SAC Ralhrang Nih American-ASEAN Tonbiaruahnak AH Kan Kai Lai Lo
A ra lai mi May thla chung ah tuah hnga ding American-ASEAN special tonbiaruah ceihhmainak ah ramkhel rian a tlai lo mi (Ramkhel ah a colcangh lo mi) an sawm hna si cun mah American-ASEAN ton biaruah ceih hmai nak ah kan kai lai lo tiah SAC ralhrang lei nih theih ter nak an tuah.
American le ASEAN pehtlaihnak kum 45 a tlinnak tonbiaruah nak puai ah American-ASEAN special tonbiaruah ceihhmainak cu American rampi, Washington DC ah May thla ni 12 in May thla ni 13 tiang tuah ding a si tiah theih asi, A si nain SAC ralhrang lei nih Ramkhel lei colcang nak a ngei lo mi an sawm hna a si cun mah tonbiaruah nak ah cun kan kai lai lo tiah an chim.
Hruaitu Upa riantuan mi nih bia kan chim tikah kan i ralrin a herh tuk., What you say matters! Hruaitu Upa riantuan mi nih bia kan chim tikah kan i ralrin a herh tuk. Tuchan ahcun mino pawl an lungfim tuk cang pin ah upa zong nih ngakchia an si caah disrespect ding an si lo. A tu Chan mino pawl cu upa tampi nak in thil an thei fawn cang i kan i ralrin bak a hau.
Kum tampi a luan ciami ah inn lawmhnak ah ka rak kal i jean bawngbi le angki bantawi ka rak i hruk. Ka angki cu Ka paw khi zunghnih hrawng te khi a rak lang. Cu ahcun mi pakhat nih na sexy ko ee an rak ka ti i khrihfa upa pakhat nih a rak i thawh i ”a thil hruk hi hlawh hlang nu (kawl bia in) dawh a lawh ko cuh” tiah a rak ka ti. Kum 19 a simi nu ngakchia mah ti a rak ka ti cu Ka lung a rak fak tuk. A ho sin ahkhin dah ka vai zuar bal? Aho nih dah tangka cu an ka pek bal in an ka ih pi bal? Hlawhhlang nu mui le sam cu zeitin a theih hnga? Ka rak ngakchiat pin ah ka thin a rak hung tuk i chim awk hmanh ka rak thei lo. Ka rak lawi diam.
Cu pa cu a tu tiang Khrihfa upa a tuan ko. A mah caah cun chim tlak lo insignificant tukmi event khi a rak si men lai I a thei ti lailo dah. Nain, a tutiang ahhin a rak ka timi bia ka philh lo. Kai cenet kho lo. Zei bantuk biatha le biadawh pulpit cungah a chim zongah ka upat kho hrimhrim lo. A mui ka hmuh zongah ka fih. A tu ahcun fanu pahnih a ngei I a fanu le khi mi nih mah tikhan hei ti hna sehlaw Zeitin dah a ruah hnga timi ka ruat. A poi ah a chia hnga maw?
Upa dirhmun lawng si loin a ho paoh nih kan bia hi hmual a ngei tuk timi hi thei kho usihlaw ka duh. A tu bantuk ka Lungfim hnu ah a cangmi thil rak sisehlaw taza hmanh ka cuai lai a khukbil in ngaihthiam a ka hal hlan lo. Laimi cu Kan nu le pa nih “upa cu upat ding” tiah an rak kan cawnpiak pengmi asi. A tha tukmi cawnpiak nak a si nain, upa zong nih mah lawng upat duh i kan mah nih ngakchia kan upat ve tung hna lo ahcun mah upatnak pek dingah kan i tlak lo.
Mino zong nih mi pakhat khat na duh lo ning le na silo ning in biachia an in ti tikah let kho hna. Kan i in peng awk asilo. Fim chimhnak zong a si lai. Hi ka chim tik ahhin bad examples ah si loin a herh ahcun Nangmah tein asiloah na pawngkam ummi kha dirkamh hna ti ka duh. Upa in ngakchia tiang bystanders sawhsawh si hlah sih ti ka duh. A hmanmi kong ahcun upa hmai zongah raltha tein biachim ngam ding asi. Nain asi khawh ahcun an mahtluk niam in i thlak loin “firm and respectful voice” hman bak ding.I wanted to share my trauma. I wish someone would have stand up for me back then.Crd-Katie Van Zi
Leave a Reply