Ralkap Pakhat Nih Min Aung Hlaing Nih A Tuahto Hna Ning A Langhter

Min Aung Hliang nih SAC ralhrang hna cu thla(5) chung Lahkhah a pe ti hna lo, Lahkhah pek loin, chungkhar herh mi tu dirkamh ding tibantuk System atuah ti asi. Hi bantuk in Min Aung Hliang nih ralkap pawl lahkhah a pek hna lo nak a ruang cu, an kut cung ah Phaisa a phan lai i,

Zaamnak ah an hman lai timi a phan ruang ah Ralkap pawl an kut cung ah Phaisa fang phak ter a duh ti lo caah a si tiah an mah ralkap chung lila nih Biathli leng ah an chuah ter hi asi. Min Aung Hliang nih hramhram in rampi uknak a lak hnu in, ram mipi dihlak nih ralkap an mawhchiat, misual tiah an phuan i an pom dih.

Cu ruang ah ralkap chung lila zong in CDM a tuah mi an karh. Ralkap chung lila ah CDM a tuah mi an karh cuahmah caah ralkap an zaam khawh lonak ding, CDM an tuah khawh lo nak ding ah timi ruahchannak pakhat phun in Lahkhah pek loin a chiah hna hi a si tiah an chim.

Lahkhah an kan pek lonak hi Thla(5) a si cang tiah ralkap minung pakhat nih Monywa thawngpang thanhbu phu sin ah a chim hi a si. “A ngaingai ti ahcun Ralkap tampi cu ralkap in zaam kan duh cio cang hna. A si nain Lahkhah pek loin an kan um pin ah kan chungkhar, nupi le fa pawl hna cu lengchuah khawh lo ding in ralkap umnak ah hren piak dih kan si.

Kan zaam sual ahcun kan nupi le fale, kan chungkhar pawl hna kha kan mah ai ah tlaih in hremnak pek ding an si. Cu caah nihin tiang ralkap tampi kan zaam khawh lonak asi. Kan dirhmun hi zaangfak kan si ko, an mah Min Aung Hliang le a ralbawi pawl himnak ca men ah kan nunnak lawng si loin kan chungkhar ning in hren kan si cang ko.

Rampi caah nunnak a petu si loin Min Aung Hliang le a ralbawi ca men ah kan si ko” tiah a chim hi asi. V,O.M

Be the first to comment

Leave a Reply

Your email address will not be published.


*