SAC Ralhrang Min Aung Hlaing Sawmnak Hi Kahdohnak Nak In That  Nak Lai-Khun Okka (PNLO)

SAC Ralhrang Min Aung Hlaing Sawmnak Hi Kahdohnak Nak In That  Nak Lei-Khun Okka (PNLO)

SAC ralhrang lutlai Min Aung Hlaing nih ramdaih ceihhmai sawmnak a tuah mi ah kahdohnak kan tuah lai timi nakin a that khawh nak lei kong cu tlangcung hriamtlai phu khat a si mi Bohmugyi Khun Okka nih a chim.  SAC ralhrang lutlai nih tlangcungmi hriamtlai hruaitu pawl ton biaruahnak ngeih dingin April ni 22 ah a rak chim.

Bohmugyi Khun Okka nih ” An mah centre  nih a tlaih ning, Vuanci zong nih a tlaih ning, SAC ralhrang lutlai zong nih a tlaih mi minung nih a mah pumpak in rian an tlaih tik ah a dik mi ram pi i, hmai lei ruah chan mi pakhat khat cu tlinco a si ko lai. U Thein Sein chan lio ah kan mah nih NCA ah Democracy le Federal system cu hmaithlak mi ,

Pyi Daungsu cu ramkhel ceihhmainak puai nih a chuah pi mi he aa khat in sersiam ding ti mi cu NCA ah minthut a rak si. Min thut mi Pyidaungsu sersiam khawh nak dingah lungtlinhmi cu a takin sersiam khawh nak hnga ding ah pakhat le khat i hmaithlak in ceihhmai a si lai maw ka thei lo. Zeitin a si zongah mah  sawmnak cu kan i kah lai kan i doh lai,

Kahdohnak kan ser lai timi nak in thatnak lei tam deuh a chuah pi lai . Thih le loh zong a tlawm deuh lai. Cu cu kan mah lei nih cun ka welcome” tiah a chim. Kahdoh daihnak caah dirhmi phu hra nih kahdoh daihnak lam lei ah hruaitu phu (PPST) leiin Special meeting tuah in kahdohdaih sawmnak he pehtlai in ceihhmainak an ngei hmasa lai tiah thawng theih a si.

A tu SAC ralhrang lutlai nih sawmnak a tuah mi kahdoh daihnak ton biaruahnak puai nih baichah nak a peek khawh lai timi a ruah lonak kong cu ramkhel hlethlai tu U Than Soe Naing nih CNI ah a chim. ” Hihi SAC ralhrang nih sawm mi tonbiaruahnak pawl cu a si. A sinain mah tonbiaruah nak zong cu kan mah EAO nih a thazaang a thawng mi phu pawl nih,

Zeihmanh kan mah sinah theihter nak an kan pee lo. A kai zong an kai lo. Hlan deuh cun tthazaang a ngei lomi lawng hi SAC ralhrang nih sawm mi kahdohdaihnak ah an kai. Cu ruangah a tu zong ah Min Aung Hlaing nih a mah pumpak in a sawm zong ah an kai lai lo tiah ka ruat lo. An kai zong ah biachah nak a tuah kho tu mifim hruaitu pawl an kai lai tiah ka zum lo.

A tu Min Aung Hlaing nih sawm mi kahdoh ramdaihnak nih biachahnak a peek khawh lai tiah ka ruat lo. Mah ram daih sawmnak tonbiaruahnak puai hi a tlam tling lai tiah ka ruat lo. 2008 phunhrampi nih a peek mi nawl he zong aa khat lo. Ceihhmainak sawhsawh men khi a si kho mi a si” tiah a chim.