SAC Ralhrang Min Aung Hliang Hi A Rak Mak Tuk Hi Ta!!

Min Aung Hliang Nih A Ralkap Pawl Forhfialnak Bia A Chimh Hna
==================================
SAC ralhrang lutlai Min Aung Hliang nih ” Ral leiin ralkap hruaitu hna a raltha ii a dik mi thinlung ngeih ding le hruainak lei in အင်္ဂါရပ် pawl he aa khat in thut dir dingah le i hruidingah a herh tiin Tamadaw Bo tintan a kai mi, Nu bolong tintan a kai mi, ke in raldoh a cawng mi, a ral kap phu le nawl ngeitu hna siah a dang tein Min Aung Hliang nih chimhhrin forhfialnak a ngeih hna tiah theih a si. Cu pinah mah tonbiaruahnak ah cun nan mah kut kee tein drih in thancho dingah a zungzal in timhlamh nak ngeih i zuam uh ti zongin a chimh chap tiah theih a si.

Sievierodonetsk khuapi khamtu Ukraine ralkap phu pawl nih a hartuk mi kahdohnak a si tiah an ti lio ah Ukrainian President Volodymyr Zelenskiy nih cun “Russia ralkap phu pawl cu a ngan tuk mi sungzatlak nak an tong tiah a chim tiin Reuters thawngzamh nih a tial. Cu pinah a tam u cu Donbas ii a van cu mah kaa hmunah biachah nak a ngei cang lai, a dongnak a si cang lai tiin cacawn nithum ni ah Ukraine president nih a chim tiin a langhter chap.

Biaknak lei kan pa Rev. Dr. Rual Uk nih Oneness pawl cu a hloh deuh ne hna. An zumhmi Jesuh hi Baibal nih a chimmi Jesuh he an i khat lo a ti bak ko. Kan pa Rev. Dr. Rual Uk cu baibal hmanh a let vemi a si. Baibal cu a coih kho taktkami si ve. A tanglei bantukin a chim. ONENESS ZUMHMI JESUH LE BAIBAL CHIMMI JESUH AN I KHAT LO. Zeicatiah Oneness zumhmi Jesuh cu Pa a ngei lomi Jesuh a si i amah le amah kha ka Pa tiah ai ti lengmang mi Jesuh a si.

Baibal nih a chimmi Jesuh cu Pa a ngeimi Jesuh a si bangin taksa in a nun lio ah ka Pa tiah a ti lengmang i thihnak in a thawhțhan hnu, thlarau pum in a um hnu zongah ka Pa tiah a ti rih, Luka 24:49, Johan 20:17 . Van ah a kai hnu tiang in ka Pa tiah a ti ko rih. Biaphuan 2:27, 3:5, 3:21. Zeicatiah Pa a ngeimi Jesuh a si. Dawt Hniang)

Hi tluk dohthlennak fak kan ton le tuar lio ahhin Min Aung Hliang le ralhrang pawl hi zei le zei dek an rak chim ve lengmang hnga. An saduhthah pipi khi thawngzamhnak ah an hei chim cawlh lengmang ko rua. Tutan an von langhtermi le bang cu nihchuak bak khi si ko. A ralaimi kum 2023 cun taangthum cawn dingmi Kawlca (Myanmar) ah Bochoh Hmukyi Min Aung Hlaing i a ruahnak le lungput, ram caah ai peknak le a tuarnak kong cawn si cang lai tiah fimthiamnak zunglei nih thawngthanhnak an tuah.

Cucaah Min Aung Hlaing ralhrang sianginn ah cun kan fale hna ca cawnter bak lo ding si ko cang. Rammi nih kan doh cuahmahmi le ralhrang simi, minung hawi a that cuahmahmi kong hna an von cawn ding cu a si kho bak ti lomi khi si ko. (Dawt Hniang) Kan fale ralhrang tuahmi sianginn ah ca kan cawnter hna ahcun taang 3 lawng an si fawn hoi tikah Min Aung Hlaing kong cu cawn reng hna sehlaw kan fale an hung tthang lai i, mi thah duhnak lawngte cu pei an ruah cang lai cu. A si kho bak loh.

CDF pawl hi ram le miphun caah tiin an lungput le biachim cu upat an um ko. Nain ral an tuk taktak tikah training lo ngaingai cun an rak si kho deuh lo. An raltuk ning hi lente ai celhmi hna an lo. Ralhrang pawl hi a tar in a tarmi hna an lo. An ralchiat cu si lai lo. Raltuk ningcang an tlaih lo bia si ko lai. Cucaah CNA kuttang i an um duh lo hmanh ah caan sau nawn tal hi CNA sin ah training kai hna sehlaw ttha. Thantlang inn an duahmi zong hi CDF kan fale nih an nam hmasa hna caah a si. A voikhatnak CDF kan fale nih an rak nam lio hna ahhin hnu pil loin nam lawlaw hna sehlaw kha lio ahkhan Thantlang sakhan zong an rak lak khawh men.

Atu cu khuapi lei in Min Aung Hlaing ralhrang pawl nih helicopter in heh tiah ralhrang thazaang an vun chap. Hriamnam tampi an vun kuat cang hna. CDF kan fale nih an nam hrulhrulh lengmang tikah fek tukin an i veng ve cang. A voikhatnak an rak nam lio ahkhan cun Thantlang ralhrang thazaang a der thawm ngai ko lai. Zeisi hmanh ah CDF kan fale nih ram le miphun caah hriamnam i tlaih in ral an tukmi cu ka upat ko hna. Kan tuar cio cu pei a hau cu. Amahbelte hriamnam i tlaih in ral kan tuk tikah thih le nunnak karlak ah aummi kan si. Kan ral kha zeitin dah kan thah khawh hna lai i, kan luat khawh lai timi ruah cio a si. Cucaah training cu an kai deuh hau ko. (Note Mah hi the bungpipost ah lakmi a si)

Ralkap nih Mipi sin in nawlngeihnak hramhram in an chuh mi duh lo ruangah Civil Disobedience Movement (CDM) a tuah mi vialte upatnak kan pek hna. Henry David Thoreau (1817-1862) nih Civil Disobedience Movement cu 1849 ah arak thawk. Henry David Thoreau nih a chimmi cu: “Disobedience of Unjust Law” asi. Achim duh mi cu, adik lo mi le ahman lo mi Mipi hremnak ca le salzuatnak caah zalawnnak ahrawktu le a khamtu caah antuah mi phunghram, phunglam le upadi vialte cu zulh lo ding, buar ding, hrawh ding kha a chim duh mi a si. Cu caah atu kan ram ah mipi hremnak caah seseh, nuhrin covo hmuh khawh lo ding in seseh, zalawnnak buar ding in seseh an ttial mi phunghram (constitution) le Upadi (Law) vialte zulh lo in hrawh le buar khawh tu kha i zuam a hau a tiduhnak asi.

Mahatma Gandhi (1869-1948) nih “Civil Disobedience” cu “Satyagraha” ati. Non-violence Resistance le Non-cooperation ti-in a kal pi. Satyagraha ti cu: “Soul-force” le “Truth-force” asi. Achim duhmi cu Thlarau thazaang le Biatak nih akan luat ter lai ti mi, Bible cawnpiaknak Biatak nih an luat ter hna lai (The Truth shall Make You Free) ti mi he aa khat. Satyagraha (Non-violence Resistance) cu “Hind Swaraj” (Non-cooperation) he kalpi le hmantti asi. Achim duhmi cu: adinglo mi uktu hna he zeihmanh tuah tti lo ding le ttuantti lo ding asi. Cu caah a ding lomi a cozah kuttang ah ngunkhuai (tax) pek lo, zungkai lo, fial mi ttuan lo, mipi luatnak izuam lio (Freedom Struggle) ah Sianginn kai zong ahau lo a rak ti. Atu zong adding lo mi mipi sin in nawlngeihnak achut mi Ralkap cozah hi kawmh lo bawmh lo zung zong kai lo ngunkhuai zong pek lo bak in um ding asi ko tinak asi.

Martin Luther King, Jr. (1929-1968) nih “Civil Disobedience” cu USA ah “Civil Rights Movement” in arak kal pi ve. Martin Luther King Jr. nih adoh mi cu, USA ah mi-nak le mi-rang “Nuhrin Covo” aakhat tein hmuh ding kha aazuam mi asi. Pathian nih minung cu amah muisam keng in aakhat te in akan ser (All men Are Created Equal). Cucaah USA ah a um mi Minak vialte zong Zalawnnak (Freedom) le Nuhrin Covo (Human Rights) tling tein kan ngeih ve a ti. Achim duh mi cu atu Burma ram ah Tlangcung mi (Chin, Kachin, Karen, Karenni, Mon, Rakhine, Shan, etc.) zong nih Kawl he aakhat te in Nuhrin Covo kan ngei ve.

Zalawnnak kan ngei ve. Mah le ram cio ah kan mah tein Uknak Nawl le Khua-khan Lairelnak Nawl (Self-determination) zong kan ngeih ve. Kan ram cu Democracy le Federal phung in kan ser tthan lai I, kan Covo vialte kan lak tthan lai tinak asi ko. Cu caah atu kan tuah mi “Civil Disobedience Movement” (CDM) cu: Biatak ah adir, Thiang Thlarau thazang ahman, Pathian sermi Minung vialte kan ni khat dih. Cu caah Pathian pek mi Nuhrin Covo zong aakhat te in kan hmuh lai tinak asi. Pathian min in kan tei hrimhrim lai. (Dr. Lian Hmung Sakhong)

Post Views: 8

SAC Ralhrang Min Aung Hliang Hi A Rak Mak Tuk Hi Ta!!

Be the first to comment

Leave a Reply Cancel reply