Ni 14 Chungah KNU Le Ralhrang Kahdohnak Voi 92 A Um I Ralhrang 100 Leng An Thi KNU ukmi hmunhma ah Ocni 14 chungah KNU le ralhrang kahdohnak voi 92 a um i ralhrang lei ralbawi telh in 126 an thi i 114 hliam an tuar tiah KNU nih an thanh. KNU ralkap lei in pahnih hliam an tuar ve tiah theih a si.
ASEAN Meeting ah nawlngeihnak latu ralhrangbu hruaitu sawm lo dingin ASEAN ramleng vuanci hna nih biakhiahnak an tuahmi kongah ralhrangbu ramleng vuancizung nih “Myanmar cungah nawrnak/hneknak nan tuahmi hi ASEAN nih thil thalo nan chuahnak a si lai” tiah lehnak an tuah tiah theih a si.
ASEAN nih meeting kainak le aiawhnak kongkau ah biakhiahnak a tuahmi hi ASEAN zulhphung ah a um lomi a si pin ah ASEAN nih aa tinhmi he aa kalh caah fak piin kan doh tiah ralhrangbu ramleng vuancizung cathanh ah an laughter. Ralhrangbu chimnak nawlngeitu Bochoh Zaw Min Tun nih cun ASEAN nih palhnak pahnih an tuah tiahBBC he interview ah a chim.
Cu hna cu pakhatnak ah ASEAN ram hna tam deuh hnatlaknak in tuah ding timi a sullam an fiantermi ah chambaunak a um! Pahnihnak ah ram pakhat i ramchung kongah i thlak lo ding timi zulhphung ah chambaunak a um, ti hna hi an si. A luanciami April 24, Indonesia ram Jakarta khuapi ah tuahmi ASEAN hruaitu hna meeting ah Myanmar buainak kong he pehtlai in biachahnak 5 an tuah i cucu meeting ah aa telmi Min Aung Hlaing zong nih zulh dingin bia aa kam.
Asinain a taktak cun pakhat hmanh a zul lo. Cucaah ASEAN meeting ah Min Aung Hlaing sawm lo dingin an tinak a si. A voi 38 nak le 39 nak ASEAN meeting ah siseh, cu meeting hna he aa pehtlaimi meeting dangdang ah siseh ramkhel ah dirhmun sang a tlai lomi lawng kan sawm cang lai tiah ASEAN Chairman a simi Brunei ram nih cathanh a chuahmi ah an langhter. By. Salai CP LianEnterWrite to Dawt Hlei TumAa
Leave a Reply