Ralkap Nih Chinmi An Tlaih Mi Hna Kong Thawngthar

May thla lio ah tlaih mi Paletwa mino 4 an luat cang,. May 28 hnu in tlaih mi Paletwa mino 4 cu sakhaan ah an hren hna i October 12 biaceih an si hnu ah an thlah than cang hna, tiah kan theih. “Sakhaan ah hren mi hna hi an hlathlai hna tik ah thongthlak ding tiang in sualphung an buar mi a umlo caah an thlah than hna,” tiah a luat mi chungkhar lei upa pakhat nih a chim.

A luat mi hna cu; Aik Tun Min (hlasakthiam), Aik Tun Min (Company riantuan), Aik Tun Min (Thingram zung riantuan) le Ko Aung Tun Soe hna an si, tiah Khumi Media nih a tial. Biakilh: Aik Tun Min tiin minung 3 an min aa khat in Khumi Media nih a tial ningte a si.

AC ralkap in Miraltha degree hmutu Sergeant Zway Mann CDM a tuah, October 12| SAC ralkap kha-ma-ya 5, Ta-ma-kha 66 in Miraltha degree hmutu Sergeant Zway Mann cu CDM a tuah i a himnak hmun a phan cang tiah, theih a si. Sergeant Zway Mann cu ahote phu sin ah CDM a tuah ti kha Media dang nih September thla dongh tiang ah SAC ralkap chung in CDM a tuah mi minung 1500 renglo an rak si cang.

Nihin October 12, 2021 zaanlei suimilam 6:00PM in khan SAC Ralhrang lutlai pawl le Ramdang Embassy Upa pawl cu Napyitaw Military Zone ah Emergency meeting an tuah tiah theih asi. Atu zaan lei ah ruah lo pi in ramdang Embassy Upa cheukhat hna SAC ralhrang lutlai lei nih an auh hna i an mah Ralkap humhimnak Military Zone ah Emergency Meeting an tuah hi a si tiah an chim.

Nihin zaanlei ah khan Naypitaw Hotel, Aureum Palce le Park Royal Hotel ah Ramdang Embassy upa cheukhat le SAC ralhrang lutlai cheukhat cu an rak phan hna, Atu an rak phak nak hi an mah ralkap umnak le Ralkap University pawng hrawng ah a si i tha tein SAC ralhrang lei nih an ven hna ti asi.

Tuzaan lei suimilam 6:00PM in khan Meeting room ah an lut cang hna i a tuhi biaruahnak an ngeih cuahmah lio asi tuah Mratt Kyaw Thu timi nih a tarlangh. Tutan Emergency meeting ah hin India ramdang palai le Russia ramdang palai tel ve dawh an si, a si nain confirm awk tha tak a tha rih lo tiah a langhter fawn, cu pin ah Min Aung Hliang Meeting ah aa tel ve le tel ve lo theih a si rih lo.

Be the first to comment

Leave a Reply

Your email address will not be published.


*