yiang ah Ni 3 pehzulh in kahdoh nak a um caah ralhrang lei a thi mi an tam Sagaing ramthen, Myiang peng chungah September 8 thok in kahdoh nak voi 5 a um i ralhrang lei in a thi mi an tam tiah PDF lei nih an chim. Sagaing ramthen le Magwe ramthen a peh nak ah myiang peng a kiang um Myint Sone Kyauk Yit , Shwe Hlan khua hna ah kahdoh nak um i ralhrang lei in 22 an thi i ahliam mi an tam tiah kahdoh nak hmun a tel ve mi pakhat nih a chim. September 10 zanlei a cang mi a voi 5 nak kahdoh nak cu Kyauk Yit khua pawng ah a si .
Suimilam 2 chung kan i kap i ralhrang lei in bawm tu an rak phan caah hnu kan kir than, PDF pakhat a ban le a paw ah a hliam i a nun nk caah thinphan ding um lo tiah kah doh nak chung ah a tel mi pakhat nih achim. September 8 zing ah Myint Sone pawng ah kaohnih kah doh nak kan thok i a pawngkam khua si mi Kyauk Yit khua palek sakhan cu PDF nih kan kah. Sakhan hmu tel mi palek he a pehylai mi 3 cu CDM ah kan lut lai n ti caah PDF nih kan bawmh hna tiah a chim.
Mah ni kahdoh nak ah cun ralhrang lei in minung 13 hrawng an thi tih a chim. September 9 ah Magwe lei in ralhrang bawm tu mawtaw a rak ra i Shwe Hlan khua pawng ah bomb in kan puah hna i minung 7 an thi a tlawm bik minung 4 an hliam tiah a chim. Mah kahdoh nak kong he peh tlai in ralhrang lei nih thawngthanh nak zei hmanh an tuah rih lo. _ Myanmar Now, The Chin Post
Newin chan ah Pu Hrang Nawl a tho. Cun, a ra i 8888 uprising nih CNF/ CNA a hrin hna Egypt ram ah Kum 430 chung sal dirhmun in a ummi miphun, Israel miphun cu Pathian nih chanchuah a duh hna tikah hruaitu, Moses a pek hna. Chin miphun hi Kawl tang kan umnak hi 1948 in tuak ahcun Kum 73 a si cang. Kawl Ralkap uknak in kan luat khawh nak hnga ding ahcun Moses bantuk hruaitu tha kan herh.
Newin chan ah Pu Hrang Nawl a tho. Cun, a ra i 8888 uprising nih CNF/ CNA a hrin hna. Atu a voi 3nk “Spring Revolution” ah CDF ah an chuak. Tutan Spring Revolution ah biatak tein a thomi, Generation Z pawl an hruaitu hna, ka zoh hna tikah, Dr Sasa in, CDF lei hruaitu vialte hi Moses bantuk an si dih. Cucaah, Chin History ah “Spring Revolution” hi, “a hnu bik/ the last battle” a si lai tiah ka tuak. Teinak hmuh ding ah hruaitu ttha kan herh i, Cucu Pathian nih a kan pek cang tiah ka tuak fawn.
Pathian nih Israel miphun hna, Egypt sal in a luatter hna tikah, direct in luatnak/freedom a pe hna lo. Rili sen an tan/cross ta. Jericho Khuapi an kulh/hel i a tlu ta. Canaan miphun, mi nganpipi an tei hmasa hnu lawng ah, cawhnuk le khuaithliti a luannak caannan ram ah freedom a pek hna kha a si. Cucaah, Tutan Spring Revolution, ral dohnak ahhin Mautam a tlung lai.
Cucu kan tei lai. Chin State ah Ralkap station an kulh lai i, an tlu thluahmah lai. Ralkap meithal nganpipi/ missile tbk in doh le tuk kan tong ko lai nain, kan tei thiam lai. Cu hnu ah freedom taktak cu a ra lai. Zei thil paoh hi Pathian nih a lak/free in a ser lo. A sermi minung vialte luatnak/ khawhnak ding caah a fapa Jesuh cu “sacrificed” a tuah bantuk in, Chin ram le Chin Miphun luatnak ding caahcun, tulio caan ah a nungmi Chin Miphun nih “sacrifice” kan tuah bak a hau. Ram chung ah Mino nih an nunnak in Sacrificed an tuah.
Nu le ngakchia, upa inn hngak nih anmah le si khawh ning cio in an ttang cio ve. Ramleng lei a ummi nih nafitin kan ttuanmi/ kawlhawlmi chung tein, Phaisa thazaang in kan bawmh ve hna a herh. Mah vialte pekchannak le harnak pinlei ahcun, “FREEDOM” cu a um. Cucaah, lungsau tein, teima tein hmailei, kan Goal tung/ victory kan phak hlan tiang kal chin vima a herh tuk lio caan a si. Credit: Zasang Cinzah
Leave a Reply