Awngbali tthi lathmat online in zuarkhawhnak ding ah ralhrang phu nih timhtuah nak an ngei, Thla 7 chung ah Awngbali tthi lathmat zuarnak le hmuh ding phaisa cu a zor chuk tuk caah ralhrang phu hna nih NwayOo tthi zuar bantuk in online in zuar ve ding ah timhtuah nak a um tiah tthi zuarnak zung lei nih cathanh an chuah.
Online in zuarkhawh ve nak ding ah fim thiam nak lei in bawmchan kho tu Service Provider rian tuantu thim si lai tiah ralhrang phu kuttang riantuan tthi zung lei nih nihin ah cathanh an chuah, Tukum chung ah rian hi thok kho ding in timhlamh nak a um tiah Awngbali tthi zung lei in riantuan tu pakhat nih a chim. Technology lei in bawmchan tu ding company hna nih October ni 15 tiang EOI chiah khawh a si tiah theihter nak an tuah.
Awngbali tthi zung lei nih a tu tiang ah catlap hmang in an zuar i, mipi hnanih ralhrang uk duh lo langhter nak ding caah cu tthi cu an caw ti lo, NUG cozah nih NwayOo tthi tiah August thla ah online in tthi cu a zuar. NwayOo tthi cu mipi hna nih an lung a tlin tuk caah ,zuar cawk lo tiang in tlamtlinnak an hmuh caah ralhrang phu hna nih Awngbali tthi cu online in zuar khawh ve nak ding ah timhtuah nak an ngeih hi a si.
Thantlang ralzaam ca ah Zahnak tlang nih tluninn a honh hna – Thantlang khuapi chung kahdohnak ruang ah khua chuah tak in a zaam mi khuami hna ca ah tiin Zahnak Tlang nih tlun inn a honh hna tiah theih a si. Zahnak nih tlun inn a honh hna nain, Zahnak tlang khua 11 chung ah si loin Sihhmuh, Thangzang, Fungkah, Saikah, Ruabuk le Ruakhua lawng ah a si. Hi kong he pehtlai in Zahnak tlang rian ngei nih, “Rianrang Thawngthanhnak” tiin a tang lei bantuk in an langhter.
Thantlang lei in raalzaam pawl Zahnak Tlang chung luhnak kong ah Sihhmuh, Thangzang, Fungkah, Saikah, Ruabuk le Ruakhua hi nihin September 11 caah luhnak kan onh. Hi khua 7 pin khua dang cu raaldohnak rian cawlcangh lio a si caah van kan ruatthiam hram rih u. A ran khawh chung in kan van tuaktan lai. Biakilh: Cu hlan cu Tlang chung luhnak kong ah kanmah Zahnak nih bia kan chah tawn ko nain atu cu kan cunglei CNA le CDF Thantlang he rian Kan tuan lio a si caah anmah he nawl chuah mi ning in khua kan khan mi a si. A ran khawh chung le a si khawh chung in rammi nan himnak caah rian tuan khawh kan I zuam lai.Enter
Leave a Reply