Kabawtoe hmun in ralhrang phu hna nih umhmun an khuarnak riahbuk 2 cu nizaan suimilam 4:00 hrawngah KNU, KNLA le KNDO nih an lak khawh tiah theih a si. KNU brigade 3 in Kayin mipi vengtu ralkap KNDO battalion 3 phu le KNU brigade 5 in KNLA phu hna i fonh in KNU,Kayin hmunhma brigade 3 le brigade 5 kar Kabawtoe hmunhma in ralhrang phu hna umhmun khuarnak riahbuk cu doh in kan lak khawh tiah KNU nih a thanh. Ralhrang phu hna umhmun riahbuk cu kahdoh in lak a si hnu ah, ralhrang phu hna nih cuka hmun pawng le KNU-Mutraw pengkomh Yaymupalaw f khua cu vanlawng in zohfelnak le checkhlatnak an tuah tiah an langhter. Source-KNU Kachin Wave
Hringtu nu nih afa CDF ralkap sin cakuat Ka fa na dam lio si maw? Kei na nu kum 75% zong ka dam lio sive.Na pa nih akan thihnak 40 campha kan phan cang i na pa zuun ngai in kum hi can kan nufa te in kan rak hman hnuah tucu keimah te lawng nih na pa a kan kaltaknak kum 40 chapha zuun cu ka hmang cang e ka fa. Na hringtu pa nih kum 40 chung a kan kal taknak zuuntuar tucu ka tuarmi vilate lakah tuarhar cemmi si lai tiah ka rak ruah caah ka fa na sin zongah na pa zuuntuar har ning kan rak chim bal kha na cing ti maw?
Hringtu na pa zuuntuar kha tthennak faktuk tuarmi hna, tahchunhnak tiangah hla an phanmi “a fak lungdo hma bang” timi nih na pa zuntuar har kha acan lai lo,lungdohma sinah cun na pa zun ka tuar cu Vui/saipi tia asi tiah kan rak chimh rih kha mu ka fa. Thi zuuntuar cu, za ko cang sehlaw tiah ka lungkil ka ruah lio,ka fa kan chimh hmanh hlanah tucu na hring zuuntuar nih vanpi cimh bang aka cimh hnawh, tucu zuuntuar tuarhnih he tappi le ihkhun kar ah ka nuncaan ka hmang cuahmah ko.
Na pa nun lio ah kan nu pa farual caah arti pumkhat cio ka rak chuan tawnmi kha pumhnih lawng ka rak chuan kha ka fa,tucu arti pum thum le pumhnih chumh um ti lo,pumkhat te lawng ka chumh cang,Mah cu kan arpi nih a hngalh rua ka ti,tucu kan arpi nihkhan voiding bang ti a tit duh lo,keimah chumh khimte lawng in ti a tit cang. Thih tthian maw fak deuh nung na tthian he tiah hla an phanmi kha kei na nu nihcun apahnih ningte in ka tem le tuar cuahmah e ka fa. Zan archiar khar le fimtu peng na si caah kan ar rual tiang nih na zum an tlem rua,rawl ka fah hna ah voiding bang an cu duh ti lo.
Ka fa mahvial te na sinah ka rak in kuatmi ca hi cafang komh le biatlang komh ka palhmi tampi lai caah lunsau tein rakrel te muh, na nu ka mit nih khua ahmuh set ti lo caah si mu ka fa. Mah ca kan kuatmi ruangah hin keimah ngai in maw um lai cih,na tuk ramah i donhkhanh ter hlah mu: Na ttuan ramrian na hlawhtlinnak kha kei na nu nih ka duh cemmi si na hngalh cang khah, teinak thantar he nan tlun tikah hauka in puante he kan don te lai mu ka fa!!! Ca an kuatu: Ba’n chantling an tlinh pengtu le na caah thlazacam zungzal tu Pehte ding si lai,Peh a duhmi nih comment ah hun chim te uh.
Leave a Reply