SAC ralhrang nih mipi sual ngeilo taksatur in an thah hna!!

SAC Ralhrang Nih Mipi Sual Ngeilo Minung Pa 3 Taksapur In An Thah Hna
====================================
Tamu pengkulh leiah khual tlawng motor in humhimnak a kawl mi SAC ralhrang ralkap thazaang 100 hrawng cu Tamu-Tatyin (3) hna nih nizaan June ni 23 ah bomb in an kah doh hna ruangah SAC ralhrang motor pa 2 cu a khen caah SAC ralhrang minung 15 hrawng hliam an tuar tiah PDF nih cathanh an chuah.

SAC ralhrang nih Yan-Lynn-Fai khuate ah a um mi mipi inn pa 6 cu mei in an khangh hnu ah sual ngeilo khuami minung pa 3 an tlaih hna hnu ah tuni June ni 24 ah taksapur in an thah hna tiah theih a si. An tlaih mi hna cu Yan-Lynn-Fai khuami pa 2, Khun Mon Nuai khua mi pa khat an si ii Nan Mon Ta khuate ah an thah hna ii a ruak laak nak nawl zong an peek hna lo tiah tualchung mi pakhat nih JustYou – TAMU thawngzamh ah a chim.

Russia nih a hnu bik ah a sermi nuclear missile hna cu a rauh hlan ah raltuknak ah kan hman khawh cang lai tiah President Putin nih a chim.Rs-28 Sarmat Missile hna cu tukum dongh hlan ah Russia ralkap sin ah a phan cang lai tiah Putin nih runvennak kong he pehtlaiin a chim. Nato phu nih cun cu missile cu Satan-2 tiah an auh.

Putin nih cun Sarmat cu vawlei cung ah a tha bikmi hriamnam a si tiah a chim. Sarmat hneksaknak kan tuah lio ah kan hlawh a tling tiah a chim rih. Sarmat Missile hna caah sakhan pakhat sersiam in raltuknak ah hman khawh a si cang lai tiah a chim.

Russia nih Sarmat Missile pakhat a hneksaknak kong cu April ah khan thawng thanhnak a ngei i, thlakhat a liam hnuah Russia Space Agency lutlaibik Dmitry Rogozin nih nuclear hriamnam laakah Sarmat Missile 50 hrawng a phan colh lai tiah a chim ve. Russia i hriamnam ruangah kan ral hna zong nih bia dawhcahlo tibantuk cu an chim ngam ti lai lo tiah a chim.

Russia nih a liamcia kum ah khan a thawng nakin a let 5 bakin arang taktakmi Hypersonic Missile hriamnam thazang thawnter chin dingin biatak tein aa zuam. Ukraine kahdohnak ah Hypersonic Missile pakhat zong Russia nih a hman taktak caah raltuknak ah Hypersonic Missile hmasabik ram zong a si.

SAC nih nawlngeihnak a laak hnuin Myanmar cu buainak lawngte a chuah cang caah chawlehnak zong a tla taktak. Atu zarh chung ah khan Daw Aung San Suu Kyi cu amah inn in Nyi Pyi Daw thonginn ah an kalpi/ an thial. Hramhram in cawlcanghnak ngol i hmaitonh tein biaruahnak ngei dingin Asian nih a ngeihmi zulhphung 5 hna cu SAC nih pakhat hmanh a zul lo.

Cu caah Myanmar ram dirhmun cu caan a rau deuhdeuh ahcun a thimi an tam deuhdeuh lai, harsatnak an tong deuhdeuh lai tiah Asian ah a tlawngmi Andrew nih a chim hi a si. Asian ramchung a tlawnnak ahcun Malaysia ramdang minister nih Myanmar kong ah a takin riantuan cawlcanghnak ngei dingin ruahnak a pek i, cu bantukin ruahnak a pekmi cu zul dingin Asian ram hruaitu hna cu Andrew nih a forh hna nak a si.

Asia ramchung hruaitu hna cheukhat nih SAC nih nawlngeihnak a laakmi cu kan cohlang kho lo tiah an chim nain a dirkamhtu lei ah a tangmi hna an lo ngai tiah Andrew nih thil sining a hmuh ning a chim. Sagaing ramṭhen, Chaung Oo khua pawng ah June 23 zing sml 9:00 hrawng ah humhimnak lami SAC ralkap nih, hriamngan an kah caah inn cheukhat a rawh lawng si loin tualchung mi nufa hriamngan kuan nih a khen hna caah a nunnak liam, tiah theih a si.

“A thimi nufa hna cu Chaung Oo khuami Daw Pauk(kum 50) le a fanu Wa Moe(kum 20) an si. Hriamngan kuan cu an inn cungah a tlak caah an thi colh,” tiah tualchung mi pakhat nih a chim. “An duh paoh in hriamngan an kah caah mizapi inn ah a tla i, hliamhma pumi an um. Cu chung ah nufa hna cu an thi,” tiah a chimchap. Hriamngan lung 7 in an kah caah nufa hna a thimi an inn telh in inn thum cu an rawk dih, tiah theih a si.

Cu pinah nizan June 23 zanlei ah KyaungYwa(ကျောင်းရွာ) sang ah SAC ralkap 100 cu an i ṭhen i, thilri vialte an hrawh dih, tiah tualchung mi pakhat nih a chim. SAC ralkap pawl cu, Chaung Oo khua ah umhmun an khuar i, zan fatin khua pawngkam ah cheknak le humhimnak an tuah, tiah tualchung mi hna sin in theih a si.

Chin ramkulh, Thantlang Believers Church Biakinn cu nizan June 23 ah SAC ralkap nih an khangh, tiah kan theih. Thantlang upa pakhat nih,” nizan June 23 zanlei ah Market sang um Believers Church Biakinn cu a kaang. Biakinn lawng si loin mizapi inn hna zong a kaang chih. Thantlang khuachung luh khawh a si lo caah inn zeizat a kangh bel kan hngal kho lo,” tiah The Chin Post ah a chim. 2021 uknak lak hnu in Thantlang Biakinn kaangmi hi 13 a si cang tiah, a chimchap.

Sagaing ramthen, KhinOo peng, BaU (ဘအိုး)khua cu nizan ah mei in a duahtu SAC ralkap 70 tel mawtaw 2 cu PDF hna nih bomb puahhnawh in an doh i SAC ralkap 5 leng an thi tiah KhinOo RTGF in tuanvo ngeitu pakhat nih a chim. June 23 ah SAC ralkap nih KhinOo peng, BaU khua cu meiduah in an hrawh hnu zanlei khuachung in an chuah lio ah bomb an kan puahhnawh sual lai tiah rangpi in mawtaw cu an khalh nain bomb voi 2 an puahhnawh manh hna tiah theih a si.

” Nizan zan ah KhinOo peng BaU khua cu SAC ralkap an lut i an duah, an kir lei mawtaw ngan 2 ah SAC ralkap 70 hrawng an i cit. Cu SAC ralkap mawtaw cu bomb voi 2 puahhnawh an si i kaphnih kahdohnak a chuak. Drone in bomb kan thlaih i a cung in kan thlak hna. SAC ralkap 5 an thi ti cu kan fianter khawh ” tiah RTGF in tuanvo ngeitu pakhat nih a chim.

Post Views: 20

SAC ralhrang nih mipi sual ngeilo taksatur in an thah hna!!

Be the first to comment

Leave a Reply Cancel reply