Mipi Hriamtlai Sakhan Lak Ah A Kal mi Ralhrang 500 Hrawng An mah Tu An Rak Thah Hna

MNDAA le SAC ralhrang dohnak ah SAC ralhrang minung 100 hrawng an thih pin ah an hriamnam tha tak taktak cu MNDAA nih an chuh khawh hna. Nihin ah an hriamnam an chuh mi hna pawl hi phaisa in tuak ahcun a tam taktak, cu pin ah hi zatzat hriamnam cawknak ding ahcun a hmunhma,

A cawknak le phorhnak ruah ah thil har taktak a si nain, nikhat chung raldohnak te lawng ah MNDAA kut ah a hun phak dih ko hi asi. Shan ramkulh, Moekung District chung MNDAA Sakhan cu SAC ralhrang nih an rak doh, Vanlawng in heh an phomh hna, Miakpi le Bomb in heh an thuat hna, a si nain an mah SAC ralhrang tu tam taktak an thih lawng si loin, an hriamnam tak taktak cu MNDAA nih an lak hi asi.

MNDAA nih cathanh an chuah mi ah “Nizaan December 19, 2021 in khan Moekung District, Manyan Sakhan cu SAC ralhrang nih Vanlawng in an rak doh hi asi. Vawlei ralkap thazaang tam taktak an rak thlah hna, cu pin ah Vanlawng in an rak bawmh rih hna. Miakpi voi 1500 leng an rak kah, cu hnu ah Vanlawng in Bomb voi tam taktak an rak thlak.

A si nain MNDAA lei cu kan him, tha tein defense kan i tuah kho. Asinain an mah ralhrang lei 100 hrawng an thih hi asi. A thi mi lak ah Ralbawi zong an i tel i, an hriamnam tha tak taktak kan lak piak hna” tiah an langhter hi asi. SAC ralhrang thazaang minung 500 hrawng nih kan Sakhan cu lak ding ah an rak nam, voi 10 tiang an kan nam nain tha tein Defense kan tuah khawh. Kan Sakhan an lak khawh lo pin ah an mah tu ceilak kan den hna hi a si tiah an cathanh chuah mi ah hmuh khawh a si.

Champhai Deputy Commissioner Pi Maria CT Zuali le a tang riantuan hna nih ram leng(myanmar) in kuva thei Mizoram ah a lutmi an rak tlaihmi cu Champhai Mino bu nih an duah tiah theih a si. December 18 , zan suimilam 8 hrawng ah khan Champhai DC Pi Maria CT Zuali le a riantuan hawi hna cu Farkawn lei in an kir lei ah Myanmar lei in kuva thei phur motor 9 an hmuh i, an lak i pahnih cu an zaam manh.

A zaam manh lo mi motor 7 cu an dirter hna i ramdang in a lut tiah ruahmi kuva thei bag 180 an tlaih. Kuva thei an tlaih mi dihlak man ah hin India phaisa sing 42 man hrawng a si lai, tiah an tuak. Hi kongkau ah hin Lalhruaitluangi, Chaltlang Lily Veng, Aizawl um mi nih cun Champhai palik sin ah First Information Report(FIR) a pek.

FIR i a langhning ah cun Champhai DC Pi Maria CT Zuali le a naule hna nih a kuva thei phurtu motor pali cu an tlaih i, a kuva thei quintal 120 hrawng cu ram leng theitlai a si le silo fianh ta hmasa loin an duah piak, tiah a tial. Hi leng ah hin a motor mawngtu driver mobile phone a laakpiak hna i, aho ta a si zong an fianh hmasa lo caah Kuva thei duahtu hna le a tlaitu Champhai DC le a Naule cung ah a herhning in tuanvo la ding in palik a hal hna.

Be the first to comment

Leave a Reply

Your email address will not be published.


*