Finland le Sweden Cu NATO Phu Chungah Tel Lo Dingin Russia Nih Ralring A Pek Hna
Finland le Sweden lei in NATO phu chungah luh lo dingah Russia nih ralring pek nak a chim i, mah ti hin riantuannak hi Europe ram hna ah buaibainak tampi a chuak tiah a chim. NATO phu pawl cu kahdohnak lei hoih in dirh mi phu in an dir cuahmah lio a si tiah Russia in chim nawl ngeitu Dimitri Pascot nih a chim.
June thla, thla hram lei ah NATO phu chung tel luh ding caah Finland telin ram cheukhat hna nih timhlamh nak an ngei tiah American in tuanvo ngeitu hna nih ruahchanhnak an ngei tiah theih a si. NATO phu chung ah ram 32 tiang an si kho men i mah colcangh nak zong cu U.S nih a cohlang ko lai tiah zumh a si.
Mah kongkau hen pehtlai in NATO phun chung tel hruaitu pawl he Finland le Sweden nih ramkhel vuanci pawl he ton biaruahnak an ngei tiah American ramkhel vuanci nih a luan cia mi zarh chungah khan a chim tiah theih a si.
Russia Ral Doh Ding In Zelenskyy Nih Ukraine Mipi A Forh Ṭhan Hna, Russia ralkap hna nih Kiev khuapi an kirtak hnu in Ukraime nichuahlei le thlaklei cu biatak tein a vun kah hoi ṭhan caah Ukraine President Volodymyr Zelenskyy nih cun Ukraine ralkap le mipi hna cu Russia ral doh ding i timhcia tein um ding in a forhfial hna.
Russia ral a lianh chin lengmang lio ah Zelenskyy nih cun ramleng bawmhnak zong biatak tein a kawl cuahmah ve i, UK zong nih nai ah bawmhnak zeimawzat a pek. A ra lai mi zarh ah hin Russia nih biatak tein Ukraine cu a nam ṭhan lai, tiah biachokvai a leng i Ukraine mizapi cu timhcia tein um ding in Zelenskyy nih a cah colh hna.
Nizan April 11 ah khan Austria Chancellor Karl Nehammer nih cun, February 24 i Russia nih Ukraine a tuk hnu a voikhatnak ah, President Putin cu Moscow ah a va ton. Russia nih Ukraine tuk hnu ah Ukraine mipi nuai 11 leng cu umnak ngei lo in hmun kip ah an zaam hna i, civil mi nunnak tam tuk a liam cang.
PRA Le SAC Ralkap Voi 9 An I Kap , SAC Ralkap 23 An Thi, Khuate 11 ah rallam a sial mi SAC ralkap le Bo Japan hruai mi People Revolution Army(PRA) kar , ni 10 chung ah kahdohnak voi 9 a chuak i SAC ralkap 23 an thi i RRA lei in 2 an nunnak liam tiah theih a si. April 2 in Sagaing ramthen Pale Kaandongh(ကန်ဒေါင့်) palik a sakhan in Pyisawtee he a chuak mi SAC ralkap thazaang 64 cu Magway ramthen Myaing peng tiang khua 11 ah rallam an sial i April 11 ah an sakhan ah an kir than cang tiah theih a si.
” Rallam a sial mi SAC ralkap hi minung 64 an si i pyosawtee zong an i tel, Meithal an pek ve hna, Miinung 41 an sakhan ah an kir than. Cu kar ah an mah lei a thi mi pawl an phum hna i minung 8 cu Pale siizung ah an kuat hna tiin thawng fiang kan theih,” tiah Bo Japan nih a chim.
Leave a Reply