Nizan August 14 ah Russia meithat vanlawng BE- 200 cu Turkey thlanglei tlang pakhat ah mei a hmih lio ah a tla i vanlawng riantuan Russia minung 5 le Turkey minung 3 an nunnak a liam.
Vanlawng hi Bertiz region ah tlang pakhat ah mei a hmih lio ah a tla mi a si.Chanhtu phu hna cu Kahramanamaras area ah thlah colh an si.
Kahramanmaras governor Omer Faruk Coskun nih meikang hi tek a tlaknak in a chuak mi a si. Thawng kan theih le cangka in meithat vanlawng hi thlah colh a si i, tlawmpal ah kan i pehtlaih khawh ti lo hnuah a tla tiah kan theih. A tlak nak hmun hrawngah chanhtu phu tampi kan thlah hna tiah a chim.
Turkey ram kang hi kan hnu July thla in Mediterrianean region in a chuak mi a si.A tam deuh cu rili kam lei ah a ummi Mugla le Antalya province ah a kang mi a si.Ram ekah a thong in a kang cang tiah an ti.
Russia BE- 200 meithat vanlawng hi ti le tlang ah a tum khl mi a si i, voi 1 ah ti galon 3200 a phor kho mi a si.
Mah bantukin vanlawng hi 2004 kum Italy ram kangh lio ah a voi 1 nak hman a si i, suimilam 90 chungah voi 100 leng zuang buin mei a hmit kho mi a si.
Khuati lei mithiam pawl nih an chim ningah lungmeihol, zinan le gas a kangh ruangah vawlei a linh ter i,khuacaan tampi a thlen caah ni linh, ram kang, ruahpi tam, ti lian le totho thlihran hna tampi a chuah ter tiah an chim.
The Chin Post
Leave a Reply