Buainak longte kan theih I, kan lungre a theidih cang, cu caah thawngtha tete hna hi van thei ve hna sih law, kan lungre thei nak a dam deuh ko lai.
Kan kawl ram kong longte ruah ah cun lungre a thei chin lengmang I, thawngtha tete van tial pah hin khrihfa hna kan thinlung a nuam.
Nigeria ram ah Bonnke nih thawngtha bia, zesuh dawtnak kong a van chim I, mipi cu an nun an I tleng ruang mang hna ko. Vawlei cung thawngtha bia a chim mi hna lak ah Bonnke hi Pathian nih a hmangbik mi asi tiah chim khawh asi. Voikhat a thawngtha bia chimnak thawng in minung 845,875 hna cu an hung piangthar/hringthan.
Mi damlo hna nih damnak tha a hung hmuh. Zesuh a zumlotu hna nih zesuh an hung zumh. Pathian nih Bonnke cungah rian a tuan mi zoh tik ah khuaruahhar lo awk hrimhrim a rak tha lo. Zumhnak he thawngtha a aupi mi caah cun Pathian cu a phuang hrimhrim ko. A pakhat nak ah cun zumhnak fek a herh.
Mah Bonnke bantuk Pasal tha kan lai ram nih kan herhtuk ve hna. Pathian nih a thim mi chin miphun nih kan kawl ram pi hi khrihfa ram ah kan thleng ve a hau. Zumhnak fek taktak a neimi pasal tha, Pathian mi hmang hna nih cun an ram le an miphun long silo in, miphun dang le ram dang vialte zong pathian min in an thleng dih kho.
Bonnke nih Africa ram mipi hna cu , khrihfa ah a thleng dih hna. Raltha in thawngtha bia a aupi caah, pathian nih a dirpi ve I, nikhat chungah minung 845,875 hna nih pathian dawtnak an hung thei. Khuaruahhar taktak khi asi ko.
Pathian nih a riantuan nak ah thluachuah pe chin leng mang ko seh. Kan nih khrihfa hna zong nih thlacam in bawm cio hna usih.
Leave a Reply