2022, June ni 3 ni zaanlei suimilam 1:00 hrawngah Kalay khuapi chung Tahan sang ah a um mi Kalay-PDF chungtel a si mi Lal Nun Mawia (John Lam Nun) cu PDF nih an hman hnga dingmi a si mi hriamnam ceilak he kan tlaih tiah SAC ralhrang nih tuni ah thanhnak an tuah. Cu bantuk thiamthiam in Kalay pengkulh Sii-Ta khuate pawngah PDF pakhat hmuh a si ii SAC ralhrang nih kan kah ii a ruak le hriamnam he kan char tiah SAC ralhrang nih thanhnak an tuah.
<a href=”http://www.cherrypar.com/wp-content/uploads/2022/06/285075774_419748546674538_7563160084161944659_n.jpg”><img src=”http://www.cherrypar.com/wp-content/uploads/2022/06/285075774_419748546674538_7563160084161944659_n-300×196.jpg” alt=”” width=”300″ height=”196″ class=”alignnone size-medium wp-image-33801″ /></a>
Thla khat renglo hnu ah Sunday in khan Russia nih Ukraine khualipi Kyiv missile in a kah than cang. Nichuahlei Seivierodonetsk khua a hnarcheu tu Russia kut a phan cang, tiah Ukraine officials nih a chim. Kyiv khua cung meikhu cu meng tampi hlatnak hmanh in hmuh khawh in a um. Tlanglawng remhnak inn a kah, tiah Ukraine nih an chim. Eastern Europe nih Ukraine an kuatmi tanks pawl kan hrawhpiak hna, tiah Russia lei nih a chim. A thimi kong an chim kho colh lo nain, minung pakhat belte sizung a phan. March lio i Kyiv lenglei pi tiang Russia ralkap an thawl hna hnu cun, khuapi chungah punghman ti awk in mipi khua an sa cang. Tutan ah ruahlo piin nawlnolh in a vun khah than hna hi a si, ti asi.
<a href=”http://www.cherrypar.com/wp-content/uploads/2022/06/285075774_419748546674538_7563160084161944659_n.jpg”><img src=”http://www.cherrypar.com/wp-content/uploads/2022/06/285075774_419748546674538_7563160084161944659_n-300×196.jpg” alt=”” width=”300″ height=”196″ class=”alignnone size-medium wp-image-33801″ /></a>
“Kremlin nih a thar in a kan kah than cang. Nihin missile nih Kyiv a khen. Ai tinhmi cu minung a tam khawh chung tam in thah a duh, ti a lang.” tiah President Zelensky i a adviser Mykhailo Podolyak nih a chim. Zelensky cu ral a hrahnak Zaporizhzhia lei ah a tlawn lio a si.
Bomber vanlawng in lamhla kahnak (long-range missile) in an kan kahmi a si. Caspian Sea tiang an kah – Russia nih anmah hrawhmi in an chimmi tanks pawl nakin a man a faakdeuhmi hriamnaam an si, tiah Ukraine nih an chim. Ukraine i a nganbikmi pahnihnak kan nuclear power plant a cung zawn ah niam tein Russia cruise missle a hung zuang, tiah Ukraine nuclear power operator nih a chim. Sunday i Kyiv a kah thanmi cu April hnu in avoikhatnak a si. April lio ah khan journalist pakhat a thi. Kan hnung hrawnghrang kha cu nichuah le chaklei lawng Russia nih biatak in a kah. Cun Western ram pawl bomhnak phan kho hlah seh, tiin tlanglawng lam pawl, heh tiah a kah fawn.
Sieverodonetsk a hnarcheu cu Ukraine nih an lak khawh ve.
<a href=”http://www.cherrypar.com/wp-content/uploads/2022/06/285075774_419748546674538_7563160084161944659_n.jpg”><img src=”http://www.cherrypar.com/wp-content/uploads/2022/06/285075774_419748546674538_7563160084161944659_n-300×196.jpg” alt=”” width=”300″ height=”196″ class=”alignnone size-medium wp-image-33801″ /></a>
Kan hnung hrawnghrang cu sehzung a tamnak khua hmete Sieverodonetsk khua cu Russia nih biatak tein a kah, a ruang cu Luhansk le Donetsk khua von laak a duh caah a si. Ukraine ralkap lei zong nih Russia ralkap pawl cu an i relhlo kar ah faak ngaingai in an kah hna, Sieverodonetsk khua a hnarcheu cu an kut a phan than cang, tiah Luhansk governor Gaidai nih a chim. “An hmuhmi paoh hrawh dih an i tim. A dang tactic an i ngeihmi a um hlei ti lo,” tiin Gaidai nih a chim. Sieverodonetsk ah kaphnih in a thimi an tam ngai in an chim. Sieverodonetsk kahdohnak hi a ra lai mi thla hnihthum chungah ahodah a thawngdeuh te lai, tiin lai a rel khotu kahdohnak pakhat a si.
Luhansk pengkulh chungin Ukraine kut a phanmi hmun a um ve i, Sunday ah khan minung 98 Ukraine nih an khamh hna.
<a href=”http://www.cherrypar.com/wp-content/uploads/2022/06/285075774_419748546674538_7563160084161944659_n.jpg”><img src=”http://www.cherrypar.com/wp-content/uploads/2022/06/285075774_419748546674538_7563160084161944659_n-300×196.jpg” alt=”” width=”300″ height=”196″ class=”alignnone size-medium wp-image-33801″ /></a>
Ukraine ralkap pawl erhtonh an duh caah heh tiah a lamkip cu Russia nih hrawhpiak ai zuam peng ve. Eastern Ukraine ah Russia Major General Roman Kutuzov a nunnak a liam. Russia ralbawi a thimi an tam ngai ko cang, tiin Russia state media thawnglatu nih Sunday ah khan a chim. Sunday lawngah khan Donetsk le Luhansk ah voi 7 tiang kahdohnak kan tuah i, Russia tanks 4 le an helicopter pakhat kan hrawhpiak hna, tiah Ukraine lei nih an chim. Nazi 24 chung Sieverodonetsk i Ukraine pawl cawlcanghnak nih hin Russia thathawhnak hi a hrawh cikcek lai tiah ka ruah, tiin Britain defense ministry nih Sunday ah khan a chim. A Russia ralkap pawl an thihloh a tlawmdeuh nakhnga, tiin amah Russia a tanhtu Ukraine hriamtlai (tapung) pawl cu hriamnaam chiachia lawngte a pek hna, tiah theih a si. Donetsk pengkulh chungum Siverskiy Donets tiva hrawngah cun Russia pawl an hlawh a tling ngai. Sloviansk lei tiang hna hmai an nawr sual lai, ti lawng an phan.
“Russia nih Ukraine a luhhnawhnak hi ni 100 a si cang. Hihi Pathian nih ai tinhmi a hrawktu thil a si” tiin Rome i Sunday bia a chimnak ah Pope Francis nih a chim.
<a href=”http://www.cherrypar.com/wp-content/uploads/2022/06/285075774_419748546674538_7563160084161944659_n.jpg”><img src=”http://www.cherrypar.com/wp-content/uploads/2022/06/285075774_419748546674538_7563160084161944659_n-300×196.jpg” alt=”” width=”300″ height=”196″ class=”alignnone size-medium wp-image-33801″ /></a>
US rocket thar Putin nih zei ah a rel lo, Medium-rang rocket system Ukraine ka kuat lai, tiah kan hnung zarh ah khan US nih a chim. Hi hriamnaam he cun tutan ral hi kan dironh khawh ngai ko lai, tiin Kyiv nih an chim. Russia ram tiang kahnak ah ka hmang lai lo, tiin Ukraine lei nih an chim ko nain, long-range rocket system cu US nih kuat a tim hna lo, tiah theih a si. US nih long-range rocket a kuat ding cu Putin a thing a phang ngai ko nain, medium-range rockets kuat a timhmi belte cu Putin nih zeisawpa rel lo bantuk in Russia state TV he interview tuahnak Putin nih a chim. Tutan i Washington nih Ukraine kuat a timhmi rocket system tham cu Ukraine nih an i ngeih thingmi Soviet chan lio ta rocket he ai khat ko, tiin Putin nih a chim. “Hi rocket hi cu a thar a si tal lo cu. Zeihmanh ai hlei pek lai lo. Washington nih long-range rocket a kuat hna belte le, kan kah rih lo nak hmun le hma vialte kan kah ve ko lai. Cun Western drones pawl zong zeipipa an si lo. Pesen bantuk men in pei Russia nih kan hmaan cikcek ko hna hi” tiin Putiin nih a chim. Crd-Chelsea Bawi
<a href=”http://www.cherrypar.com/wp-content/uploads/2022/06/285075774_419748546674538_7563160084161944659_n.jpg”><img src=”http://www.cherrypar.com/wp-content/uploads/2022/06/285075774_419748546674538_7563160084161944659_n-300×196.jpg” alt=”” width=”300″ height=”196″ class=”alignnone size-medium wp-image-33801″ /></a>
Leave a Reply