AA a riantuannak he pehtlai in harnak pakhat chuak sehlaw Tamadaw cu sual rak ka phaw hlah tiah SAC ralhrang in chim nawl ngeitu Zaw Min Htun nih ralring peek nak bia a chim. ” A tu kan thing mi hi Rakhine mipi pawl harnak tonter kan duh lo hna caah kan thing mi a si.
Thinsau le lungfual in Pyidaungsu le ram daihnak caah kan tuah mi a si, a tu ah a cang mi thil he pehtlai in buainak a chuak sual ah cun sual rak kan phaw hlah” tiah AA lei in Rakhine ram chung riantuannak pawl he pehtlai in thawng hal tu hna nih an hal mi cu SAC ralhrang in chim nawl ngeitu Zaw Min Htun nih a chim.
AA lei in Rakhine ram i uknak suaisamnak pawl cu va luh hnawk in harnak peek a um ah cun AA a chim mi pawl nih hraimtlai buainak tiah auhmi khi a lo tizongin a chim. Nai ah khan AA nih nitlak lei SAC ralhrang ralbawi cu caan rikhiah loin buaibainak a chuak ko tiah ralhrang pawl cu ralring a peek hna tiah theih a si.
Relchap, Chinmi (Laimi) nih kan Khrihfa biaknak cu nitin kan nunnak ah kan i nunpi khawh lomi kong ka ruat tik ah aruang pakhat a si rua tiah ka ruahmi cu kan pumh caan a sau tukmi hi a si. Khrihfa kan sinak vialte cu saupi pumhnak kan tuahmi ah kan i rinh dih, kan bungh dih. Mah cu a za tuk cang tiphun in kan ruah. Phundang kan chim ahcun saupi pumh kan hmangmi kha kan i rinh dih. Nitin kan nunnak zongah a hei huap dih ko tiphun in kan ruah. Mah tik ah a phichuak cu nitin kan nunnak ah kan Khrihfa cawnpiak nak le zulh ding tete zong kan zul duh tawn ti lo i kan i nunpi duh ti hna lo. Zarhpi ni ah saupi ka pumhmi kha a za diam cang ko tiphun in kan ruah peng. Laimi caah Khrihfa biaknak a sullam hi pumh vial lawng in kan i fiang rua ka ti/kan kal pimi a lo. Nitin kan nunnak ah duh poah in hei tlonlen.
Chinmi Khrihfa cu “Pumh Khrihfa” ti vial lawng zong in auh khawh kan si. Khrihfa biaknak a sullam cu pumh vial lawng cun teh a za maw?/a huap dih kho maw tiah biahalnak zong tuah khawh a si. Biakinn chung i caan kan hmanmi le phungchim le tuahsernak a dang tete hna zonghi thuk deuh le fak deuh in kan ruah tthan hna ah a ttha lai tiah ka ruah keicu. Pumh vial lawng in Khrihfa sinak a fiangmi kan lo.
Nazi pa 2 le cheu chung hna kan i pum kho cu mu. Neng dih le vuai dih lak in kan i pum i mah cu zarhkhat chung caah a za cang tiphun in kan ruah/kan kal. Miphun dang cu sullam nei tein le hmual nei tetu in nazi pa 1 hna an i pum i an vuai lo, a neng hna lo tik ah zarhkhat chung an nunnak zongah Khrihfa sinak cu an i nunpi peng huam i an zulh huam peng. Tawi deuh tein i pum ve uh sih law, neng lo le simh lo tein, sullam nei le hmual nei tetu in i pum fawn hna uh sih law, cuticun zarhkhat chung ni dang ni 6 chung zongah Khrihfa cawnpiak nak le i nunpi dingdang tete zong kan i nunpi kho deuh lai tiah ka ruah/ka zumh. Zarhpi ni hman nuam dih uh. crdVan Tum
Relchap, Dohthlennak caah Facebook in thazaang a chuah ngaimi Yangon um Laimi upa pawl ‘an fale sianginn an kaiter hna maw’ timi khi ka hlat len ve. Ka theih tawk ah nikum thawk in fale sianginn a kaiter lomi an um ti lo. Tam deuh cu cozah sianginn ah an kaiter ve ko hna, phaisa ngei deuh belte nih cun man fakmi private sianginn ah an kaiter hna. Nain private sianginn cu ralkap cozah nih license a pekmi an si, ralkap cozah sin ah tax a pe vemi an si. Cozah sianginn he an i dang lo.
Laitlang phaisa ngei deuh tampi zong Hakha sianginn hon a si lo caah an fale Maymyo, Mandalay, Naypyidaw le Yangon tbk ah sianginn an kaiter cio ve hna. June thla sianginn kai ding caah tuhi an fale tampi an thlah cio cang hna. Kei cu ka mawhchiat ngam hna lo. Hmaithla June thawk cun kan naule vialte sianginn kai kho dih cang hna seh ti khi ka duh bikmi a si ve. Nain, online ah midang fale sianginn kai lo ding hei forh i a thli tein mah fale belte sianginn a kaiter than mi upa cheukhat khi cu huat nan tlai ngai.crd-Salai Lungthli Tum
Leave a Reply