KIA Nih Uico Ralhrang 6 An Nung In An Tlaih Hna,Thawngpang tha taktak a si. KIA nih uico ralhrang minung 6 an nung in an tlaih hna.Kachin ramkulh Sawhlaw peng ah KIa nih Kawl ralhrang minung 6 an nung in an tlaih hna tiah theih a si. KIA le PDF an i bawm i ralhrang pawl hi an tlaih mi hna an si.
April 12,2022 zanlei ah khan Kachin ramkulh Sawhlaw peng ah ralhrang tang um pyitusih timi le KIA cu an phomh. Ralhrang tang um pyitusit pawl minung 10 an i citmi Motor cu KIA le PDF nih bomb an puah hnawh hna. Ralhrang pyitusit minung 6 an tlaih hna. A thimi zong an um. An meithal zun 10 le kuanzen pawl zong an lak piak hna. Kachin ramkulh ahhin Kawl ralhrang pawl nih Pyitusit timi phu an dirh. Cucu tintan an pek hna i meithal an pek hna. A bik in USDP party deuh pawl kha an rak si.
Nizaan Kareni ram, Demoso pengkulh Oo Khuri hmun ram lei ah KNDF, Ka, KPDF phu fonh hna le SAC ralhrang karh kahdohnak a fak tuk in a chuah caah SAC ralhrang lei in minung 30 nak tlawmlo an nunnak a liam tiah khuami pakhat nih a chim. Kahdohnak cu April ni 11 ah a chuak i tuni zaan lei tiang kahdohnak fak piin a chuah tiah theih a si.
2022 April 13, Chin Ram Ministers zunginn chumtual ah kawl titoih puai tuah a si i, hi titoih puai ah hin laam le hlasaknak deuh in caan an hmang. Lam ah titoihnak cu tuah a si lo nain Hakha thar lamruk tonnak ah, cycle in aa chawk mi pawl cu hramhram in dirter an si i, SAC ralkap nih ti an toih hna. Titoih a duh lo mi cu tanakha an thuh hna, tiah kan theih.
Hi titoih puai ca ah laam cawn a chimtu hi (zince hmuh-pi ne hmuh) Ngai Hauh Ngiong a si, tiah laam a cawng mi he naihniam in a um mi sin in kan theih. Laam an cawnnak hmun hi Chin Sate Hluttaw zung ah an si i, April 7 lio MRTV nih a rak langhter ning ah Chin ram Chief Minister Pu Ngun San Aung,
Social Affairs Minister le Ministry Of Ethic Affairs hna nih an va zoh hna, tiah an langhter. Laam cawng mi pawl cu Chin ram Chief Minister le Minister of Security and Border Affairs, a nupi Thein Thein Maw nih laksawng ah tangka zong an rak pek hna, tiah MRTV nih a langhter.
Ca dang, Chin National Organization(CNO) kumkhat tlinnak cathanh, Nihin , April 13 cu Chin National Organization kan dirhnak kumkhat tlin camtuak a si. CNO cu Chin miphun ca ah rian a ṭuan mi, Ramkhel bu a si i Chin miphun rungvengtu ralkap, Chin National Defense Force(CNDF) cu CNO nawlpeknak tangah Chin mizapi a runven hna i hramhram uknak doh dingah rak dirh mi bu a si. CNO cu Chin ram le Chin miphun ca lawng si loin, rampi huap in Federal Democracy ngahnak dingah ral a tu i hramhram uknak doh dingah NUG le CRPH he i fonh in rian a ṭuan mi bu zong a si. Ramkomh kawl ram tlangcung mi hriamtlai phu komh, EAOs he zong in rian kan ṭuan lai i,
Chin ram chung hriamtlai he rian a ṭuanṭi mi bu zong a si fawn. CNO kan rak dirh ni thok in ram le miphun ca ah nunnak a pe mi Chin pasal ṭha hna le kut, ke le mit tiang a pe mi pasal ṭha hna zong upatnak kan pek hna. CNO le CNDF kum khat tlin, 2022 April 13 tiangah a lamkip in a kan bawmtu nan dihlak cungah kan i lawm tuk i, hramhram uknak a hram in kan bawngh khawh tiang hmainor chin in kan doh peng lai tiah hi cathanh hi kan chuah.
Zelensiky Nih Putin Biahal Nak A Tuah, Ukraine kahdohnak cu kan i timh lamh ningin tlamtling tein a kal kho ko tiah Russia president Putin nih a chim mi cu Ukraine president Zelensky nih ” Russia ralkap pawl tambik an thihnak timhlamh nak pakhat cu Putin nih zeibantuk timhlamhnak ruahnak a ngei hnga tiah” Zelensky nih Putin cu biahal nak a tuah.
Russia nih Ukraine kahdoh ding in timhtuah nak a ngai mi cu zeipaoh tlam a tling ko tiah Putin nih a chim dih hnu ah Ukraine ram chungah kahdohnak le ralkap thazaang pehtlai in kan chap than nih ko lai tiah Putin nih a cchim tiah theih asi.
Myanmar ram chungah sahrang pawl tel in phung ning loin tlaihkhih mi pawl cu daihter, thlah hna dingin American le India nih theihternak bia an chim. A luan ciami ah khan Washington DC ah tuah mi American ramkhel vuanci Antony Blinken le India hmunhimnak vuanci he ramkhel vuanci pawl bon biaruahnak an ngeih hnu ah mah ti in an chim hi a si.
Tuni kawl titoih puai ni zingka tuan deuh hrawngah Tanhlin pengkulh chung ah a um mi KBZ bank pakhat cu bomb puah a tong tiah khuami nih an chimnak in thawng theih a si. Mah bomb puahnak hi tuni April 13 zinglei suyimilam 5:30 hrawngah Yangon ramthen, Tanhlin pengkulh chungah ah a um mi KBZ bank bomb puah a ton hi a si.
Leave a Reply