Kani peng, Winmana khua ah mipi vengtu phu le ralhrang phu kar ah kahdohnak voihnih a chuak, ralhrang phu lei in minung 3 nak tlawmlo an thi tiah, Kani PDF-1 phu nih an langhter. Sagaing ramthen,Kani peng, Winmana khua palik sakhan cu Kani PDF-1 le Myanmar Defence Force phu hna doh in mipi lei ah tan ding in le mipi lei ah dir ding in ruahnak pek nak a um nain,
Cohlan nak a um lo caah kaphnih kar kahdohnak a chuak tiah theih a si. September 12, zaan suimilam 10:00 in kahdohnak a chuak i, zaantim suimilam 12:00 hrawng ah ruah a sur caah kahdoh nak ngol a si. September 12,zinglei suimilam 9:00 ah kahdohnak a chuak than, chunhnu suimilam 1:00 hrawngah ralhrang phu hna nih vanlawng hmang in ,.
Van lei dohnak he bawmtu minung an thlah tiah an langhter. Ralhrang phu hna nih van lei dohnak in an kah hna caah Kani mipi vengtu phu khomh hna cu kahdohnak ngol in hnu ah an tolh tiah theih a siVawlei lei ralhrang phu lei in minung 3 nak tlawmlo an thi, PDF phu fonh in minung pakhat hliam a tuar tiah an cathanh ah an langhter.
September 12 ah Assam palek nih Guwahati ah Chin mi 26 an tlaih hna, tiah theih a si. CPRO Rajib Saikia nih thawng kan theih ningin Rehabari, Guwahati i Kamrupa khualbuk (Muana Run) cu kan chek i pa 16 le nu 10, an dihlak 26 kan tlaih hna tiah a chim. An tlaih mi hna hi palek sakhan ah hruai an si i, bia an hal hna tikah,.
Chin ramkulh Falam peng le Tidim peng Khaikam khua hna in Delhi ah bible sianginn kai dingin a kal mi an si tiah theih a si. Hi an tlaihmi hna nih hin India document deu Adhaar card le voter ID hna an ken. Muana Run khualbuk rianngeitu hna nih tlaih a tongmi Chin mi hna cu thonginn ah an va zoh hna i rawl zong an chanh hna tiah theih a si. A herh ningin buaipi dingin kan timh.
A mah belte cu ngandamnak lei harsatnak an ngei deuh ruangah zeidah a lawh te lai kan chim kho rih lo. An document deu hi Mizoram ah an tuah mi maw a si, asiloah Kawlram ah an tuah mi dah a si ti fiangin kan thei lo. Hi hna hi UN embassy lei zong nih an buaipi lio a si tiah taunvo ngeitu hna nih an chim. An tlaih mi hna hi Paltan police station ah Foreign case le document deu hmangin India ramchung luhnak case he tazacuai an si tiah India Today nih a tial.
Leave a Reply