Putin Nih Ukraine Ralkap Hna Cu Ralring A Pek Hna

Kharkhumh A Tongtu Maripul Khuapi Ah A Ummi Ukraine Ralkap Hna Cu Hriamnam Chiah Dingin Russia Nih A Ti Hna Nain Ukraine Nih An Duh Lo!

Russia ralkap i kharkhumh a tongtu Maripul khuapi ah a ummi Ukraine ralkap hna nih hriamnam nan chiah ahcun khuapi chungum mipi hna cu him tein kan thlah hna lai tiah Russia nih ralrinnak a pek hna nain Ukraine nih an duh lo.

Russia nih a lem hna ning ahcun khuapi chungah a ummi hriamtlai hna nih an hriamnam an chiah ahcun mipi sawhsawh hna cu him tein kan kalter hna lai tiah an ti. Asinain Ukraine nih cun hriamnam chiahnak ding sullam a um lo tiah an leh.

Cuka khuapi ah a ummi minung sing (3) hrawng cu kharkhumh an si caah eidin tirawl harsatnak an tong i, bawmhchannak zong pek khawh an si lo. Russia ralkap nih bomb thlak hnawh in kahdoh a tongtu cuka khuapi chungah a ummi Ukraine rammi hna cu mei siseh dinti siseh harsatnak an tong.

Russia nih a lem hna ning ahcun Russia caan tuak zinglei sml 10:00 ah Maripul khuapi ah a ummi Ukraine ralkap le hriamtlai dangdang hna nih hriamnam chiah hratin zatlang kalnak lampi in khuapi chuahtak ding a si nain, Maripul khuapi cu fek tein, pehzulh in kan ven lai tiah Ukraine ramchung runvennak deputy minister nih a chim.

Crd: Voice of Myanmar

Muku Ralzaam 700 Leng Eidin Dong

Shan ramkulh chaklei Muse peng, Muku khua ah facang le eidin phorhmi ralhrang nih an kham caah ralzaam 700 leng eidin an dong, zatlang bawmchantu zong an um lo, Muku lei harsa mi hi an harsa taktak a si tiah theih a si. Ralhrang le Muku tlangcung hriamtlai MNDAA kar kahdohnak ah August 2021 in kum 7 a thong leng aj zaam tiah theih a si.

” Eidin kan harsa ngai, a tu liocaan hi, tuan deuh ahcun meh hmanh kan ngei, facang, chiti, zong an kan pek, a tulio bal facang lawng an kan pek, facang an kan pekmi cu a dih cang, bawmtu ding an um lo, a kan pe kho tu zong an um lo tiah ralzaam pakhat nih a chim.

Thawngdang: Kawlram Ralkap Nih Miphun Cihmih Thahnawnnak A Tuah Tiah American Nih A Thanh Cang Lai Kum 2017 ah khan Kawlram ralkap nih Rohigyia miphun cungah a tuahmi sualnak cu miphun cihmih thahnawnnak a si tiah nihin ah a thanh cang lai tiah theih a si.

March 21 ah Washington D.C ah a ummi miphun cihmih thahnawnnak hmanthlak an chiahnak hmunah nihin ah an tuah dingmi thil sining fianternak ah American ramdang vuanci nih a thanh lai tiah Reuter thawngzamhnak nih a langhter. Miphun cihmih thahnawnnak sualnak a tuah tiin thanhnak an tuah dingmi nih hin Kawlram ralkap nih pehzulh in an tuah nakhnga lo bawmtu a si lai tiah American ramdang pehtlaihnak zung i tuanvo ngeitu pakhat nih a chim.

Rohinyia kongah biatak tein a cawlcanghtu Jeff Markley zong nih President Biden cozah nih a tuahmi hi kan cohlan tiah cathanh an chuah colh. Britain hrambunh Kawlram-Rohinyia phu chiarman U Htun Khin zong nih American cozah nih a tuahmi hi kan cohlan tiah a chim ve.
Crd: Deltanewsagency

Relchap, Myanmar Ram Chungpi Ah CDM Pawl Caah Thawngpang Ttha Taktak, SAC ralhrang nih phung ning loin  uknak a lak hnu ah CDM zung he pehtlai in CDM riantuan tu pawl an tlaih hna i thong hna an thlak hna tikah ramri lei ah a tli mi le a zaam mi CDM cheukhat pawl cu, American, Europe, Australia hna ah i dornak VISA an ngah nak kong cu CDM hna sin in thawng theih a si.