Russia Ralkap Kut In American Journalist Pakhat Nunnak Liam

Russia Ralkap Kut In American Journalist Pakhat Nunnak Liam. Video, hmanthlak lei thawnglatu, Journalist American mi ( kum 50 hrawng) Brent Renaud cu Russia ralkap kahnak in 13 Vaute 2022 ah a nunnak a liam tiah Ukraine palek nih an chim.

Hi Journalist pa cu Irpin khua ralzaam hna video thlak dingin a kal lio ah Russia ralkap nih an kah i hmuri ah a nunnak a liam colh, midang pakhat zong hliam a tuar, Crd-The Lairam Times

Tanti Lungrual (Thiam)1.Tutan ral tuknak ah kan kalti (thiam) ahcun fawite in teinak kan co lai.2.Tutan phaisa thawhnakah kan funtom (thiam) ahcun atuanmi man a ngei taktak lai.3.Tutan kan lung ai ruah i hruaitu phukhat kan dirh (thiam) ahcun cozah thar kan ngei colh lai.

4. Man a ngeimi si (thiam) nak ding caah cun phaisa tlaiphu pakhat kan dirh a herh i, cazin fel faite in a tlaih (thiam) longah kan lohma a kal (thiam) lai.

5.Kan thawhmi chawva man a ngei (thiam) khawhnak caah lutlai thiam kan herh thiam a biapi.

Bawipa tihzah zia kan thiam i, Pathian duhnak kan zulh thiam i, kan lung ai rual thiam i, raltuk kan thiam ahcun Pathian nih tei thiamnak cu a kan pek ko lai.Ralkap phukhat kan ser thiam ahcun teinak fawite in kan hmuh ko lai. Crd-Laipa Kutzung

ASEAN Special Palai He Ton Biaruah Ding Kahdohnak Daihter Ding Cah SAC Ralhrang Nih Tlangcung Hriamtlai Phu Caa A Kuat

March thla ni 20 ah Myanmar a rak phan hnga ding Myanmar kongkau he pehtlai in ASEAN Special palai a si mi Cambodia a pahnih nak vuanci le ramkhel vuanci a si mi Prak Sokhonn le kahdoh daihter, tlang cung hriamtlai phu kar ah ton biaruah nak tuah ding ah SAC ralhrang lei nih tlangcung mi ca an kuat hna tiah theih a si.

Kahdoh daihnak min athu mi tlangcung hriamtlai phu i ram daihnak nak lam hruai mi phu (PPST) in sam mi a si tiah sawmnak caa ahmu mi phu nih a chim. Kawlram chungah kahdoh daih tlangcung hriamtlai phu 10 an um.

” ASEAN Special Palai he ton biaruah ding ah sawm mi a si” tiah sawmnak ca ahmu tu phu khat sin in theih a si. Myanmar ram ah a voikhat nak bik in a rak phan hnga ding ASEAN palai zong nih Myanmar ram chung ah a um mi phu fonh dih lak he ton biaruah nak ngeih dingah in timhlamh nak a ngei.

SAC ralhrang lei nih NLD tel in ramkhel party phu pawl he tonnak nawl kan pek hna lai tiah an chim i thawng chungah a um mi le, Sahrang tiah ruahmi pawl he ton nak nawk kan pek hna lai tiah SAC ralhrang lei nih an chim.

Kawlram Chung Pumpi Mrach Thla Ni 12-18 Tiang 24hrs Mei A Mit Lai Tiah SAC Ralhrang Nih Cathanh A Chuah

Myanmar ram pumpi March thla ni 12-18 tiang zarkhat chung 24hrs mei amit lai tiah SAC ralhrang nih cathanh a chuah. Mei lein vuanci zung nih mei tha 1455 MKW chuah a si nak kong, hmuh khap a si mi mei tha thar pa 2 in mei chuah khawhnak,

Vawlei tang pipe lam lei pahtlainak cu march thla ni 12 in 18 tiang tuanvo lak nak a si lai nak kong, mei chuah nak dinh ter nak a si lai nak kong, cu ruangah mei serchuah nak cu March thla ni 12 in 18 tiang,

Zarhkhat chung kawlram chung pumpi 24hrs mei a mit lai tiah SAC ralhrang nih cathanh a chuah.A tu ah Biluu Chaung mei zungin a chuak mi mei peknak tower tung an hrawh caah MKW 200 hrawng in mei pek khawh a si lo nak kong,

LNC man a kai tuk i ram chung ram leng Zinan man sining a dik lo i, zinan cawk nak a har tuk lio ah LNC zung pawl i mei pek nak MKW 750 hrawang in dinter chung a si nak kong . Mah ruang ah pekchuah mi nak in hman in a tam deuh caah,

Meitha thingnak le meitha zawrter dingin tuanvo lak lio a si nak kong. A tu ah tower tung pawl cu aran nak in remh lio a si i, Kyohpyo ah siseh, adang hmunhma ah si seh MKW 150 in pekkhawh dingin  i zuam lio a si nak kong. Mei a tu le tu in a mih mi hi  tower tung  hrawh peng ruangah a si tiin Mei lei in vuanci nih a chim.