Ralkap Zu An cawk Lio Bak An Thah Hna

BGF pahnih Beer an cawk lio ah an kahthah hna 2021 October 5 Kayin Ramkulh, Kyainnseikgyi Peng, Kyaik khua ah SAC kuttang ramri-hngak ralkap (BGF) minung 2 cu aho si hngalhlo mi phu nih October 5 chunlai ah meithal in an kah hna i an thi, tiah KIC nih a tial. Kahdohnak atam chin Kawl ralkap athi an karh ve thluahmah.

Yangon ramthen, Tanlin khua Tilawa development lamtonnak check gate bomb puah an tong, ralhrang phu lei in a thimi an um Yangon ramthen Tanlin khua Tilawa Development lamtonnak ralhrang phu hna check gate cu bomb puah a tong, ralhrang phu lei in minung pakhat a thi,

Minung pahnih nih fakngai in hliam an tuar tiah Tanlin mipi vengtu phu TLPDF sin in theih a si. Nihin October 5, zinglei suimilam 8:10 ah Tilawa Development lamtonnak hmun ralhrang phu hna check gate cu TLPDF nih a hlatnak hmun in bomb in an puahhnawh hna hi a si. Cu puahkehnak a dih hnu ah ralhrang phu lei nih,.

Cu thil a cannak hmun pawng ummi sualnak ngeilo mino pahnih cu tlaih in an kal pi hna tiah khuami pakhat nih a chim. Tanlin khua High school no.1 sianginn hmaiah ralhrang phu hna nih motor le cycle laisen checknak an tuah, cun cycle lu khuh zong checknak an tuah tiah khuami hna nih an chim. Mizzima

Sagaing ramthen, Kata pengkomh Thichait,pengchung ah khuami cheukhat hna cu mipi vengtu phu (PDF) nih nunnak lak lai phan ah ralhrang phu sin thawngpe tu dalan tuanmi kan si lo tiah theihternak cathanh chuah in khuachungah phawtzamhnak an tuah tiah theih a si.

Khuachung ummi nu pakhat nih” dalan tiah min chiatnak ngei mi hna nih an tih caah ca an chuah, cun mi tampi nih theihnak dingah an phawtzamh.Mizapi bawmtu ralkap hna nih an theih khawh nak ding ah social media ah an tarlangh, khuachung mi hna umnak group ah an thlah” tiah a chim.

October 4 ah Thichait peng, A lay Sanpiah khua in lakphakdawr ngeitu pakhat le khuami pakhat, Kaanni khuami minung pakhat hna nih ralhrang phu hna sinah thawngpe tu dalan kan si lo tiah mi tampi nih theih ding in cathanh an chuah hi a si.

Thichait PDF nih ralhrang phu sin thawngpe tu dalan hna cu fimhlawm an si lai, ralhrang phu nih nawlngeihnak lak hnu ah ralhrang phu caah thawng petu minung 20 cu fimhlawm an si cang tiah September 7 ah theihternak an tuah. The Irrawaddy