Russia Nih Thanhnak A Tuah Mi Cu Ngaichia Tuk A Si E!!

Russia Defense ministry nih thawng an thanh ve ning ahcun Ukraine hriamnam kan hrawh piak cangmi, tiin an chim ve ning:

Raltuknak vanlawng 172, Helicopters 125, Drimes 927, Anti-aircraft missile systems 311, Tanks le armoured combat vehicles 3,139, Rockets kahnak motor 389, Field artillery guns and mortars1,548, Special military motor vehicles 2,997, BBC nih cun asi tak le tak lo theih fian asi lo a ti.

Cun , Russia Ralkap Thimi le Hriamnam Sunghmi, Ralkap 28500 an thi cang, Tanks 1254 an hrawh cang, Combat Armored Machines 3063, Miakpi 595, Rockets kahnak motors 199, Vanlawng kahnak motors 93, Vanlawng 203, Helicopters 167, Drones (UAV) 455, Cruise missiles 103, Tilawng 13, Ralkap motors 2157, Special equipment 43. Crd-Chelsea Bawi

Relchap, India ram, Mizoram Aizawl khuapi ah Myanmar ralzam hna nih Nizaan May 18 ah thi hlutnak an ngei, Thi hlutnak ah minung 130 an kal i minung 100 nih thi hlut ding in min an pek ko hna 48 lawmg nih thi an hlut khawh. ”Min a pemi a tlawm deuh lawng nih thi an hlut khawh , a ruang cu an thisa a der tuk hna i pin ngandamnak zong nih a tlinh lotu hna an um hna, Hlasakthiam David Lai zong nih a thi a hlut ve, Thi an hlut mi dihlak Aizawl Civil Hospital ah pek a si ” tiah rianngeitu pakhat nih a chim.

Hi thi hlutnak program hi Myanmar ralzam lei cawlcang tu hna, Central YMA, Dawrpui YMA, Association for Voluntary Blood Donation( AVBD) hna hruainak in tuah mi asi . SAC nih uknak an lak hnu in Mizoram ah Myanmar ralzam 40000 hrawng an um i, India Central cozah nih ralzam cohlan le theihpinak a um lo nain Mizoram cozah, Biaknak, Zatlang bu le pumpak nih ralzam bawmhnak an pek hna.

A bik in pa le pa nupa sualnak a tuah ti mi Gay pawl le Homosexuals ( nu le nu,  pa le pa) a duh mi nu pa sualnak a tuah ti mi hna sinah mah zaawngin a chuak mi zawtnak hi hmuh a si i, ni zaan zongah minung pahnih mah zawtnak a ngei mi hmuh chap an si tiah theih a si.

Mizawt thar pakhat cu London ah hmuh an si i, a tangmi pakhat mizaw thar cu England nichuah thlang lei ah hmuh a si tiah theih a si. Mah mi zaw thar minung pahnih hna cu zawngin a chuak mi zawtnak a chuahnak ram hna ah khual tlonnak nawl an ngeih lo pinah Britain ah hlan i covid in a zaw mi pawl he zong tonnak nawl an ngei lo tiah theih a si.

Cu ruangah nu dawk pa dawk, nu le nu, pa le pa tiin nupa sualnak tuahti pawl lei in taksa bo,  taksa chungah faknak pawl a chuak sual a si ah cun a ran khawh chungin sii i thlop ding, a bik in nu thil a si ah pa thil a si ah a pawngkam hrawng ah hlethlainak tuah ding tiah Britain Mipi Ngandamnak Agency nih thanhnak a tuah tiah theih a si. Crd-Daily Mail

Shan ramkulh thlanglei Nansan khua ummi journalist Than Soe Aung cu, Nansan biaceihzung nih May 18 ah Anti-Terrorism Law(အကြမ်းဖက်မှုတိုက်ဖျက်ရေးဥပဒေ) in thong kum 5 tla ding in bia an khiah piak, tiah biaceih zung he naihniam pakhat nih a chim, Than Soe Aung cu a luancia March 7 ah SAC ralkap nih an rak tlaih i Anti-Terrorism Law section 52(a) in taza an cuai, tiah a chimchap. Than Soe Aung cu NUG le PDF he aa pehtlai mi thawng pakhat cu amah pumpak page ah a tar ti ruang ah taza an cuai. An tlaih thla 3 hnu ah bia an khiah piak hi a si, thlathum chung thong a umnak ah a dam lo i zunthlum zawtnak a ngei, tiah theih a si.

Mandalay Ayeyawaddy News Agency i photo journalist, Zaw Zaw cu U Bo thong ah SAC ralkap nih an rak tlaih. A luancia April 10 zing sml 9:30 hrawng ah SAC ralkap nih an rak tlaih i, May 18 lawng ah an tlaih ti thawng cu a chungkhar nih an theih. Zaw Zaw cu Section 505(a) in SAC ralkap nih taza an cuai. A luancia May 10 lioah journalist Maung Maung Myo zong Karen ramkulh Myawaddy khua in Mandalay a kal lioah SAC ralkap nih an rak tlaih. RFA nih cazin a khawmh ning in SAC ralkap nih, kum khat leng chung ah Myanmar ram chung um journalist an tlaihmi hna hi a tlawm bik 143 an tlaih hna i cu chung ah 3 an thi, tiah an langhter.