SAC ralhrang nih Kalay Myo Sianginn cu Kalay-PDF hna nih an hrawh tiah thanhnak an tuah, cu pinah!!

Sagaing ramthen, Kalay Myo khuapi chung San Myo sang ah a um mi A hmat no.(8) Hight School PDF nih mei in an khangh tiah SAC ralhrang Media nih thanhnak a tuah i, ပျဉ်ထောင် ၂ cu mei khangh ruangah a ciam tla dih i, RC ၂ ထပ်(ခရေဆောင်) cu an hrawh dih tiah SAC ralhrang Media nih thanhnak a tuah.

Cun nizaan zaan lei suimilam 4:00 hrawngah Sagaing ramthen, Kalay Myo, Myaing Sung khuate in nitlak lei ah SAC ralhrang le mipi kan ralkap Kalay-PDF tatyin (6) sakhan cu SAC ralhrang nih an laak tizong in thanhnak a tuah chih pinah PDF minung pa 2 an thih pinah an hriamnam an laak piak chap hna tiah SAC ralhrang media nih thanhnak a tuah. Nizaan zaan lei suimilam zaanlei 3:30 hrawng ah,

Sagaing ramthen, Inn-Taw khuapi peng, Set-Taw-Gone khuate ah a um mi Dalaan U Than Thein Kyaw cu mipi kan ralkap PDF hna nih an luhhnawh an tliah hnu ah Nat-Tee khuate panwg Shwebo-Myitkyina lam pawngah an kahthah tiah theih a si. Sagaing ramthen, Shwebo pengkulh,

Kaw khuate ah a um mi dalaan U Mya Win (61) cu thilcawk ah Shwebo khuapi in a rak kir lio ah Min-Bee khuate pawngah mipi kan ralkap PDF hna nih an kahthah tiah theih a si. Magwe ramthen, Yee-Sa-Cuu pengkulh Taung-Oo khuate ah a um mi Dalaan U Kyaw Oo cu rawl einak a dawr  ah PDF kan ralkap hna nih an kahthah  tiah theih a si.

Chinram Falam khuapi peng Falam-Kalay ramri ah SAC ralhrang le CNDF karah kahdohnak a chuak i, SAC ralhrang nih CNDF tatyin-2 an sakhan cu an laak piak hna tiah SAC ralhrang media nih thanhnak a tuah. Sagaing ramthen, Chaung-U pengkulh, Pee-Taung  khuate panwgah,

SAC ralhrang hna nih mipi minung pa p2 hna nih zohfel dingin an dirter hna i, an dir lo caah mipi sual nngeilo minung pa pa2 hna cu SAC ralhrang nih meithal in an khah thah hna tiah theih asi. Sagiang ramtthen, Chaun-Hla (ကျွန်းလှ) pengkulh Nga-pat-Aan khuate ah SAC ralhrang hna nih mipi kan ralkap Myo Htun an tlaih tiah theih a si.

Kalaymyo ah hriamngan puah ruangah minung 3 nunnak liam, Nizaan May 28 zaan sml 7:00pm hrawngah SAC ralkap nih tong kah in hriamngan le meithal an kah mi ruangah mipi zei sual lo 3 nunnak a liam. Kalaymyo Tahan i a um mi Agape sizung hnei ah hriamngan puah ruangah nu pahnih le pa pakhat an nunnak a liam.

“Nizaan cu mei zong a ra lo, inn lengah an chuak i an tthu hna, cu lio ahcun an inn hmai ah bomb cu a rak tla i a puak. Pahnih cu an thi colh. A dang pakhat deuh cu zaan tlai hnu ah a nunnak liam” tiah khuami pakhat nih a chim. A thi mi hna hi kum 45 mi a si i a fapa kum 27 mi he an nunnak a liam. A dang pakhat hi kum 23 upa a si i fa sem chang lio mi a si. A fa te le a pasal a kal tak hna tiah theih a si.