SAC Ralhrang Nih Daihnak An Ti Mi Cu Tih Nung Tuk Mi A Si

SAC Ralhrang Nih Remdaihnak A Timi Cu PDF Thah Dih/Hrawh Dih A Si Tiah KNU Brigate 5 Hmu Nih Phuan!

 

Nawlngeihnak latu SAC ralhrang ralkap nih remdaihnak a timi cu PDF thah dih lawng a si tiah KNLA Brigate 5, Bohmu Saw Mu He nih Mutaw thawngzamhnak ah a chim.
Atu ahcun PDF hi an caah tih nungmi le harnak petu an si timi an theih fiang. Cucaah tlangcungmi hna he remdaihnak tuah hratin PDF thah dih, hrawh dih ding hi an i timhmi a si tiah anmah Kayin holh in a chim.
SAC ralhrang cu a lamkip in harsatnak a tong cang caah mah hi caan tha i laak hratin tlangcung hriamtlaimi hna he kahdaihnak ser an i timh hi a si. Harsatnak tong hna hlah seh law hi bantukin kahdaihnak ser ding hi an i zuam lai lo pinah an kan kahdoh lehlam lai tiah Bohmu Saw Mu He nih a chim chih.
SAC ralhrang ralkap nih an tuahmi kum 75 tlinnak Rampi Ni ah kahdaihnak minsen thutu RCSS/SSA, MNSP, ALP, LDU, KNU/KNLA-remdaihnak council PC, PNLO le KNU Dupalaya pengkomh chairman hlun Pa Du Saw Shew Maung hna nih an telpi hna tiah an langhter.
Cupinah kahdaihnak minsen a thu lomi AA/ULA, UWSA, SSPP/SSA, NDAA tiin anmahle phu aiawhtu palai an i tel tiah an langhter.
SAC ralhrang ralkap nih cu bantukin kum 75 tlinnak Rampi Ni ah a tuahmi kahdaihnak cu lih le hrokhro lawngte a si i, KNU hruaitu hna an kai lomi hi a dikmi biachahnak a si tiah Bohmu Saw Mu He nih a chim chih.
Ref: Deltanewsagency
Relchap,

Tlangcung Miphun hna nih herh mi Federal Democracy Pyidaungsu cu atak ah sersiam khawh a si hlan tiang NUCC nih hnu kir loin i zuam in tuanvo ka laak lai tiah tuni ah a phan mi Panglung minthut kum 75 atlin ni ah biakam a pek nak kong cu cathanh  a chuah.

SAC ralhrang i hruai ning tel  in SAC Ralhrang  uknak daihter nak, Panglung biakm pawl cu Federal Democacy hrambunh cungah biakam a si mi cu tlamtlin ter ding, Miphun ram daihnak cu tuanvo laak in Federal Democracy Pyidaungsu cu kan dirh lai tiah NUCC nih a chim.

Kawlram Luatnak kan hmuh hnu in tuanvo a laa mi Cozah sin poah ah Panglung minthut biakam pawl cu hrawk in  phung ning loin mipi tuahser nak, mi thleidan in tuahto mi pawl hna caah NUCC nih tlangcung mipi sinah ngaithiam a hal nak ca a chuah.

NUCC cu CRPH tel in rampi thimnak aiawk tu phu pawl, Ramkhel party pawl, Unions pawl, Nu pawl, Mino le Minung tlawmin phu dirh mi pawl, Federal phu dirh a si mi pawl Cozah riantuan CDM pawl, CDM colcang nak in riantuan mi pawl, Mipi lamzawhnak he pehtlai in phu dirh mi pawl, Tlangcung Hriamtlai dohthlennak phu dirh mi pawl, Caan Kar laak State Federal Unit aiawh tu committee hna nih dirh mi phu a si.

Tuni cu 1947 February ni 12 ah rakthut mi kum 75 tlinnak ni a si.  A luan cia mi kum 75 ah Brithish cozah sinah luannak cu kan hmuh i mah teiin khuakhan lairel khuakhan khawh nak cu thih -khaih loin cova aa khat tein thutdir khawh tii dingah Federal Democracy Pyidaungsu cu sersiam dingah , Kawl miphun ram (Mainland Burma), Shan Pyidaungsu , Kachin Tlangcung hmun le Chin ram aiawk a si mi tlangcung miphun aiawh a si mi hna nih Pang Lung minthut ah biakam nak he min a rak thut.

A si nain Kawl cozah hna nih tlangcung mi hna nih kan i ruahchanh mi Fedreal Democracy Pyidaungsu cu tuah piak duh loin an rak kan hlen i Kawl miphun cozah hna nih Pang Lung biakam minthut cu hrawk in Pyidaungdu Unit lawng a hman nak kong cu NUCC nih a chim ohuan.
Cu ruang ah Kawl cozah hna nih Pang Pung Minthut le biakam cu tuanvo a lak duh lonak kong tlangcung mi hna nih kan sungh mi faknak pawl cu atu caan lar laak Federal Democray hruainak ah aa tel mi NUG telin Dohhlennak a tuah tu hna nih fiangdai tein an theih an i fian cang caah hmai lei ah Pang Lung Minthut le biakam pawl cu phung ningin tuanvo lak a herh nak kong cu NUCC nih a chim.

Cu ruangah tlangcung miphun hna nih kan herh mi Federal Democracy Pyiudaungsu cu Pang Lung Minthut le Pang Lung biakam a si bantuk in tuanvo laak riantuan a herh i SAC ralhrang le SAC ralhrang hruainak uknak hrawh lawng ah Federal Democracy Pyidaungsu cu ser khawh a si lai nak kong cu NUCC nih a chim chap.

Be the first to comment

Leave a Reply

Your email address will not be published.


*