Nihin (August 22) Hakha ah COVID-19 zawtnak in minung pakhat a nunnak a liam.
A nunnak a liammi hi Pyidawtha sang um, Pi Mah Nawn i hringtu a nu (kum 75) a si i, anih hi zunthlum zawtnak zong a ngeimi a si.
COVID-19 Third Wave hnu in Hakha ah COVID-19 zawtnak in an thi tiah fehtermi minung 19 an si cang.
COVID-19 zawtnak in an nunnak a liam ko tiah lunghrinhmi mithi a dang 19 zong an um ve.
The Chin Journal
Relchap: Thantlang Peng khuate cheukhat eidin supsap le mehhaang dongcat
Thantlang Peng khuate cheukhat eidin supsap le mehhaang dongcat
COVID-19 zawtnak ruang le kahdohnak ruang ah Thantlang Peng khuate cheukhat cu eidin supsap le mehhaang cawk ding a har cang, tiah kan theih.
Hi kong ah khua pakhat in khuami dawr ngeitu pakhat nih, “COVID-19 zawtnak hi Hakha le Thantlang ah a karh tuk ruang ah dawr thil zong kan la kho ti lo. Kan ngeihcia mi zong a dih cang. Cu pin ah kahdohnak zong a chuak pah lengmang i eidin supsap le mehhaang lak cu chimlo khualtlawn le umkal hrimhrim kan ngamh ti lo,” tiah The Hakha Times ah a chim.
Khuate dawr ngei pawl nih thil an lak khawh ti lo ca ah khuami zong eidin supsap le mehhaang cawk ding an ngei ti lo, tiah kan theih.
The Hakha Times
Leave a Reply