Ralkap nih Chin Pa an Thah

Chin ramkulh,Mindat palek riahbuk ah umhmun khuar mi ralhrang hna nih September 23 nizaan zaan ah kahthlorh in an kahnak ah GAD riantuan pakhat kuan nih a hliam i a nunnak a liam tiah theih a si. “Palek riahbuk tanglei ah a ummi GAD riantuan Chin mi pakhat zunte kal dingin a kal lio ah ralhrang nih

Kahthlorh in an kahmi kuan nih a hliam i a nunnak a liam tiah”khuami pakhat nih a chim. Ralhrang kahnak in a nunnak a liammi hi GAD ah cazi a si i Pi Yaw Shen a si tiah theih a si a nih hi Ki-Lawng khuami a si tiah theih a si.Zahan thawk in Mindat telh in Chin rankulh khua tam deuh ah Internet line phih a si tiah theih a si. 

Sagaing ramtthen, Tanhse peng Kyikung khua cu September 24 zing ah a kang than i hihi ralhrang nih a ni hnihnak an khangh asi tiah khuami hna nih an chim. Hi khua hi Palek chungkhar thahnawn an ton hnu in ralhrang pawl nih nizaan ah inn an khangh hna i tuzing (September 24) an khangh chap tthan tiah khuami hna nih an chim.

Khuami pakhat nihcun ” Motor pakhat in an ra i an rak khangh than nizaan ah khua chaklei an khangh i tuzing ah khua thlanglei an khangh.Nizaan kha NLD party chungtel inn pawl an khangh tuni zong cutin a si ttheo lai Palek nu pakhat le bang cu amah bak nih mei a nawn thluahmah a chungkhar an thih caah teirul cham ti a si ko lai dah” tiah a chim.

Hi Kyikung khua ahhin September 22 zaan ah kahdohnak fak ngai a chuak i cu dih cun Palek chungkhar si mi Pyusawtthi zong simi U Ye Myint nupi le a fanu hlei ah a tunu zong thah an rak tong tiah theih asi. Nain mizei nih an thah hna timi cu hngalh a silo pin ah Tanhse peng PDF nih kanmah kan si lo tiah an rak ti.

Kahdohnak a chuah hnu ah khuami hna an zaam i cu kar ah ralhrang nih inn an rak duah hi a si nizaan September 23 ah inn 18 an duah tiah theih a si. Hi Kyikung khua hi inn 100 hrawng an si i a tu cu an khua ning in khua an chuah tak tiah Irrawady nih a langhter. Irrawady

Be the first to comment

Leave a Reply

Your email address will not be published.


*