Thidoptu Phu Hruaitu Yan Naing Shwe Meithal In An Kahthah
Yangon ramthen, Thanlyin Hruainak suaisamnak phu chungtel, Thidoptu phu tiah auh mi phu chungin an hruaitu lubik Yan Naing Shwe cu meithal in an kahthahnak kong cu, Thanlyin mipi hmunhimtu ralkap ( Pah Kah Phah) nih thawngthanh nakin theih a si. Tuni May thla nikhat Zaan lei suimilam 6:15, Phuh May lam ah Yan Naing Shwe cu meithal in an kahthah tiah theih mi thawngpang cu Thanlyin mipi ralkap zong nih Burma VJ ah a chim tiah theih a si.
” Yan Naing Shwe a nunnak a liam tiah theih a si. Thanlyin mipi ralkap Pah Kah Phah phu nih kahthah mi a si. Yan Naing Shwe cu USDP party chungtel Yangon ah tuah mi ralkap cohlannak puaiah a tu le tu in a kai lengmang mi a si. SAC ralhrang Uico phu pawl he an i pehtlaih nak kong hi a tamtuk mi a si” tiah a chim.
Phuh May lam i mi pakhat nih” Meithal kah thawng pehtlai in voi tamtuk kan theih caah kan lau dih. Yan Naing Shwe an kah tiah thawng kan theih nun kan i nuam tuk. Mipi ralkap kan hngakchia pawl an him nak hna hnga ding caah tiin thla ka caam” tiah a chim.
Yan Shwe hi SAC ralhrang pawl caah aa pee tuk mi a luu bik tiawh in a si. Pengkulh uknak lei suaisamnak committee phu chung tel, Mipi ral hruaitu, Thidoptu tiah uah mi hruaitu luubik tiin tuanvo a laa mi a si. Cu pinah 2020 rampi thimnak ah USDP partry in Tluttaw lei in aa zuam ve mi a si tiah tualchung um hna nih an chim.
Relchap, ASEAN Nih NUG Ton Ding Ah Malaysia Cozah Nih Biatung A Dirh Lai! ASEAN nih National Unity Government(NUG) ton ding ah Malaysia cozah nih biatung a dirh lai, tiah theih a si. ASEAN biahren(agreement) 5 cu SAC ralkap nih a zulh duh lo caah ASEAN nih NUG ton ding ah biatung kan dirh lai, tiah Malaysia Foreign Minister Datuk Seri Saifuddin Abdullah nih a chim. “ASEAN nih a dang cozah cohlan nakding ca ah biatung kan dirh a si lo. Asinain ton biaruahnak sawhsawh lawng a umnak Myanmar ram, mizapi hna ca ah zei tin dah bawmhnak kan pek khawh hna lai ti cu ruah a hau,” tiah a chim chap.
May 5 ah ASEAN Foreign Ministers tonpumhnak cu tuah an i tim i cu tonpumhnak ah NUG he tonnak ngeih ding cu Malaysia nih biatung a dirh lai i. Myanmar ram mi hna bawmh nakding le Myanmar-ASEAN pehtlaihnak (Myanmar Ambassador) kongkau zong Malaysia nih ceihmainak a tuah lai, tiah theih a si. Atu tiang ah SAC ralkap nih ASEAN biahren cu a zulh lonak kong Malaysia Foreign Minister nih cun a chim. Cucaah Myanmar- ASEAN pehtlaihnak a ṭhat khawh deuh nakding lam zong an ceihmai lai, tiah theih a si.
Leave a Reply