Bawlung chuih ah cun a thiam cem kan ti mi pahnih Cristiano Ronaldo le Lionel Messi kong ah hin cun bia el nak hi a dong kho bak lo.
Mah hna pahnih kong a ho dah a thiam deuh ti mi ruangah hin a thi mi zong an tam ngai cang.
Mumbai i Nalasopara khua mah bantuk thil hi kum 2016 ah khan a cang mi thil a si, Messi fans kum 22 i upa mi Nigerian Michael Nwabu Chukwuma nih cun a roommate Nigerian ve thiamthiam Ronaldo tantu Obinna Durumchukwu cu a thah.
Obinna Durumchukwu nih cun a kum 34 tling lawmnak ah cun a hawile hna cu bawlung chuih zoh tti hna dingin a sawm hna i, nuam tein zu hna an din tti hna i, mah zan ah hin Real Madrid nih 7-1 in celta vigo an tei hna, Ronaldo nih goal 4 bak a thun.
Zu an din dih hnu ah cun an i si i, an thinhun an i sum kho ti lo hnu ah cun an i thua, Chukwuma nih cun bear bottle in Durumchukwu cu a vuak i, asinain a vuak fuh lo, bear bottle kuai mi cu Chukwuma nih Durmunchukwu cu a hngawng ah a at piak i a thi.
A hawipa a thah dih hnu ah cun a zam diam, asinain palik hna nih an tlei thiamthiam, tu ni ah hin court ah kal than ding a si.
Leave a Reply