SAC Ralhrang Nih Mipi Sual Ngeilo Meithal In An Kah Hna!!

Yangon Ah SAC Ralhrang Nih Mino Meithal In An Kah Hna
======================
Yangon ramthen,Tarmway pengkulh, TarMway Ocean mall pawngah a um mi Police sakhan cu Nizaan zaan lei suimilam 5:30 hrawngah Free Fighter Force nih bomb in an puahhnawh hna tiah theih a si.

Cu pinah North Dagon pengkulh, 30 sang Myathiri lam 1 nak ah a um mi Inn pakhat cu nizaan zaan lei suimilam 3:30 hrawngah SAC ralhrang nih an luhhnawh doh i inn chungah a um mi mino pawl an kah hna tiah theih a si. Cu kahdohnak ruangah ah minung pa 2 an nunnak a liam i minung pa 2 an tlaih hna tiah theih a si.

SAC Ralkap Nih Demoso Peng Ah An Thah Mi Unau Hna Ruhro Cu Hlai Ṭhan A Si!: SAC ralkap nih Demoso peng, Sanpiah in meng 6 (စံပြ ၆မိုင်) ah an thah mi unau hna ruhro cu Karenni Free Burma Ranger le tualchung KNDF battallion 9 i bawm in nihin ah an hlai ṭhan, tiah theih a si. “Thla 5 a rauh hnu ah zohchia ngai in an thah mi unau hna chungkhar he kan i ton ṭhan tikah tikhor chung ah aa taang rih mi an ruhro cu laak ṭhan ding in bawmh an kan hal hna i, KNDF battallion bawmhnak in an luruh 2 kan laak hna,” tiah Karenni Free Burma Ranger in ṭuanvo ngeitu nih an chim.

Unau hna hi an rak tlau hmasa i an chungkhar, khuami le tualchung mipi vengtu ralkap hna nih an kawl hna i, zarh 3 hnu ah an ruak in hmuh ṭhan an si. Asinain, cu lio ah cun kahdohnak a zual lio a si caah tikhor chung i an hlonh mi an ruak cu char khawh dih a rak si lo i, an ruhro zeimawzat te lawng laak khawh a rak si. Atu ah cun an chungkhar hna nih bawmh an hal ruangah a dang a taang mi an ruhro cu an laak ṭhan, tiah theih a si.

A luancia February thla ah Demoso peng Sanpiah in 6 meng ah khua mi 4 cu facang le tisik anhnah laaknak in an kir lei ah SAC ralkap nih an rak tlaih hna i, an rak thah hna. Thah a tong mi 4 lak ah 2 cu ekkhor ah an hlonh hna i 2 cu feet 40 hrawng a thuk mi tikhor chung ah an hlonh hna.

Mizoram Hnahthial Ah A Voikhatnak Bik Ralzaam Hmunkhat Pumh Ținak An Ngei, Mizoram, Hnahthial khuapi ah Chinram in a rak zaammi, Ralzaam hna hmunkhat teah a voikhatnak bik Pathian thangthat ținak cu Pu Than Cung a inn ah Chiapa(July)24 chun hnu ah an ngei kho, tiah kan theih. ”Tutan hi a voikhatnak bik a si i thlakhat ah voihnih peng hi hmunkhat teah pumh ținak ngeih khawh kan i zuam lai,

Hnahthial ahhin ralzaam camp 3 a um i, innchung khar 73 kan um, Hakha le Thantlang (Lai) hi cu dawng 30 fai kan si Matupi lei hi an tam, Ralzaam dihlak 350 fai kan si, a tam deuh cu mahte in inn hlan in an um deuh hna,” tiah Hnahthial Ralzaam zohkhenhnak bu i lutlai si mi Pu Za Lian Hmung nih The Chin Post ah a chim. Tutan, Hnahthial ralzaam a voikhatnak bik pumh ținak ah cun Pu Thawng Mang nih thawngțha a chimh hna, tiah kan theih.

Tamu Khua Pawng Kahdohnak Ah SAC Ralkap Pakhat A Thi, Tualchung Mi Pakhat Nunnak A Liam!Nizaan July 23, zinglei suimilam 8:00 hrawng ahkhan Tamu PDF battalion 4, TSG le SAC ralkap kar kahdohnak a chuak i cu kahdohnak ah cun SAC ralkap pakhat a thih lengah hliamhma tuar zong an tam ngai, tiah PDF Tamu battalion 4 in chimphuannak nawlngeitu pakhat nih a chim.

Kahdohnak cu Kalay in Tamu lei khualuhnak meng 4 pawng ah a chuak, tiah theih a si. Kahdohnak ahcun tualchung hriamtlai phu lei hliamhma tuar um lo tein zaanlei suimilam 3:00 ah hnu an tolh kho ṭhan, tiah ṭuanvo ngeitu nihcun a chimchap. Kahdohnak ah SAC ralkap nih an duhnak hmunpoh an kah caah khuachung um sualnak ngei lo pakhat a nunnak a liam, tiah theih a si.

Khin-U peng, Myin Daung Khua Sianginn Hmai Ah SAC Ralkap Bomb Puah An Tong I, 6 An Thi., Sagaing ramṭhen, Khin-U peng Myin Daung (မြင်းဒေါင်း) khuachung sianginn hmai ah bomb thianhhlimhnak a tuahtu SAC ralkap hna cu nizan ah bomb bomb puahhnawh an ton hnu in nihin 24 July zinglei ah bomb puahhnawh an tong ṭhan i, SAC ralkap 6 an thi, tiah Brothers Of Lands Defense Force – BLDF nih cathanh an chuah.

Nizan July 23 ahkhan Myin Daung (မြင်းဒေါင်း) khuachung sianginn hmai ah BLDF, BOB le Hero Army – Khin-U hna nih an hmanhmi bomb cu i lamhnak in SAC ralkap 40 leng an thi. Zaanlei suimilam 5:30 hrawng ah SKAT motor ngan 4 in SAC ralkap a thimi le hliam tuar mi hna cu an laak hna, tiah theih a si.

Nizaan i bomb puah an tonnak hmun ah bomb thianhhlimhnak a tuahtu SAC ralkap hna cu nihin July 24 zinglei suimilam 7:00 hrawng ah bomb puahhnawh an tong ṭhan i, 6 an thi ṭhan, tiah BLDF nih cathanh an chuah.

Khin-U peng, Myin Daung Khua Sianginn Hmai Ah SAC Ralkap Bomb Puah An Tong I, 6 An Thi: Sagaing ramṭhen, Khin-U peng Myin Daung (မြင်းဒေါင်း) khuachung sianginn hmai ah bomb thianhhlimhnak a tuahtu SAC ralkap hna cu nizan ah bomb bomb puahhnawh an ton hnu in nihin 24 July zinglei ah bomb puahhnawh an tong ṭhan i, SAC ralkap 6 an thi, tiah Brothers Of Lands Defense Force – BLDF nih cathanh an chuah.

Nizan July 23 ahkhan Myin Daung (မြင်းဒေါင်း) khuachung sianginn hmai ah BLDF, BOB le Hero Army – Khin-U hna nih an hmanhmi bomb cu i lamhnak in SAC ralkap 40 leng an thi. Zaanlei suimilam 5:30 hrawng ah SKAT motor ngan 4 in SAC ralkap a thimi le hliam tuar mi hna cu an laak hna, tiah theih a si. Nizaan i bomb puah an tonnak hmun ah bomb thianhhlimhnak a tuahtu SAC ralkap hna cu nihin July 24 zinglei suimilam 7:00 hrawng ah bomb puahhnawh an tong ṭhan i, 6 an thi ṭhan, tiah BLDF nih cathanh an chuah.

Kyaukphyu Peng Thonginn Bawi Cu AA Nih An Tlaih! Thlakhat Chung Ah SAC Rianṭuantu 30 Leng Tlaih An Tong: Rakhine ramkulh, Kyauk Phyu (ကျောက်ဖြူ) peng Sanay(စနဲ) khua thonginn bawi cu Rakhine ralkap Arakan Army(AA) nih nihin July 24, zinglei suimilam 8:00 hrawng ah an tlaih, tiah tualchung mi nih an chim.

“Zinglei suimilam 8:00 hrawng ahkhan Sanay khua dawr pakhat chung ah tlaih a si i, atu tiang ah cun Sanay(စနဲ) khuachung cu a dai rih ko, chekhlatnak tuah tibantuk cu a um lo nain siizung pawng ah cun security an chiahmi an um i, dawr zong an khar dih,” tiah Sanay khuami pakhat nih a chim.

A luancia July 17 ah tlaih a tong mi Pung Na Kyun (ပုဏ္ဏားကျွန်း) pengkulh uktu U Hlah Shwe le motor khaltu Maung Kyaw Naing cu AA nih July 23 ah an thlah țhan cang hna, tiah theih a si.

Rakhin ramkulh chung ahhin June 11 in July 24 tiangah SAC tang rianṭuantu hna lengah ralkap 9 le palik 22 hna cu tlaih an tong cang, tiah theih a si. United League for Arakan-ULA/AA nih an thanh ning ah cun hriam a tlai lo mi SAC ralkap kuttang um rianṭuantu hna cu a herh ning in chekhlatnak le biahalnak tuah an si i, raltuknak lei i pehtlaihnak an ngeih lo ah cun ṭha tein kan thlah ṭhan hna, tiah July 23 ah an thanh.

Magwe Ramṭhen, Dammathaya Khua Cu SAC Ralkap Nih An Duah I Khuami An zaam Hna!: Magwe ramṭhen Myaing peng, Dammathaya(ဓမ္မသာရ) khua cu SAC ralkap nih July 24 zinglei ah an duah i tualchung mi cu an zaam hna, tiah theih a si. SAC ralkap hna cu 23 July zinglei 4:30 ah Dammathaya khua cu lut in umhmun an khuar i, nihin zing ah inn an khangh hna, tiah theih a si. Khuami pakhat nih cun, “Dammathaya khua cu SAC nih nihin zing ah an duah i, inn 7 a kaang cang, tiah kan theih. Zeizat a kangh bel fiang in theih a si rih lo,” tiah a chim.

Culio ah Sagaing ramṭhen Ngathan(ငတန်း) khua le Shwehlan(ရွှေလှံ) khua cu July 24 ah luhhnawh in tualchung mi 13 an tlaih hna, tiah tualchung mi nih Yangon Khit Thih ah an chim. “Tanhse peng Ngathan khua le Shwehlan khua cu SAC ralkap nih an luhhnawh i khuami 13 an tlaih hna. Khuachung ah zei dah a cang ti cu fiang in theih a si lo,” tiah tualchung mi pakhat nih a chim.