Russia Mirum Pa Alex Konanykhin Nih Putin Harnak Pek Dingin Russia Ralbawi Pawl Cu A Nawl Hna

Russia Ralbawi Pawl Nih Russia President Putin Harnak Nan Pe Kho Mi US Dollars 1 Million Kan Pek Hna Lai Tiah  California Hrambunh Russia Mirum Pa Nih A Ti

Russia ralbawi pawl nih Russia president Putin harsatnak khawh cu US dollars 1 million kan pek hna lai tiah California hrambunh Russia mirum chawleh riantuantu minung pakhat nih a langhter.

Russia chawleh riantuantu Alex Konanykhin nih ” Russia president Puti cu ral achuat tertu tiin tlaih piak dingah Russia ralbawi pawl cu a nawl hna” tiah a mah i a social media ah atar langh.

Putin a luatlat mi thimnak cu a hrawh i a mah i a kalhdoh mi pawl cu a thah hna i Ruissia zulhphung phunghrampi upadi cu abual tiah Russia chawleh riantuantu Alex nih a chim.

1991 Soviet Union aa cheu viar hnu ah Soviet Union nih a rak ngeihmi Nuclear bomb le hriamnam țhațha pawl zong ram kip ah an i țhen ve. Ukraine ram cu Soviet Union in a chuak lio ah Nuclear bom 1900 le Bomb thlaknak vanlawng (ICBMs silot) țhatha tampi a rak ngei.

USA le Rusia khawh in Nuclear bomb tamcem a ngeimi hi Ukraine a rak si. Vawlei cungah hraimnam lei in a thawng cemmi pathumnak a rak si. Atu China nih a ngeih mi Nuclear nakin a let 6 tam in a rak ngei. British le Germany nakin hraimnam ah a let tampi in a rak thawng deuh mi asi. Ukraine nih a rak ngeihmi Bomb pakhat cu Hiroshima khua ah USA nih a thlakmi bomb nakin a let 37 in a cak deuh.

Cubantuk nuclear bomb cu 1900 a rak ngei. Cun America ram hrawh kho ding in sermi Bomb thlaknak vanlawng (ICBMs silot) zong tampi a rak ngei chih. Ukriane hriamnam cu USA a do khotu ral pakhat asi tikah US cu a thin a phang i, Ukraine cu a hraim hrawh dinign a lemnak khi asi ve ko. Chim duhmi cu a luancia kum 25 ah UKRAINE cu vawlei cungah Hriamnam lei in a thawng bikmi pathumnak a rak si. USA hmanh a do ngam mi ram a rak si.

USA, British (EU) le Rusia nih Ukraine cu a nuclear bomb hrawh dingin an lem. A dongnak ahcun Vawlei diahnak caah tiin USA le RUSIA he Budapest Memorandum aamahkhan biakamnak an ngeih hnu ah Ukraine nih a hriamnam thatha cu a hrawh dih hna. Budapest Memorandum cu hintin hnatlaknak an ngei hna.

3. Rusia nih Ukriane cu zeitik hmanh ah a lak țhan lai lo i, Ukraine ram humhimnak caah USA nih 100% tuanvo a lak lai.

Mah pathum aamahkhannak hi a biapi cemmi asi i. cu hnu ahcun Ukraine nih a nuclear le a vanlawng thatha cu a hrawh dih ve hna. Rusia President Boris Yeltsin nih Ukraine he biakamnak Budapest Memorandum cu a zulh i, Ukraine Nawlngeihnak cu a rak upat. Putin President asi hnu in cun Ukraine he an biakamnak cu zeiah a rel ti lo. 2014 ah Crimea ram a lak piak hna cun Ukriane tapung Combass ram pawl cu hriamnam a bawmh hna. Atu 2022 ah Ukriane ningin lak a timh hoi cang.

Ukriane ram kong hi USA election tiangin a va hnur khawhmi asi. Trump zong Ukraine kongah Democratic pawl nih taza an cuainak kha asi. Trupm nih Obama le Biden cu a soi zong hi a mawh lo. TRUMP cu Budapest biakamnak bantukin Ukraine a rak dirpi. Putin nih cun Budapest biakamnak cu a hrawh cang ti khawh asi. USA le EU pawl nih Budapest biakamnak cu zeitin dah an zulh lai timihi zoh a hau ko. Ukraine cu US, EU le Rusia ruangah Cakei in chizawh ah aa cang.

American, Canada Le Japan Hna Nih Ukraine Caah Ral Ka Do Lai

Russia nih kahdoh atong mi Ukraine caah bomh a herh mi ramdang mi pawl lei in Ukraine ram luhkhawh nak hnga ding caah Visa hau loin Ukraine President Zelensky nih min athut hnu ah Japan mipi minung 70 hrawng nih Ukraine caah ral kan doh lai tiin an min an pek cang tiah theih a si.

Ukraine president nih ramdang mi paw cu VISA hau loin kahdohnak ah nan luh kho tiah a langhter hnu ah Dozens in a si mi American, Canada le Japan ram mi hna nih Ukraine ram caah bomh dingah biachah nak an tuah cang tiah theih a si.

France miphun ralkap in a kir mi minung pa 2 le Japan ram mipi hmunhimtu phu minung 50 tel in Japan mipi minung 70 hrawng nih Ukraine ram caah kahdohnak luh dingah min an pek nak kong cu Maninichi Shimbun thawngzamh  nih a langhter cang tiah theih a si.

Ukraine ram caah bomh ral chungah luh a duh mi pehtlainak pawl aum nak kong Spokesperson for the Embassy of Ukraine in mi pakhat nih a chim ko nain zawnruahnak lei in cozah riantuantu pawl he pehtlai in thil dang dang theih khawh a si rih lo tiah a chim.

American, Canada Le Japan Hna Nih Ukraine Caah Ral Ka Do Lai

Russia nih kahdoh atong mi Ukraine caah bomh a herh mi ramdang mi pawl lei in Ukraine ram luhkhawh nak hnga ding caah Visa hau loin Ukraine President Zelensky nih min athut hnu ah Japan mipi minung 70 hrawng nih Ukraine caah ral kan doh lai tiin an min an pek cang tiah theih a si.

Ukraine president nih ramdang mi paw cu VISA hau loin kahdohnak ah nan luh kho tiah a langhter hnu ah Dozens in a si mi American, Canada le Japan ram mi hna nih Ukraine ram caah bomh dingah biachah nak an tuah cang tiah theih a si.

France miphun ralkap in a kir mi minung pa 2 le Japan ram mipi hmunhimtu phu minung 50 tel in Japan mipi minung 70 hrawng nih Ukraine ram caah kahdohnak luh dingah min an pek nak kong cu Maninichi Shimbun thawngzamh  nih a langhter cang tiah theih a si.

Ukraine ram caah bomh ral chungah luh a duh mi pehtlainak pawl aum nak kong Spokesperson for the Embassy of Ukraine in mi pakhat nih a chim ko nain zawnruahnak lei in cozah riantuantu pawl he pehtlai in thil dang dang theih khawh a si rih lo tiah a chim.