Ralkap uknak cu a hrampi in Phawi le hrawh CDF-Senthang An Dir Cang

Good news; Senthang peng ah CDF-Senthang phungtling(official) tein dirh a si ve cang CDF-Senthang hriam a tlaih nak a ruang cu a ruang pa 4 in a tang lei bantuk in langhter a si; 1. kum 2021, February ni 1 ah Ralhrnagbu nih ram nawlngeihnak cu hramhram dik loin a chuh/lak i mipi nih an thim mi hruaitu hna cu a tlaih hna hmanh si lo in daite in duhlonak a langhtertu mipi hna le CDMer hna cu hramhram in tlaih, hrem le a thah hna.

Cuca’h humkip in tlangcung mi hna nih ralhrangbu i tlaih le hrem le thah nak hna cu i kilven ding ah ngeihmi hriamnam lak in dohthlennak tuah a si. 2. Cu ca’h a chiahru mi ralkap uknak cu a hrampi in hrawh i Federal democracy ram dirh khoh nak ding ca’h CDF-Senthang cu kum 2021, September thla ni 23 ah dirh a si. 3. CDF- Senthang cu CNA hruainak in CDF-Hakha he i fonh in 2021 May ni 2 ah ralhrang he kahdohnak a rak chuak.

Cuhnuah 2021, May 31 ah Ralhrangbu Batallion-66 he kahdohnak a chuak i ralhrangbu lei in a thimi a tam ngai ngai i CDF-Senthang lei zong ah a nunnak a liam mi a um ve. 4. CDF Senthang cu Chin National Front(CNF) i ukhruainak tangah um i Chin National Army(CNA) i tthithruainak tang ah pengtlang kip ah a um mi CDF/PDF phu hna he kan doh/tuk ti lai. Crd; CDF-Senthang

PDF-Zoland i ramri riahbuk voihnih a hrawk tu ZRA le Kate hriamtlai cu PDF-Zoland le PDF(Kalay)kutsih tangrual unau nih hma kan lak cang hna lai tiah September 26 ah an thanh. Kate hriamtlai le ZRA(Zomi Revolution Army)ralkap hna cu India cozah a dothleng mi an si i Myanmar ramri ah a ummi an si. PDF-Zoland le PDF(Kalay)kutsih tangrual nih an thanhmi ah Tonzaang peng,

Tedim peng,Kalay,Kabaw hrawng i ralhrang he a fonhmi hruaitu,hriamtlai he pehtlai in,minung kawlnak zohfelnak a tuahmi cu a herh ningin lehrulh an si lai. ZRA nih ramri ah riahbuk chiami le cawnnak a tuahmi PDF-Zoland nih voihnih an luhhnawh Hualngo PDF zong voikhat tlaih in kut an thlak hna. Kate hriamtlai hna zong Tamu peng ah ralhrang he an i fonh tiah PDF Tamu nih an rak thanh bal cang.

Be the first to comment

Leave a Reply

Your email address will not be published.


*