Ralkap Nih Chinram Ka Kah Taktak Cang lai Ati

Chin ramkulh cu raldohnak in Zarh (2) chung ah kan lak lai, raldohnak faak Chin ramkulh ah kan tuah lai i zarh 2 chung ah kan lak dih cang lai tiah SAC Ralhrang lei nih nizaaan September 25, 2021 ah thawngthanh nak an tuah tiah DVB nih a tarlangh.Enter Hi kong he pehtlai in DCV nih CDF Mindat lei zong pehtlaihnak tuah in, an hmuh ning halnak an tuah ve hna. Ralkap nih Zarh (2) chung ah Chin ram kan lak cang lai an timi kong ah zeitin tiah biahalnak an tuah i CDF-Mindat lutlai pakhat nih “Zarh (2) chung ah Chin ram kan lak cang lai timi cu,

CDF pawl kan umnak an rak phak in an i fiang ko lai. Kan sin an phak in an i fiang ko lai” tiah fiang ko in lehnak a tuah ve hi asi. Hi kong hi DVB ah video in ngaih khawh a si lai. Nizaan September 25, 2021 ah khan ralkap lei nih thawngzamhnak an tuah mi a si, Chin ram cu zarh 2 chung ah kan lak cang lai tiah thanhnak an tuah tiah DVB nih a langhter lawng si loin CDF-Mindat lei zong ruahnak halnak, an hmuh ning a chim ter hna hi asi.

Deputy Chief of Police simi le NLD cozah lio ah Daw Aung San Suu Kyi body guard rian zong a rak ttuanmi Cherry Htet cu a luan ciami September ni 23, kum 2021 ah khan Naypidaw, Zambuthiri peng, No.1 ralhraang palik sakhan in ralhraang bawi pakhat nih pohmah 505 in a hmuh phonh hnu ah an tlaih tiah thawngpaang theih a si. Hi kong he pehtlai in lih le hrokhrol in thawng thanh tawn tu Min Aung Hlaing salpa Zaw Min Htun nih,.

“kan tlaihnak hi a ruang pahnih um i hlathlainak kan tuah cuahmah lio si, kan mah nih ralhraang tiah kan thanhmi NUG phu chung phanmi hna he pehtlaihnak a neih ruangah si” tiah Voice of Myanmar ah a chim. Cherry Htet nih hin social media pakhat simi facebook cung in ca tete a rak thlah lengmang, a luan ciami March ni 6 ah khan “a dik lo ti kan theih ko bu i kan chim ngam ttung lo ah cun kan hmur cip ding si ko, a dik ko tiah cun ti ve hlah uh” tiah a rak thlah, cun March ni 17 ah khan “zei tin dah kan tuah ti kun lai, CDM nan tuah lo ah cun ralhraang minung ah kan in chiah hna lai tiah khat lei nih an ti

“Khat lei nih le CDM tuahmi cu palik zulh phung buarnak upadi hmang in kum 13 tiang thlaak nan si lai ti si fawn, kaphnih ning in tlaih ding kan si tik ah mah lungtho tein thil i sanh i thonginn ah kal hau lai, Crd, ka thil zong kaa timh cuahmah lio” tiah a rak thlah. Cun a luan ciami March ni 14 ah khan “ka nu, kan ngai tuk” tiah We Love Daw Aung San Suu Kyi facebook page cung in a rak thlah fawn,

Cun June thla lio ah khan NLD Party, Bilin Hlutdaw palai hlun simi Ma Thiri Yadana he pehtlaihnak a nei i Ma Thiri Yadana nih ramhlak an um to khuasaknak hmangthlak pawl le NUG nih thanhca an chuahmi pawl a rak kuat, i a mah Cherry Htet lei zong nih thil zei maw a kuat ve ruang ah tiin report tuah a tonnak le an tlaihnak cu si.

Be the first to comment

Leave a Reply

Your email address will not be published.


*