Ralkap Uknak Duhlonak Langhternak Ah Myanmar Ram Pumtlinglo Phu Zong Lam An Zawh Ve Cang

Myanmar ram Uknak (Aa-naa) Ralkap nih a laak mi kong ah Myanmar ram Pumtlinglo Phu zong nih pumtlinglo minung i khawm in February 9 ah lam an zawh ve.

Ralkap nih February 8 ah Upadi phungrelnak 144 in dantat a si lai ti mi ralrin peknak a thanh hnu in Myanmar ram Pumtlinglo Phu nih hmai ah norchih in lam an zawh.

Hi lamzawhnak ah aa tel mi Pumtlinglo Ko Zaw Lin Tun nih, “Democracy ca ah kannih pumtlamtlinglo zong nih kan ti khawh tawk thazaang chuah in kan i teltum ve hi a si,” tiah a chim.

Myanmar ram pumtlinglo phu cu Yangon Ta-maing Lansone ah Ralkap Uknak duhlonak an langhter hi a si. REF: DVB