Ramkip INGOs le NGOs kan isawm hna lai. Ramkip pem (Diaspora) tefa hna kan um sawhsawh lailo Cozah thar zong a cawlcang lai

Atu lio ahcun CNA/CDF le IDPs (ralzam) lawng bawmh rih ding asi. Reconstruction (ram sersiamnak) cu Cozah thar le kan ram uknak a that in kan sersiam than lai. Kan um sawhsawh hna lailo, ramkip INGOs le NGOs kan isawm hna lai. Ramkip pem (Diaspora) tefa hna kan um sawhsawh lailo. Cozah thar zong a cawlcang lai. Kan ngeihchiat le kan vaansaan lio asi nain, a herh rihlo in ka ruah. Ho pumpak kan ti hna lo. A caan si rihlo. Kan Dohthlennak kan tei hmasa phot a hau. Ram Tin Thei

Chinland Defense Force-Hakha nih nizaan le tihni Thantlang thil cang kong he pehtlai in an lungfahnak le ngaihchiat nak an langhter lawng si loin, ralhrang dohnak faak deuh in kan tuah cang lai tiah mipi dihlak sin ah theihternak an tuah lawng si loin, Min Aung Hlaing ralhrang pawl zong nan ngamh ahcun minung um lonak khua leng ah rak chuak uh law kan i kaap hna lai tiah an langhter.

Nawlngeihnak Aa Hruhpimi Min Aung Hlaing Ralhrang phu nih Thantlang Hriamngan (Mei kuan telmi) in an kah mi kong ah biathanh Chin ramkulh Thantlang khuapi cu nawlngeihnak aa hruhpi mi Min Aung Hlaing Ralhrang phu nih 2021 October 29 ah mei a alh kho mi Hriamngan in an kah i Biakinn, Dawr hna tel in Thantlang inn le lo zapi 164 leng a kangh thawng kan theih caah Thantlang inntek chungkhar he kan ngeihchiatnak kan langhter.

Nawlngeihnak aa hruhpi mi Min Aung Hlaing Ralhrang phu nih Thantlang telh in Chinram hmun tampi ah ramkip ralkap a simi nih zulhding mi ralkap phungphai zulh lo le ningcang lo in thahnawnnak, hrawkralnak a tuah mi vialte cung ah liamcawinak le tuanvo laknak a ngeih hrimhrim lai. Chinland Defense Force-Hakha nih nawlngeihnak aa hruh pi mi Min Aung Hlaing Ralhrang phu pawl fak deuh in kahdohnak kan tuah cang lai caa,.

Min Aung Hlaing ralhrang phu nih nan ngamh ahcun mizapi um lonak, inn le lo rawhralnak a um lonak ding ram lak ah ikah ding in kan i sawm hna. Nawlngeihnak aa hruhpi mi Min Aung Hlaing Ralhrang phu he naihniam in rian a tuan mi, thawng a pe mi Hakha Thantlang um minung, CDM a tuah lomi le Dalan hna cu CDF-Hakha bylaw ningin faktak in dantat nan si cang lai tiah kan i thanh hna.

Be the first to comment

Leave a Reply

Your email address will not be published.


*