiang kan thazang a tlung. Kan i hrimthan tawn. Mipi loin zeihmanh tlamtlin in kan I ngeih mi a um lo. Mipi thawngpang peknak thawng in Vawlei raldohnak ahcun kan TEI lengmang hna. Kanram le vawlei ah asi caah kan duh ah kan kai, hmai kan nawr in, aa rem lo tikah, rianrang tein hnu kan kir khawh, Uirual hngalh lomi lampawk le ram lak lam in kan kai, kan kir khawh caah nihin tiang kan him.
Khuapi Lak puai hi tuak ngai a herh. Thihlohnak a tam bak ko lai. Aruang cu khuapi um mi hna nih kan nih cu Raldohnak he aa pehtlaih mi kan si lo tiah daithlang tukin an um; Third Party an tam. Dalaan el Piosawṭhi tampi relcawk lo an um kha kan hngalh fawn. Rallokap kut nakin, Khuapi ummi, Third Party, Dalaan le Piosawṭhi ruang ah pamh dueh dawh kan si. Khuapi Raldohnak kan thawk hlan ah hi hna rual hi thiangh an herh hmasat men lai. Culocun kanmah fak deuh ding asi. Raldohnak hmun ah thihloh cu vawlei phung asi. Third Party, Dalaan le PST ruang ah CDF kan pamh lai cu asi khawh hrim lo. Bianabia Ttl Nupa le Ralhrang I tawnnak.
Sandah Piah lio ah Kan Inn hmai ah au hlah uh an kan ti tu hna an um. Kan Inn hmai le kan Inn pawng ah Ralhau sak hlah uh tiah an kan ṭhawlh tu nan um. Kha bantuk dirhhmun kha CDF nih kan hluan khawh rih mi asi. Kha lio can in thawk in tu ni tiang daitein aum khawh rih mi hna hi minung nan si ko maw. Thluak le lungthin nan ngeih ve ko maw? Dohthlennak le CDF he kaa pehtlaih loh, ka rian asi lo ti phun in aum mi hi Khuapi ah nan tam tuk.
I pheh duh hlah uh. CDF le Raldoh cuahmah mi hna thinlung le thazang nan zawr ter tuk hrinhran. Dai tein aum zungzal mi Khuapi khuasa mi hna ruangah Khuapi lak Raldoh puai hi kan hlawhtlin lo khawh men. Pastorte le Khua Nupa hna nih CDF le Dohthlennak tuah tu hna ruahnak I tel loin Ralhrang nan tawn hoi te ko lai. Tawnbiaruahnak nan duh ko ahcun Sandah piah lio hrawng kha pei nan cawlcang ding asi cu. Tlai hnu ah Khua Nupa kan si, Pastorte kan si, an kan ti ngam lailo, an duh le chimh tuah hna seh, ti phun in nan I lak I, nan kan tlaihhrem bak ko.
Kannih CDF cu thih kan ṭih ruangah asi lo. Ralhrang cihmih hlan ah kan kal chung ahcun a poituk lai ti lawng khuaza ka ruah I ka tuak tawn. Kanmah le Kan Hawikom vialte I telin Ralhrang thluk cu kan va duh hrinhran ve dah. Maw Pathian cu ni a phak hlan tiang kan nunnak hi zuah rih ko, kan ram le miphun caah, Ralhrang kan thluk rih hna lo, Kan ram le miphun a luat khawh rih lo, Aizalon nelrawn ah Arfi le Thlapa cu dirh rih ko seh, Nika zong kan tlaih piak rih ko, Ram lak ding tampi a tang rih, kan hmaba rian an tam tuk hrinhran tiah Pathian kan ṭah hnawh tawn.
Kei cu khoika lei hmanh ah ka um lo ti phun in aa lak mi Khuapi fanau rual hna, I nuam salam rih ko uh, zudin sa ei le puai lam kal ah tlo rih ko uh, Nain nan hngalh awk le nan philh lo awk cu: Kan ram le miphun a zalon rih lo I a luat rih lo, Nang zong naa tel ve ti hi asi ko. CDF cu thingkung sisehlaw, thinghram cu mipi nan si. A hram a fek lo ah a kung a fek lo. A hram a cawlcang lo ahcun; thazang a tlawm lai. A hram thazang a tlung lo ahcun: CDF thazang a derh thluahmah te lai.
Thing hram nih nawn, ti le rawl an dawp lo ahcun thingkung cu athih ko lai. A nung ko hmanh ah a par lai lo I theih a tlai lailo. Theihpar an tlaih hmanh ah an eng lai lo I ei bar a chuak lo ding asi. Mipi nih pakhat hmanh tang loin cucu kan theih I kan hngalh ahcun; Lungchung ca kan ṭial in kan nunpi ahcun: Dalaan le Third-Party aum khawh lo. Rallokap minung ti a um khawh lo. Rallokap he a thli tein aa tawn mi Pastorte le Khua Nupa ti zong a umlo hrim hrim. CDMers in Non CDMer sinak lam zong pelte hmanh aum ve lo. Khuapi lak raldohnak zong kan hlawhtlin bak ve lai. Tuak cio ko tua uhsi! Laitlai Unau hna. Crd-Saya H. Rung Kaw
Leave a Reply