Irrawaddy ramthen chung, Police phu pawl cu May thla ni 25 ah thawhin nunzia dawhnak le fimnak tintan an peek hna tiah Irrawaddy ramthen, Pathein khuapi ah tuanvo a laa mi Police pakhat nih a chim tiah theih a si. ” Tintan an peek hna timi cu a dik mi a si ko. Tuni thawk in an peek hna hngakchia zong Police zong mah tintan chungah cun hmuh an si.
Mah tintan peek nak ah phungki biaknak lei he aa pehtlai mi konglam a cawn piak hna tiah theih a si. A tu SAC ralhrang cozah nih phungki biaknak a ukpat mi cozah a si tin tintan peek dingah an peek mi a si. ” tiah Police phu lei in aa neihniam mi pakhat nih a chim.
SAC ralhrang nih theihternak a tuah mi ah cun Iraawaddy ramthen Police phu thithruainak in May thla ni 25 thawkin Police phu vailte hna cu Ayeya Shwe Kha (ဧရာရွှေဝါခန်းမ) ah Phungki nih hrambunh mi tangdawr nun le fim cawmnak tintan peek nak a si nak kong a si tiah thanhnak an tuah htiin theih a si. Mah tangdawr nun fimchinhnak cu May thla ni 25 in 31 tiang tintan peek an si lai i, Police phu le an chungkhar pawl zong an kai hna tiah theih a si.
Senegal ram nitlaklei Tivaouane khuapi umi ”Mame Abdoul Aziz Sy Dabakh” siizung cu May 25, zaanttim ah a kang i nausem 11 an nunnak a liam tiah theih asi. Senegal President Macky Sall nih a nunnak a liammi nausem tete i an nule le an chungkhar hna cu ram pumpi in nan ngeih chiatnak kan in hrawmpi hna tiah a twitter ah a ttial. Siizung chung i nausem pawl an chiahnak building a kangh caah nausem 11 an nunnak a hi a si i, Inn a kanghnak a ruang cu Electric hri ruang ai thok tiah Mame Abdoul Aziz Sy Damakh siizung ttuanvo ngeitu hna nih an chim.
Mei kangh hram ai thok bak in rang tuk in mei a cak tuk colh caah nausem 3 lawng an chanh manh hna tiah Tivaouane khuapi uk (Mayor of Tivaouane). Demba Diop nih a chim. Tualchung media hna nihcun hi siizung hi an onnak a sau rih lo tiah an langhter ve. Kan hnu April thla chung zong ah Senegal ram chaklei Lingurie khua ah siizung a rak kang i nausem/ Bawhte 4 an nunnak a rak liam cang, Cu lio zong ahcun nau ngeihnak building chung ah chiah mi thli kik petu seh hri in meikangh a rak i thok.
A dikmi lam lei ah fonh a duhmi SAC ralkap le palik hna nih hriamthil he CDM nan tuah ahcun sing 30 laksawng pek leng ah,kan in runven hna lai tiah Shan ramkulh chaklei no.1008 battalion nih May 26 ah an thanh. ”Tuanbia caah ngeihchih a umlonak ding caah caantha hman thiam ” tiah an thanhmi ah cun an langhter. Shan ram um SAC ralkap tampi nih CDM cawlcanghnak tuah a duhmi an um tiah theih a si, hramhram uknak tangah riantuan duhlo mi SAC ralkap zong an um tiah no.1008 battalion nih an chim.
“Cu ruangah kanmah no.1008 battalion sin ah ra uh law kan in huhphenh hna lai. Ramdang kal nan duh zongah mipi nih kan in bawmh hna lai. Nan hriamthil pakhatkhat rak i put uh law a silo ah nan hriamthil chiahnak sakhan meikhangh ti bantuk zong rak tuah ko uh” tiah no.1008 battalion nih an thanhmi ah an langhter. No.1008 battalion cu Shan ramkulh chaklei Phaekhung le Ngawngshwe aa tonnak hmun kahdohnak hna ah dohthlengtu phu hna he i fonh in kahdohnak ah ai tel mi tualchung hriamtlai phu pakhat a si.
Leave a Reply