KywayChian khua kahdohnak a dih hnu ah kumtling lo ngakchia 2 tel in khuami minung 5 ralhrang nih an tlaih hna i an i kalpi hna tiah theih a si. October 3 zingah KywayChian khua ah ralhrang le mizapi humhimtu ralkap karlak fak ngai in kahdohnak a chuak tiah theih asi.”Nizaan an i kahkhawh hnu ah ralhrang nih khuami minung 5 cu an i kalpi hna.
Kahdohnak ah ralhrang lei a thimi an um.Inn zong an duah mi a um” tiah khuami pakhat nih cun a chim. Nizaan an i kah cuahmah lio ah ralhrang nih inn pakhat an duah pinah hriamngan nih a khen i inn pakhat ai rawk. Cun Inn 2 an baoh i an dawr thil pawl zong mawtaw in an i phurh tiah theih asi. Cu lawng siloin Pa pathum le ngakchia kumtlinglo 2 an dihlak minung 5 zong an i kalpi hna. Than Lwin Times
Ralhrangbu nih Suh Kyi cu sullam a ngei lomi sualpuhnak tampi he taza an cuai i zarkhat ah voi 4 zungah a chuahter i a ba ngai cang. Oct 4, tuni i Naypyidaw biaceihzung i bia an ceih lioah Suh Kyi nih ka ngandamnak a tha lo, zungchuah caan hi zarkhat ah voikhat in ka tuahpiak u tiah amah pumpak nih halnak a tuah nain ralhrang lei sihni hna nih an cohlang rih lo.
A halmi bantukin zungchuah caan an thawn piak le thawn piak lo kha hmaizarh zungchuah tikah biachahnak tuah dingin biaceihbawi nih a ti, tiah Suh Kyi lei sihni hna nih an chim. Nai i zungchuah lioah sualpuhtu lei nih an chimmi violate cu Suh Kyi nih Mirang biafang pahnih “ALL Absurd” timi lawng a chim i a el hna tiah a sihni U Khin Maung Zaw nih thawnglatu hna sinah a chim. ALL Absurd ti a sullam cu hrihhram ngei lo, a vaivuanmi tinak a si.
Suh Kyi cu sullam ngei lomi sualpuhnak 25 hna hmangin ralhrang nih taza an cuai pinah pohmah 505 (b) zongin an cuai chih fawn. Cucaah zarkhat ah nikhat ni, nihnih ni, nili ni ninga ni tintein zungah a chuahter lengmang tiah theih a si. Ref: Delta News Agency A dang: Htee Chianh (ထီးချိုင့်) PDF Sinah CDM Palek 20 An i fonh. Sagaing ramthen Htee Chianh pengah khuabawi le sangbawi dihlak ti awk nih an rian an chuahtak i ukhruainak rian a kal kho ti lo.
Cu lioah CDM a tuahmi palek 20 hna cu Htee Chianh PDF ah an i fonh Htee Chianh khuapi chung i palek sakhan cu PDF nih mei in an khangh tiah theih a si. Oct 3, nizan zan suimilam 8 hrawngah Aledaw (အလယ်တော) khua i palek sakhan cu PDF nih mei in an khangh cang. Cun Oct 4, tuni zinglei suimilam 4 ah Hee Chianh khuapi chung palek sakhan cu PDF nih hriamngan in voihnih an kah i ralrinnak an pek hna.
Cu lawng sirloin Htee Chianh peng i khuabawi le sangbawi hna sinah rian chuahtak dingin an fial hna. Cucaah Htee Chianh peng i khuabawi le sangbawi hna cu an dihlak ti awk in an rian an chuahtak. Htee Chianh PDF nih cun CDM a tuahmi palek 20 hna cu lunglawm tein an cohlan hna bantukin midang zong kan sinah fonh nan duh ahcun innka kaupi in kan on peng ko tiah an thanh. Ref: Khet Thit Media
Leave a Reply