Republic Of Tatarstan President Mr. Rustam Minnikhanov Le SAC Ralhrang MAH Naypyidaw President Inn Ah Tonbiaruahnak An Ngei

Republic Of Tatarstan President Mr. Rustam Minnikhanov Le SAC Ralhrang Tonbiaruahnak An Ngei

SAC ralhrang Min Aung Hlaing nih rian kong he kawlram a rak tlong mi Republic of Tatarstan President Mr. Rustam Minnikhanov le a hnu zulhtuu phu hna cu April ni 28, Nay Pyi Daw ah a um mi SAC ralhrang zuung i, President inn ah tonnak an ngei. Mah ton biaruah nak kongkau ah, seh caah hman mi thliri pawl, Machinery serchuahnak kong kau, Tilawng serchuahnak kong,

Thil serchuah nak kong, ngandam nak lei ruanvolak nak kong le Sii le ai serchuah nak kong kau ah ton biaruahnak an ngei tiah theih a si. Republic of Tatarstan President Mr. Rustam Minnikhanov le a hnu zulhtuu phu hna cu riantuantii hnahlaknak an khualtlonnak cu April ni 27 Zaan lei ah sang ah Nay Pyi Daw ah an rak phan tiah theih a si.

Ram dang vuanci zung, Duh Vuanci Kyaw Myo Htun, Myanmar ram kongkau he riantuan tu Russia Ambassador H.E. Dr. Nikolay LISTOPADOV hna nih tlunghtlai ngaiin an dawn hna tiah theih a si.  Republic of Tatarstan President Mr. Rustam Minnikhanov le a hnu zulhtuu phu hna cu mah an khual tlonnak ah SAC ralhrang i, hruaitu lutlai pawl he zong biaruahnak an ngei tiah theih a si i, ram hnih i bom in riantuan ti nak kongah hna tlaknak an ngei tiah theih a si.

Thawngdang, Pago Peng Ah Palik Bawi Win Naing Le Depeyin Ah Pyusawtee Ṭatshing Thah An Tong, Pago ramṭthen, Kawa(က၀) peng ah Police Commanding Officer(ရဲတပ်ဖွဲ့မှူး ) Win Naing() cu ဝင်းနိုင်Pago PDF nih kan thah, tiah cathanh an chuah. Nihin April 28 zing sml 5:15 hrawng ah Kawa peng, humhimnak le thawngpang hlathlainak lei ṭuanvo latu, Chairman Win Naing cu Pago PDF Battalion 1, Company (2), Kawa-PDF nih an kah i a hmunah a thi colh, tiah theih a si. Sagaing remtṭhen, Depeyin peng ah kum 2003 lio Aung San Suu Kyi thah an timh lio ah aa tel ve mi, Pyusawtee Ṭatshing(တက်ရှိန်) cu April 19 ah Tiger King le Linyone(လင်းယုန်) PDF nih an rak thah, tiah theih a si.

April Thlachung Ah Ralzaam 60,000 Deng An Karh, 2022, April thla ni 25 chungah ralzaam 58,300 nak tlawmlo an karh tiah ISP-Myanmar nih a thanh. April thlachung Sagaing ramtthen in KhinOo, Minkin le Ayardaw pengchung in khua hna cu mei khanghpiak le hrawhpiak an ton hnu in cu ka hmun hrawng um khuami 13,300 leng cu a himnak hmunah an zaam hna tiah theih a si. Sagaing ramtthen Kalay le Wantu(ဝန်းသို) pengchung ah SAC ralkap le tualchung hriamtlai phu kar fakngai in kahdohnak a chuak i, SAC ralkap hna nih mipi umnak inn hna cu an khangh, an hrawhpiak hna caah khuami 25,000 nak tlawmlo cu ralzaam dirhmun an phan.

Tualchung hriamtlai phu hna le SAC ralkap kar fakngai in kahdoh a chuahnak hmunhma Magway ramtthen le Chin ramkulh ah ralzaam dirhmun a phanmi an karh tiah theih a si April thlachung Magway ramtthen Yesakyao peng le Poah pengchung in mipi 11,000 leng cu a himnak hmunah an zaam hna i Chin ramkulh, Matupi-Paletwah lam lei kahdohnak a fah hnu ah tualchung mi 1,000 leng cu a humhimnak hmunhma ah an i dor hna tiah ISP-Myanmar nih an thanh.

Sagaing ramtthen ah ralzaam dirhmun a phanmi tambik an um i, an dihlak ah minung 241,050 leng tiang an phan, Kaya ramkulh hi a pahnihnak ralzaam tambik phanmi an si i minung 204,115 leng an si. SAC ralkap nih hramhram nawlngeihnak an lak 2021 February 1 in 2022 April 25 tiang hmunkip ah kahdohnak a chuah caah, mah umnak hmunhma ah umngam lo in ralzaam dirhmun a phanmi dihlak hi 810,889 leng an phan.

SAC ralkap nih uknak an lak hlan ah ralzaam 497,200 leng an um i, Myanmar ramchung ah mah umnak hmunhma kaltak in ralzaam dirhmun phanmi dihlak 1,308,089 leng an si. Bangladesh, India le Thailand ramri ralzaam camp ah ralzaam 1,002,000 leng an um tiah ISP-Myanmar nih a thanh.