Ram chung buai that nak ti tik ah thil dang ah ruah hlah u law. Na rel dih hnu in na fiang te lai. Ram chung buai nak zeibantuk that nak dah miphun caah a chuah pi. Mah buai nak hi kan hrial in kan zam tak awk asi hrim lo.
Ram cu a buai hmasa long long ah, deihnak a chuak te lai. Upa mifim hna nih an chim theo tawn bantuk in, ai sik belo mi U le nau maw hawi le kom cu an I daw taktak kho lo. A chan cu an thinlung an I thei kho lo. An duh mi zong an I thei piak kho lo
Ram buai nak nih a chuahpi mi cu, a ram chung I a um ve mi, miphun dang hna nih zeidah an duh I, an hal mi asi ti kha a langh in a fiah ter.
American ram buai nak ( civil war) nih a chuah pi mi, thil tha hna cu: Sal (slaves) hna kha sal tang nak in luat nak an hmuh. Cun an mah mirang mi si nak an nei. Cu hnu ah an mah mirang bantuk in an ram chung ah nawl neih nak an nei ve. Miphun pakhat caah cun mah hi a sung lawi bik cu asi ko. Thisen tampi a chuah hnu ah, an duh mi cu pek asi. Thisen chuak lo cun teinak hmu khawh taktak asi lo.
Tutan kawl ram I civil war a chuak mi hi, kawl ram chung I a um mi, miphun dang hna kan caah cun thil tha taktak a chuahpi tu zong asi men lai. Asi lai ti zong zumh nak ka nei. Mah civil war nih hin, a chuahpi ding mi thil cu federal state hmuh nak hna asi men lai.
Kawl rallokap hna nih mah thil an tuah mi hi, an I chir tuk te lai. A chan cu kawl ram chung ah miphun (ethnics) tampi kan an um I, kan dihlak in federal state hmuh a duh mi long te kan asi dih. Kan ram le kan mi phun hna hi, kan mah te in hruai a duhmi dih kan si hna. Nan kan lung a rak I rual kho hna lo. Nain tutan ah cun, kan dih lak in kawl rallokap a dotu dih kan si cang hna. Hmun kip in kan doh hna tik ah, can sau an tuar kho hrim lai lo. Lung sau in kan doh peng hna ah cun, kan hal mi le kan duhmi hi an kan pek hrim hrim lai. Thisen man cu hmuh than asi te lai. Kan thisen man kan hmuh tik ah cun, hi hlan bantuk in kan ram chungah ralhrnag an sual ngam ti lai lo. Nawl kan nei ve cang lai.
History kan zoh tik ah, American civil war cu, midum (black) hna caah cun, van ram bantuk in a rak sung lawi. Cu bantuk in atu kawl ram buai nak nih a chuahpi te ding hi zoh tik ah, thiltha ngai ngai asi lai. Miphun dang ( ethnic) hna kan caah cun van cung bantuk asi t eve lai. Rak zoh te hmanh uh a rau lai lo.
Leave a Reply