Ruah Celh silo Fapa Dawh Ralkap An Hrem Thawngtheih Celh Lo Caah A Mah Le Mah Aa That

Bago ramthen, Pyi pengkomh khua ah ralhrang nih pafa hna cu MyteL tower hrawh nan i timh ti in an tlaih i an hrem hna. A pa cu a fapa an hremmi a tuar khawh lo caah amah le amah aa that tiah amah he aa naihniammi nih an chim. Ralhrang nih cun inn pakhat ah an luhpi hna i a fapa cu cungdot ah an kaipi, amah cu tangdot ah an chiah.

Amah zong fak ngai in an harem, a fapa an hrem ruang i a aihramnak vialte cu a pa nih a theih dih. September 14 chun ah a pa cu an thlah i a fapa tu cu an thlah lo. Ralhrang nih an hremmi a fapa a aihram thawng cu U Toe Gyi hnathlam ah a caam, inn an phanh hnu zongah thinlung nuam lo tuk in a um i lungthin a hmaan lo mi ko a lo tiah a chungkhat nih an chim.

U Toe Gyi nih cun a fapa an thlah than nak dingah ka zuam piak hram u tiah a au i an ka tlaih than cang lai tiah a chim lengmang. An inn thlalangawng in khua a cuanh i mawtaw lam lei cu zoh in ka fapa a rak lawi cang lai ti le ralhrang nih an ka tleih than lai tiin a chim lengmang. September 19 ah U Toe Gyi cu phungki inn dum chung ah a zumhmi thil pakhat in a hngawng ah amah le amah i at i a nunnak a liam hi a si.

Hmasa ah cun hri in awh dingah aa tim nain a hlawhtlin lo caah thilzum pakhat in a aa thahnak hi a si tiah an chim. “Myanmar ram ah ralhrang nih hrem ruang le thahnak ruangah chungkhar zei zah dah ngaihchia mitthli tla in an ka chiah i a rawk cang, U Toe Gyi tan tak mi a nupi le a chungkhar an ton mi hi kan tuar pi tuk ve tiah ”

U Toe Gyi a hawi nih ngaihchiat pi nak bia a chim. U Toe Gyi ruak cu September 19 ni Zanlei suimilam 3:00 ah vuai a si cang i ralram ah leih a tong mi a fapa nih cun a pa a thih thawng hi a thei kho lo tiah chungkhar he neih niam mi pakhat nih a chim. Khit Thit Media

Sept 7 ah NUG nih ram pumpi huap kahdohnak ni (D-Day) a thanh hnuin ralhrang le mipi vengtu ralkap hna kahdohnak a fak chin lengmang. Sept 20, tuni ah cun “Dothlennak dothnihnak a phan cang lai ” tiah NUG Defense Minister U Yee Mon nih a thanh. D-Day thanh hnuah Mandalay, Rangoon le ramhcung hmunkip ah nifatin in kahdohnak le puahkehnak a um peng.

Ralhrang nih an thatlonak le sualnak an chuah chin lengmang bantukin mipi vengtu ralkap zong nih ralhrang le an lei ttang hna cu fak chinchin in an doh ve hna. Ralhrang nih an khanhmi khua/sang bawi hna zong nifatin in thah an tong. Cucaah khua/sang bawi cheukhat cu an rian in an i ngol. NUG Denfense Minister U Yee Mon nih cun “Dothlennak tuah chung i inn le lo a rawkmi hna cu mipi cozah nih tuanvo a lak ko lai” tiah a chim fawn. BBC

Enter

Be the first to comment

Leave a Reply

Your email address will not be published.


*