SAC Ralhrang Nih A Thlithup In An Riantuannak Cu Phuan Dih An Si!

Vawlei cung ram pumpi hna raltuknak kutkaa an on cuahmah lio ah hriamnam a chuah tu ralkkap pawl nih  kahdohnak chungah hman dingmi  hriamnam pawl cu SAC ralhrang nih timhlamhnak an ngei cuah mah tiin SAC ralharng chungtel inn chungkhar pakhat in CDM a tuah mi pakhat nih a chim tiah theih a si.

Myanmar ram chung A laifang ramthen kuttang hmunhimnak thilri chuah nak zung ah a um mi ralkap thazaang chuah dingah timhlamhnak an ngeih nak kong Magwe ramthen, Aunglaan penglkulh hrambunh a si mi Pah Kah Phah (15) Tatyin chung um tuanvo ngeitu pawl cu aiawh in CDM a tuahtu Bogyi Zin Zaw nih a chim.

Pah Kah Phah tatyin minung 100 chungah nawl ngeitu minuing pa 5 aa tel dingmi, mah tatyin cu SAC ralhrang university (  DSA) an dih hnu , Russia ah raltuknak a cawng mi hna nih an ruainak hna kong zong a chim. ” Nawl ngei tu Bo pawl nih an hruai hna i, kee raldo pungsan in an kal pi. A Yi Paw raldoh tu phu zong dirh a si” tiah Bogyi Zin Zaw nih a chim.

” A tu zongah sehung chung hna zongah ” Yin Tin A Tit, (ယာဉ်တင်အသင့်) tiah auh mi phu zong an dirh. Pah Kah Phah sehzungah ralkap minung 400-800 tiang an um i, tam deuh cu kah dohnak he a kum in aa hlat cang mi pawl an si” ti zongin a chim.

” Ral hmai ah kal hna sehlaw a tli dih hnga ding lawte an si, cu cu a dik mi a si. Zei ruangah dah ti a si ah cun Pah Kah Phah phu cu raldoh an herh lo i Vawlei cung ralpi hmanh tho sehlaw ral an do lai lo” tiah a chim chap. ” Vawlei cung ralpi chuah sehlaw kuan le zen, hriamnam tampi a herh lai.

Cu caah kan nih cu serchuahtu kan si lai tiah an mah le an mah an i uangthla pi  hna. A tu bantuk an tuah a si ah cun an tli dih ko lai, aa techiah mi a si” tiah CDM tuahru Bogyi Zin Zaw nih ralkap nih a thlithup an riantuannak pawl cu a chim phuan.

Thawngdang, Chuang Khwa Ah SAC ralkap Le VAKOK(CNDF) Kahdohnak A Chuak, SAC Ralkap A Thi Mi An Tam! Sagaing ramṭhen, Kalay peng chaklei, Chuang Khwa ( ‌ေချာင်းခွ) khua  meikhangh in a hrawktu SAC ralkap hna le mizapi vengtu ralkap karlak ah nihin April 25 chun Sml 12:00 hrawng ah  kahdohnak a chuak i kahdohnak ah SAC ralkap lei in a thi mi an tam, tiah VAKOK (CNDF) ralkap sin in theih a si.

“Suimilam 12:00 hrawng ah kahdohnak a chuak i, Kanmah VAKOK (CNDF) , Pah – Kah – Phah, RPDF zong nih an kan bawmh hna. PDF – Kalay zong nih an kan bawmh ve. PDF-Kalay he i bawm in bomb kan puahhnawh hna i SAC ralkap mawṭaw a rawk mi zong an um. Meithal in kan kahnak he bomb puahnak in SAC ralkap zeimawzat an thi.  Kanmah Pah – Kah – Phah lei in ralkap pakhat a nunnak a liam i, minung 2 hliam an tuar nain an hliamhma cu an nunnak ca ah ṭihnung a si lo,” tiah VAKOK(CNDF) hruaitu nih yangon khit thit ah a chim.

Nizan April 24 zong ah kahdohnak voithum a chuak i SAC ralkap 10 an thi. Cu SAC ralkap hna cu Natt Chuang khua ah zan an riak i, nihin zinglei ah Chuang Khwa khua cu lut in an duah ṭhan. “Zingkaa Sml 10 hrawng ah SAC ralkap hna cu khuachung in an chuak cang, tiah kan ruah nain khuachung ah kan va lut i an rak um rih. Pe(ft’)200 hrawng i hlat in an kan kap nain ahohmanh kan i hliamh lo. Kanmah lei cu hnu kan tolh ṭhan.

Cun, chun Sml 12:00 hrawng ah tlawmpal kan i kap ṭhan. SAC ralkap Natt Chuang khua an duah ruangah inn zeizat a rawh fiang in kan thei kho rih lo,” tiah VAKOK(CNDF) hruaitu nih a chim. Atu cu kahdohnak a dai cang ko nain caan sining hngak in kan um ko, tiah VAKOK ( CNDF ) sin in theih a si. Nihin kahdohnak ah hin SAC ralkap zeizat dah an thih fiang tein thanh a si lo.

Be the first to comment

Leave a Reply

Your email address will not be published.


*