RCSS Hmunlpi Ah Sianghleirun An Hon Shan miphun fimcawnnak lei thanchonak caah Shan hriamtlaibu pakhat a si ve mi RCSS hmunpi Lio Tai Leng ah Loi Tai Leng college cu July 24 ah khan hon a si.
Hi sianghleirun hi mipi fimcawnnak lei thanchonak le mino hna nun tha in zohkhenhnak caah RCSS fimcawnnak Committee khuakhannak in dirh mi a si.
Honnak caan ah biahmaithi a chimtu RCSS chairman General Yawd Serk nih harsatnak tampi kar ah sianginn hi dirh a si ning le ralhrangbu nih nawlngeihnak a lak hnu ah Kawlram fimcawnnak a tumchuk caah Mino hna caah federal education system ser khawhnak dingah dirh mi a si tiin a chim.
RCSS vice chairman Maj. Saing Yi le RCSS fimcawnnak Committee uktu Captain Lang Tai hna nih Loi Tai Leng sianghleirun nih a timh mi le sianghleirun sianghngakchia hna tha pek nak bia an chim.
Loi Tai Leng sianghleirun ah hin a hmasabik ah Political Science cu a bikin cawn piak a si lai i, 2021 November thla in 2023 tiang kum 2 chung cawn piak an si lai.
Cu hlei ah Cozah le Ramkhel kong (Politics and Government), zatlang i thithruainak (Public Administration) le ramdang pehtlaihnak (International Affairs) hna cawn piak an si tiah theih a si.
The Chin Post
Leave a Reply