SAC Ralhrang Nih Khualtlawng Citmi Motor Pahnih An Kah
Tanintharyi ramthen, , Myeik pengkomh, Palaw khuapi pawng zaan lei sang ah, khuatlawng motor pahnih cu SAC ralhrang nih an kah caah minung pahnih an nunnak a liam mi,mi tam ngai nih hliam an tuar tiah theih a si. Khua mi pawl nih an chim ning ah cun khualtlawng motor a hmai lei ah a kal mi, SAC ralhrang an i telnak Hijet cu bomb puah a tong tiah an chim.
Mah motor hna cu bomb puah hnawh an ton caah a ran khawh chungin SAC realhrang nih ruah domh in meithal in an kah ti zongin an chim. ” Mah thil a caan nak hi mi an um lonak hmun ah asi i, fiang fai te cun ho hmnah nih theih khawh a si lo. SAC ralhrang pawl bomb puah an ton hnu ah hriamnam ngan, hriamnam hme in toi tampi an kah” ti zong in an chim.
Ni 3 Chung Ah Minkin peng Khua 3, Inn 270 Leng Mei khanghpiak An Tong! SAC Ralkap nih ni 3 chung ah Sagaing ramthen, Minkin peng chung Than Pauh, Yin Ka Lay le Luang Pyih khua 3,inn 270 an khanghpiak hna tiah tualchungmi hna nih an chim. Tan Pauh khua cu April 25 ni ah SAC ralkap Khah – Mah – Yiah 87 thazaang 150 leng le Phyo Saw Htee hna nih PDF an um ti in hriamngan in an kah hnu ah mei in an khangh. ” Tan Pauh (သံပေါကျ)khua cu mei an khangh ah hin datsi in an toih i cu hnu ah an khangh.
Khuachung ah a tang i a chuak kho lo mi hna cu PDF hna nih an bawmh hna i an chanh khawh hna. Inn 300 hrawng a si mi Tan Pauh khua cu SAC ralkap hna an luh hlan in khuami cheukhat cu an zaam i khuachungah cun PDF le khuami cheukhat an tang. khuachung ah SAC ralkap nih bomb an hmah i khuami zong an zamnak hmun in an tlung kho lo caah ralzaam hna caah eidin hna cu PDF hna nih an bawmh hna tiah tualchung mi pakhat nih a chim chap.
Cu hmun hrawng cu SAC ralkap Khah – Lah – Yiah 87 thazaang 150 leng an um i SAC ralkap le Myanmar Defense Force – MDF, Sagaing PDF, Minkin PDF, Maharmik PDF phu hna cu April 25 in 27 tiang kahdohnak pehzulh in a um.
Cu thil a cang mi kong cu SAC ralkap lei nih cathanh an chuah mi a um rih lo.Ref:RFA
Laung Lone Peng Pandalay Khua Ah Pyosawtee Nu Fimtawl A Si Dawei peng, Laung Lone peng Pandalay(ပန်းဒလဲ) khua ah nihin April 28 zing Sml 7 hawng ah pyosawtee an ti mi nu pakhat kah thah a si tiah Dawei Defense Team (DDT) nih an thanh. An thah mi nu cu Daw Tan Tan Tinh (ဒေါ်သန်းသန်းတင့်) a si, pyosawtee a si tiah theih a si khua chung ah SAC ralakp caah ngunkhuai a kholh hna SAC a thohderh tu a si tiah an cathanh ah an langhter.
Daw Tan Tan Tinh a fimtawl tu hi Dawei Defense Team (DDT) an si i hi kong ah khuami hna he pehtlaihnak(an i sai lo) an um lo tiah an chim fawn. Laung Lone peng ah khuabawi, sanguk bawile SAC ralkap thawng petu(dalan) pawl hi a tu le tu he fimtawl an si tiah theih a si.
Leave a Reply