SAC Ralhrang Nih Mipi Sualngeilo Minung Pa 3nak Tlawmlo An Tlaih Tthan Hna!!

“Nizaan suimilam 9:oo hranwgah Sagaing ramthen, Myaing pengkulh ah a um mi Than Zaw Oo cu SAC ralhrang nih PDF na bomh hna dalaan na si tiah an ti i an tlaih tiah theih a si. Nizaan suimilam zaanlei 6:30 hranwgah Monywa khuapi ah a um mi Zaw Htoo Aung le Hti Ha Htun le Zaw Ko hna cu SAC ralhrang nih ritthaisii he an tlaih tiah theih a si.

Tuni zinglei hranwgah Poh pengkulh, Ung-Taw khuate pawng Pakokku-Poh-Mindat lei kalnak lam hlei cu mipi kan ralkap PDF hna nih bomb in an hrawh tiah theih a si. May thla ni 29 ah CDF kan ralkp hna nih Chinram, Tidim pengkulh chung um Sianginn kai aa timh mi pawl cu SAC ralhrang kuttangah Sianginn kai kho lo dingin theihternak an tuah hna tiah theih a si.

Nizaan chunlai suimilam 1:00 hrawngah Sagaing ramthen, Khine-U pengkulh, Keuo-Kung khuate ah a um mi dalaan pahnih hna cu mipi kan ralkap PDF hna nih an tlaih hna tiah theih asi. Nizaan zinglei suimilam 9:00 hrawngah Magwe ramthen, Myaing pengkulh ah a um mi Than Zaw Oo cu SAC ralhrang nih PDF bomtu na si tiah an ti i an tlaih tiah theih asi.

Nizaan suimilam zaanlei 3:30 hrawngah Sagaing ramthen, A-Ya-Daw pengchungah SAC ralhrang le mipi kan ralkap PDF hna karah kahdohnak a chuak i, SAC ralhrang nih PDF minuing pa 2 kan thah hna pinah an hraimnam ceilak kan laak piak chap hna tiah thanhnak an tuah.

Nizaan zinglei sang suimilam 11:00 hranwgah Kant-Balu pengah a um mi, U Khaing Win an nu Win May hna cu SAC ralhrang nih mipi ralkap PDF bomtu nan si tiah an ti hna i an hlaih hna tiah theih a si.

Relchap, 2022, May 10-12 ah ngeihmi CDF-Matupi general meeting biakhiahnak tuahmi ah Matupi CDF Supporting Committee -Mizoram cu kanmah CDF-Matupi he pehtlaihnak kan ngei lo, minchia cazin ah relh an si cang, tiah mizapi theih ding in CDF-Matupi nih cathanh an chuah.CDF-Matupi theihpinak um lo in “CDF-Matupi” min hmang in Supporting Committee an dirh. CDF-Matupi theihpinak um lo in Vaurawng Zuunthil nih CDF-Matupi caah bawmnak Rupees -5,445,700 pekmi an cohlan!CDF – Matupi theihpinak um lo in CDF-Matupi caah hmuhmi phaisa hna cu an tawlrel! Cucaah mizapi theih ding ah minchia cazin ah langhtermi Matupi CDF Supporting Committee-Mizoram phu nih phaisa cohlanak an tuahmi cu langhter chih in CDF-Matupi nih cathanh an chuah.

Chin ramkulh Thantlang khuachung inn cheukhat a kaang rih lo mi hna cu SAC ralkap nih May 24 le 26 ni ah an khangh ṭhan caah inn 135 a kaang chap tiah Thantlang Placement Affairs Committee-IDPs help(TPAC) nih May 31 ah a thanh. A luancia May 24 le 26 ahkhan Thantlang khuachung Sianginn sang le Zunghmun sang inn hna cu SAC ralkap nih an khangh than. Sianginn sang inn 116 le Zunghmun sang inn 19 tiin a dihlak inn 135 an khangh ṭhan tiah TPAC nih a thanh.

Uknak latu SAC ralkap hna nih Chin ramkulh Thantlang khuachung cu a luancia 2021, September thla in May 26 tiangah voi 28 mei in an khangh. Thantlang khuachung Biakinn 8 telh in, inn 1500 hrawng cu a kaang cang. Inn 2000 leng hrawng le minung 10,000 hrawng umnak Thantlang khuachung ah SAC ralkap nih kahdohnak an tuah caah le khuachung inn an khangh hna caah, khuachung mipi dihlak cu 2021, September thla in Mizoram le ramri khuate lei ah an zaam hna.
Sagaing ramṭhen Kani peng Ngawngpinwon (ညောင်ပင်ဝန်း) khua pawng ah SAC ralkap le tualchung hriamtlai phu hna cu May 31, zinglei suimilam 7:00 hrawng ah an i kap, tiah theih a si.

Kahdohnak cu suimilam 6 hrawng an rau i, cu kahdohnak ah cun SAC ralkap 21 an thi. Tualchung hriamtlai phu lei in minung 8 nih kuan hma an tuar i, an hliamhma kong ah thin phan ding a um lo tiah theih a si.Kahdohnak ah cun SAC ralkap nih vanlei in suimilam pakhat hrawng an kah hna nain hmunhma an i palh caah anmah hmunhma an laknak lei tu an kha hna, tiah Kyauk Lunggyi(ကျောက်လုံးကြီး) KLG tualchung hriamtlai phu lei in byu-ha-hmu nih a chim.“Kahdohnak cu Ngawngpinwon(ညောင်ပင်ဝန်း) le Tasechawng(တန်ဇယ်ချောင်) kar ah a si i,

kahdohnak ah a thimi SAC ralkap ruak hna a latu an hawile cu kan kah ṭhan hna caah 2 an thi chap. Kahdohnak suimilam 2 hrawng a rauh hnu ah minung thazaang 40 hrawng an chap. Kanmah lei nih cun kuan 4500 hrawng kan hman,” tiah Kyauk Lunggyi(ကျောက်လုံးကြီး) KLG PDF in byu-ha-hmu nih a chim. Kahdohnak ah cun KLG PDF hruainak in MPDF, Yoemah Fighters, Nway Oo pah-kah-phah phu, Alpha Special Force le Naga Ngyi Nawng phufonh hna an i tel, tiah theih a si.
<a href=”http://www.cherrypar.com/wp-content/uploads/2022/05/285144161_402799185075327_5680433668702287548_n.jpg”><img src=”http://www.cherrypar.com/wp-content/uploads/2022/05/285144161_402799185075327_5680433668702287548_n-225×300.jpg” alt=”” width=”225″ height=”300″ class=”alignnone size-medium wp-image-33548″ /></a>

Post Views: 48

SAC Ralhrang Nih Mipi Sualngeilo Minung Pa 3nak Tlawmlo An Tlaih Tthan Hna!!

Be the first to comment

Leave a Reply Cancel reply